انا من تونس و انشا الله أكون في مصر يوم ٢٢...

  • بادئ الموضوع بادئ الموضوع Ines Riahi Saidi
  • تاريخ البدء تاريخ البدء
عرض العطلة
I

Ines Riahi Saidi

:: مسافر ::
#1
انا من تونس و انشا الله أكون في مصر يوم ٢٢ جويلية انا و زوجي و ابنى . نحب بعد اذنكم نسألكم على احسن الاماكن إلى يتعملوا منها Shoppingبتاعتكم في مصر وفي شرم شوبن
و حاجة اخرى انا ابني عمرو سنتين و ٣ شهور وخايفة عليه من الطقس بقولو انو سجن اوى اعمل ايه.
و حاجة اخرى انا نحب نمشي ل سكي اروح ازاي من الجيزة
.
و مرسي جدا و انا بحب مصر جدا
 
#2
فى مولات كتير بذات فى مدينه نصر زى سيتى ستارز و كمان كايرو فاستيفال سيتى و فى شيراتون فى صن سيتى و 6 اكتوبر فى مول مصر و ده اللى فيهski Egypt و كمان مول العرب لو عايز شوبنج باسعار رخيصه جدا انزلى وسط البلد و الحسين بقى للهدايا و السوفنيير
 
#4
ان شاء الله مصر هتنور و هتعجبكم الرحلة الshopping فى القاهرة ممكن فى وسط البلد و قصر النيل لو تحبى مكان قريب و محلات عريقة بس الshopping الحديث فى المولات زى Arkadia / city stars / cairo festival city mall / Dandy mall / Mall of Arabia و فى مول مصر فى 6 أكتوبر و عندهم Ski كمان و فى شرم أماكن كتير ممكن فى خليج نعمه و بالنسبة للجو متخافيش لبسيه cap و نظارة شمس و خلى معاكم أزايز مايه و التنقل بتاكسى أو نزلى application زى Uber أو Careem و أستخدميه فى خروجاتكم
 
#5
مصر زحمة شويه يعني استعدي كويس ومتزهقيش من الزحمة لو جايين بدون مصري معاكم استخدمي اوبر وكريم اوعي تركبي تاكسي مصري وان شالله تنبسطوا نصيحة شوفي بنت مصريه هنا اتصاحبي غليها وراسليها لما تحبي تسألي تروحي فين وتتدفعي كام مجرد شات شئ كويس ليكي
 
عرض العطلة
#6
نصيحة
انتبهي لابنك من الخطف والسرقة دي منتشرة بشكل كبير
وسرقة الاعضاء

والنشالين في الشوارع

وبالتوفيق
 
#7
عسلامه اختي اولا حاولي تحكي مصري مش تونسي عشان ماحدش حيفهمكً وعشان ماتتعرضي لأي حالات نصب كيف كيف اي بلاصه فيها اجانب ورحله سعيده وردي بالك علي روحك
 
#9
لو بتحبي الاجواء الشعبية انزلي الحسين وشارع المعز وفيه قهاوي زي الفيشاوي والتمشية هناك ممتعة واشكال البيوت جميلة جدا اتمنالك زيارة ممتعة واستخدمي تطبيق اوبر او كريم
 
#10
لو جيتى اسكندريه كلمنى و اقولك تروحى فين فيها و تعملي ايه و تخلي.بالك عشان بيستغلو اللى مش مصرين
بس.لو مش بتحبي.الزحمه و الحر منصحكيش تروحى القاهره هتكرهى نفسك
و خليكى ع ابليكشن اوبر او كريم افضل بكتيير
 
عرض العطلة
#11
اهلا بيكى فى مصر هتنورونا متخافيش من الطقس هو حر لكن مقبول اهم حاجه ال sun block للبيبي وشربيه ميه وال cap ومتقلقيش وبالنسبه لتحركاتك عموما افضل شيء تنزلى ابليكشن اوبر واتحركى بيه لاى مكان العربيات مكيفه والناس محترمه جدا وال سكى موجود ف مول مصر وده تقدرى تروحيه ب اوبر زى ماقولتلك واكتر مكان ف كل البراندز ف القاهره هو سيتى ستارز وان شاء الله تتبسطى وتزروينا دايما .. بالتوفيق
 
عرض العطلة
#16
يا ادمن لو سمحت تشيل الاشخاص اللى بتسىء لبلدنا فى كل كومنت اى اجنبى عايز يزور مصر تلاقيهم ظهروا وهدفهم الوحيد الاسائة فقط المفروض دة جروب عن السياحة عموما مش تطفيش السياحة ياريت تهتم
 
#18
سيبك من الشوبنج في المولات لأنه غالي على الفاضي وكله محلات ماركات هاتلاقي زيها عندكم .... الأفضل لو عايزة محلات معقولة في سعرها انزلي شارع قصر النيل وشارع ٢٦ يوليو في وسط البلد
وسكي ايجيبت في مول مصر في ٦ اكتوبر ده تطلبي خدمة اوبر او كريم توديكي لحد هناك
أهم حاجة خلي بالك من ابنك كويس وانتي ماشية بيه في الشارع او اي مول والأفضل انك تجيبي له الشريطة اللي بتتربط في أيده تمسكيه منها علشان مايحسش بضيق من ماسكة ايدك طول الوقت وتكوني متطمنة عليه وانتي ماشية بيه
 
#20
و مصر و المصريين كمان بتحبك و بتحب كل التوانسة رفقاء الحرية و الثورة ... سكاى ايجبت فمول مصر فمدينة 6 اكتوبر فالجيزة و طريقها و مشوارها سهلين جدا و نزلى اوبر او كريم على موبايلك و روحوا بيهم افضل و ارخص ... اما الشوبنج ففشرم الشيخ مفيش شوبنج رخيص قوى لانها مدينة سياحية و بعيدة عن العاصمة بس وعد هتستمتعى فيها جداااا .... عايزة شوبنج اكسسوارات و تحف و حاجات مصرى و فرعونى و جو لطيف جدا يبقى على الحسين و خان الخليلى فالقاهرة و فاصلى مع التجار جامد اما لبس و جزم و شنط و كدة لو براندات يبقى لفى فمول مصر او مول العرب جمبه بس للاسف السيل لسة مبداش فكل المحلات ... اما لو عايزة شوبنج حاجات مش برادات فروحى وسط البلد بعد الحسين بحبة صغيرة و لفى براحتك فمحلات كتيييير و اكل و شاورما و ايس كريم و كل حاجة نفسك فيها ... ان شاء الله هتتبسطى فمصر
 
عرض العطلة
عرض العطلة
عرض العطلة
أعلى أسفل
عودة
قائمة