A
Ahmed Hassan Egitto Luxor
:: مسافر ::
#جورجيا بعد التعويم وقبل التصريح الامني راس السنه 2017، بدايتا من مطار تبليسي ظابط الجوزات قابلتني بابتسامه عريضة وشافت الفيزا الاون لاين بعد ما اتاكدت من الفيزا وختمت الباسبور قالتي هابي نيو يير وادتني زجاجة واين هديه، شكرتها بنفس الابتسامة وقلتلها مش بشرب خمور، وصلنا الهوستيل كان بسيط جدا بس قضيت في احلي اسبوع في حياتي والناس صحاب الهوستيل طيبين بمعني الكلمه وكانو بيخدمونا علي قد ما يقدره. العمله في جورجيا لاري. 1$=2،5 لاري متوسط الوجبه من 10 الي 15 لاري، في مطاعم كتير حلال تركيه وعراقيه ومصرية الاكل مفيهوش مشكله، الفرد في الاسبوع في الهوستيل كان تقريبا 45$في الاسبوع عملنا برنامج مع شركه سياحه كان تكلفة الفرد في حدود 100 دولار روحنا 6 مدن، وكان معانا مرشد جورجي،. اجمالي تكلفه الرحله كان 3250طيران و220دولار اقامه وبرنامج. انصح اي حد اول مره يسافر بره مصر انه يروح جورجيا بجد مكان ساحر وممتع.
