انا دلوقتى معايا فيزا فرنسا و كنت مقدمه حجز...

[DiDo DiDo]

انا دلوقتى معايا فيزا فرنسا و كنت مقدمه حجز فندق و طيران وهمى لفرنسا عشر ايام دلوقتى انا اصلاً عايزه اروح اسبانيا و كنت هدخل من فرنسا اعد اربع ايام و الباقى فبرشلونه دلوقتى ناس خوفتنى جامد ان زه هيتسجل انى كدبت و هيرفضولى الفيزا بعد كده
انا حجزت الطيران قدامى ساعتين لحد الالغاء المجانى خايفه الغى و ملقيش تانى و طيران فرنسا ذهاب و عوده كمان هيكون اغلى انا متضايقه جدا و مش عارفه اسأل مين

 

[Ahmed Sheir]

مفيش حاجة كدة..محدش هيراقب روحتي فين و لا عملتي ايه..

 

[Ivan Enrique Gomez Castro]

اهم حاجة اختمي فرنسا

 

[Khaled Badry]

يا استاذة حضرتك مسافرة سياحة مش داخلة امتحان , ظروف السفر قابلة للتغيير حسب الظروف , الشيء الوحيد فقط انك تكوني مسافرة فرنسا كوجهه رئيسية , ودا سؤال ممكن ضابط الجوازات يوجهولك عند الدخول الي اسبانبا ودا شيء نادر الحدوث وبيحصل لو حصل شك , غير كدة تاشيرة شنجن مبنيه علي مبدأ حرية الحركة بدون قيود , ورحلة سعيدة ان شاء الله .

 

[Marwa Affiffi]

ادخلى من فرنسا عادى و خلى معاكى حجز الاتيل و بعدين روحى اسبانيا طيران داخلى بتذكرة منفصلة و بعدين ارجعى من فرنسا عادى. محدش بيسال حاجة فى الطيران داخل اروبا انا ما اسالتش.

 

[Mohamed Zeyad]

اتوكلي علي الله ومافيش اي حاجه هتحصل ادخلي فرنسا وبعد كده برشلونه ان شاء الله تقعدي في فرنسا ساعتين وتسافري

 

[Khaled Badry]

يا جماعة اي رأي بيقول انها لازم تدخل فرنسا الاول بدون ما يجيب دليل رسمي هيعتبر فتي بدون علم ومعلومات مغلوطة ..

 

[Mohammed Desouky]

Your visa can be issued from the country of
-first entry
or - longest stay

 

[Karim Elkeshk]

مفيش الكلام ده عادي كده تدخل وبعد كده تروح مكان مانت عايز ان شاءالله تلف اوروبا كلها ف ال 10 ايام

 

[Ahmed Shaban]

مفيهاش اي مشكله خالص

 

[Mahmoud Abd Elshafy]

مفيش اي مشكلة هتحصلك انا عملت زيك كدا بالظبط

 

[Enass Attia]

ادام دخلتي من فرنسا وختمتي دخول خلاص
ماحدش بيسأل بعد كده

 

[Mohammed Abd Elkader]

شوفي المفروض انك بتقدمي في سفارة البلد اللي هتقعدي فيها أطول فترة
بس بما انك اخدتي من فرنسا وناوية تقعدي في اسبانيا اكتر يبقى نصيحة احجزي فندق غير مؤكد في فرنسا لمدة ٧ ايام مثلاً وابقى تلغيه
المهم يكون معاكي اي ورقة توريها لأي ظابط يسألك هتقعدي كام يوم في فرنسا فيبان قدّامه انها فعلاً هتكون اكبر مدة اياً كانت خططك بقى الخفية
وكدة تدخلي من اي مطار ومحدش هيتلكك ولا يقدر يمسك عليكي غلطة

 

[DiDo DiDo]

انا بتكلم بس عشان مقدمتش فالابليكيشن اى حاجه تقول انى رايحه بلد غير فرنسا عموماً و بتكلم عالفيزا بعد كده ممكن يقلولى انتى مكنتيش قايله انك رايحه اسبانيا و ختم الخروج من اسبانيا و اللفه عشان ارجع اركب من باريس هتكلفلها اربع الاف لان سعر التذكره اعلى

 

[Ehab Ali]

مش فاهم انتي عايزة تعملي ايه دلوقتي

 

[Ehab Ali]

عادي جدا تقدري تروحي اي دولة من الاتحاد الاوربي، مفيش حدود بين الدول

 

[Saso Adel]

لو باسبورك اتتتختم دخول او خروج من مطار تشارلي ديجول او اى مطار تاني في فرنسا مفيش مشكله اهم حاجه انك تختمى باسبورك دخول او خروج لكن لو ما اتختمش هنا يكون في مشكله وممكن مايدوكيش التاشيره اني

 

[Marwa Affiffi]

عادى مفيش مشكلة الزابط فى المطار حيساللك ريايحة فين حتقوليله باريس فين حجز الاوتيل حتطلعليله الحجز بالمدة كلها فى باريس و بعدين حتروحى اسبانيا طيران داخلى ما فيش حد حيختملك فى الطيران الداخلى ده و لا حد حيسالك و انتى راجعة مصر حتختمى خورج من اسبانيا لو سالك حتقولى ان فرنسا ما خدتش الوقت اللى كنتى متوقعاه و بعد كده قررتى تزورى اسبانيا ده لو سالك.

 

[Mohamed Ismail]

لو أول مرة تاخدى فيزا من فرنسا لازمة تدخلى بيها فرنسا الأول وبعدين تروحى أسبانيا . لو أخدتيها قبل كده أدخلى من أي بلد مفيش مشاكل . حماتى وواحد صاحبى إترفضوا علشان خدوا فيزا من فرنسا لأول مرة ودخلوا الشنجن من بلد تانية

 

[Alaa Abdelhamed]

الشرط الأساسي انك تدخلى فرنسا يعنى يتختم دخول فرنسا وتروحى بعد كده فى مكان فى اوربا ده الحاجه الوحيده اللى بتتسجل هو ختم الدخول والخروج من الشنحن أما داخل الشنحن مفيش اختام