A
Ahmad Elfeel
:: مسافر ::
اكوا مارين تمام ٥ نجوم اوض كويسة اكل كويس اكوا بارك بس البحر ضحل حبة لازظ تدخل جوه كتير لو بتحب تعوم فى البحر بس فيه حمامات سباحة كتير انما بانوراما ٤ نجوم اقل شويتين فى المستوى مشهور ب البنجلو ولو حجزك مش بانجلو حيبقى شى غم بالنسبة لك علشان حتبقى فقدت الميزة الوحيدة للفندق براى . الفندق على البحيرة تقريبا بتروح البحر بتاعة بوسيلة مواصلات مش فاكرها بس مش بعيد بس الخيارين مش نفس المستوى . بالنسبة للخروج والفسح عيش بقى لم تيجى علشان زهقت من الكتابة
A
Abeir A. Selim
:: مسافر ::
البانجلوس كافندق مش للدرجه لاني كنت نازله قبله في فندق احسن بكتير فا مكنش في مقارنه بالنسبه للاكل و حمامات السباحه و كمان الشاطئ وحش اوي بس في المفروض زي يخت بيوديك شاطئ تاني بس لو واخد بانجلو هيعجبك المنظر جدا و القعده بره فعلا ممتعه و الخروجات في الجونه جميله و هاديه هتلاقي الناس هناك بيقولولك تعمل ايه و افضل اماكن تروحها و في باص من الداون تاون بينزلك الغردقه و في اوبر توكتوك بيروح اي مكان في الجونه
A
Ahmed Mohamed Fawzy
:: مسافر ::
انا كنت في جازاكوا مارين من شهرين تقريبا فندق ملوش حل جميل جدا و نضيف مستوي الاكل ممتاز وفي تنوع و عندك كذا مطعم منهم مطعم الفوركورنر دا جواه زي اربع مطابخ مختلفه اكل اسيوي و اكل شرقي و اكل ايطالي و اكل من البحر المتوسط الفندق في اكوابارك جميله جدا مشكله الفندق البحر بتاعه تفضل ماشي كيلو و المياه عند صباع رجلك الانيمشن تيم ظريف و السناكس ممتازه و العرض بتاع بليل حلو جدا توكل علي الله اما فندق بانوراما بانجلوس في الجونه الصراحه مرحتوش بس في اجماع انوا مش قد كده
M
Moataz Ibrahim
:: مسافر ::
نصيحة من غردقاوي :: قسم الإقامة علي الجونة و سهل حشيش .. بلاش بانجلوز لانه مش بتاع شهر عسل هو لذيذ لإجازة مع جروب .. بص علي اوشن فيو و فيه شوية فنادق تانية حلوة قوي علي ابو تيج مارين و بعدين بقي بالنسبة لسهل حشيش عندك ٢ اوبشن الكينج طبعا اوبروي بس هو غالي شويتين و يبعد عن سهل حشيش ٥ دقايق بالعربية و فيه بقي جوة سهل حشيش فندقين تحفة مناسبين جدا لشهر عسل premier le rive n و premier romance .. في الغالب مش هاتبقي عايز ترجع بلدكم تاني .. بص علشان تفهم فنادق الجونة كويس ادخل علي booking.com او TripAdvisor.. مبروك مقدما