طيب انا هسأل السؤال القنبلة اللي بيهم ٩٩٪‏...

  • بادئ الموضوع بادئ الموضوع Ahmed ElGohary
  • تاريخ البدء تاريخ البدء
عرض العطلة
A

Ahmed ElGohary

:: مسافر ::
#1
طيب انا هسأل السؤال القنبلة اللي بيهم ٩٩٪‏ تقريباً من ابناء جيلي

فيزة السياحة لامريكا عشان اخدها محتاج معجزة كونية زي ما بسمع ولا الموضوع مش بالافورة ديه اللي ناس كتير بتقولها ؟؟

وازاي اخلي ورقي اللي هقدمه يكون قوي كفاية عشان يبقى في احتمال كبير انهم يوافقولي ع الفيزا ؟؟
 
#2
العوامل دي بتسهل قبول الفيزا الي حد ما ، يفضل تكون متزوج ، عندك وظيفة معقولة بمرتب

،كويس ، سافرت اي مكان ويفضل اوروبا قبل كده
 
#3
مش بالاوراق ولا بالسفر علي مزاج الموظف! في ناس أعرفهم معندهمش ولا Travel Record ولا Statement of Bank عدلة وأخدوها هيا بالحظ أكتر مش بالورق!
 
عرض العطلة
#7
انصحك بالحاجات دي
١-متكدبش في اي سؤال حتى لو شايف ان الاجابه من وجهة نظرك مش في صالحك
٢-جهز اي اوراق ملكيه تخصك او تخص اسرتك
وحساباتك البنكيه وكروت الائتمان وHr letter
٣-جهز برنامجك السياحي وخلي كلامك مرتب ومتستناش لما هو يسالك وتجاوب بس ، حاول بقدر الامكان انك انت اللي تمسك سياق الكلام وحاول تقول كل اللي عندك وهو هيسالك في النص عشن متتخبطش رفض وانت لسه مقلتش اللي عندك
٤-متنساش ان اللي بيقابلك دا شغلانته انه يفرز يوميا المآت ، متستخفش بيه

وان شاء الله هتتقبل
 
#8
فيزا امريكا هى الفيزا التى تاكد تكون الوحيدة اللى الورق مش فارق فيها لان صاحب القرار الأول ولاخير فى اعطائك الفيزا هو الموظف اللى بتقبله وده ممكن يقبلك بدون ورق خالص وممكن يرفضك وانت وراقك سليم ومتستف ( بمزاجه ابن الجذمة )
 
#10
لو معاك شنجن قبل كدا اعتبر نفسك واخدها و لو مش معاك شنجن يكون جوازك فيه كام تأشيره كدا و كشف حسابك يكون كويس و عليه عمليات
 
عرض العطلة
#11
انا معايا شنجن سابقة و يو كي سابقة واقامة سارية في اوربا بس مفيش فلوس كويسة في بنك ممكن يكون الامل اخدها بنسبة كام
 
#12
لا موضوع بسيط جدا بس محتاج ورق مظبوط واجوبه مظبوطه وثبات انفعالي فى المقابله ولازم فى ناس تتقبل وناس تترفض دا فى اي حاجهً فى الدنيا .. بس خليكي فى النص الي مينفعش يترفض بالورق الصح وكشف حساب وأرصده يكون حلو وhr latter مختوم و تكون مالي application الي علي الانترنت بذكاء وبدون كدب او اكدب بس بصياعه لان كل حاجهً بيعرفوها وبيتحرو عنها والتوفيق من عند ربنا
 
#13
الموضوع بسيط جدا....اهم حاجتين hr letter بمرتب كويس وحساب بنكي معقول. متكدبش ولازم يكون في سبب محدد للسفر وواضح عشان ميحسش انك بتحور عشان تروح وتكسر فيزا
 
عرض العطلة
#16
اثبت للموظف انه ليك رابط قوي يخليك ترجع لبلدك. وظيفة ثابتة، ممتلكات من اي نوع، اي حاجة تخليه واثق انك راجع. طبعا لما يكون موقفك المالي قوي بيعزز الطلب بتاعك. و ماتديش معلومات اكتر من المطلوب. جاوب علي قد السؤال. و بالتوفيق.
 
#17
والله يا جماعة ولا أي كلام من اللي بتقولوه ده.. محدش بيبص في ورق أصلا.. هو بيبص على شكلك ويسألك سؤال ولا اتنين.. عجبته، بياخد الباسبور، معجبتهوش بيرميهولك ومعاه ورقة الرفض!
 
#19
انا اخدت فيزا امريكا لمجرد انو عرف انى روحت اوروبا كتييير واستراليا وانجلترا ... مخدش منى حتى ورق يشوفو بس الباسبور ويسمعنى
 
عرض العطلة
عرض العطلة
أعلى أسفل
عودة
قائمة