هاي يا جماعة انا خلاص حجزت طيران لمصر انشاء...

[Ilham Laftah]

هاي يا جماعة
انا خلاص حجزت طيران لمصر انشاء الله و عندي شوية تساؤلات يا ريت تجاوبوني عليها :
انا بنت من المغرب و مسافرة لوحدي ، هل ده فيه اي خطر عليا عشان قريت كومنتس لناس كثير بتقول ان مصر مش امان و خصوصا لبنت .
عاوزة ايه احسن الاماكن تتزار فالقاهرة ، اسكندرية ، شرم و ايه الاكتفتيز اللي ممكن اعملها.
بفكر بردو ازور لقصر و اصوان هل ده هيكون ممكن علما اني مسافرة شهر 8 ولا هيكون صعب.
و يا ريت لو في اي اقتراحات ثانية لاماكن حلوة اروحها يا ريت متبخلوش عليا بالمعلومة.
مرسي اوي

 

[Wessam Eldin Ahmed]

ان شاء الله مفيش خطر ولا حاجه كل مكان ليه مميزاته شرم لو انتى عايزه بحر واستجمام الأقصر جميله بس فى الشتا القاهره محتاجه حد يوديكى الاماكن اللى تتزار

 

[Shrouk Mohamed]

انا سمعت لكن معرفش ان الجونة و الغردقة احلى من شرم الشيخ لكن لو روحتي شرم فى كافيه اسمه فرشه لازم تروحيه اما اسكندرية فاخرها يومين لان مفيهاش اماكن سياحية كتير بس مكتبة اسكندرية و القلعة و المنتزة القاهرة شارع المعز و خان الخليلي معرفش فيها كتير للاسف

 

[Mahmoud Hassan Helal]

عادى ادخلى مصر لوحدك مش حيجرى لك حاجه بس متكونيش طيبه مع الناس زياده بالنسبه للاقصر واسوان دى بتتراح فالشتاء مش الصيف لان درجة الحراره عاليه جدا

 

[Asmaa Safwat]

القاهرة روحي الحسين وخان الخليلي تحفة هتشتري حاجات حلوة اوي هتعجبك والاهرامات لو ليكي في الاثار والتاريخ
اسكندرية تطلعي علي سان استيفنو شوبينج
وكمان روحي القلعة والزنقة هتشتري حاجات حلوة اوي من الزنقة
شرم حلوة اووي للغطس وغيره في حاجات حلوة فيه بس درجة الحرارة داخلة علي الاربعين هناك
ونصيحة بجد لازم تنزلي مصر في شهر واحد او ٢ لازم لازم تروح جبل الطور سانت كاترين وراس شيطان تحفة بمعني الكلمة

 

[Waled Salem]

اسوان حر جدا جدا مثل مراكش

 

[Mahmoud Hassan Helal]

بالنسبه لى انا من اسكندريه طبعا الشواطىء فى شرم الشيخ او الغردقه افضل بكتير انما اماكن اسكندريه ممكن معالم قلعة قايتباى ومكتبة اسكندريه

 

[Mohamed Hamza]

مجرد نصيحه بس بلاش الاقصر وأسوان حاليا الجو حر جدا جدا مَعرفش ممكن تستحملي وتستمعي بالجو هناك ولا لا القاهرهً والإسكندرية حلوين فيهم أماكن حلوه اكل وخروج ف كذا حد هيرد عليكي وبعرفك ويفضل لو لقيت بنت مصريه وخرجتوا سوا مَش قصدي حاحه بس لو معاكي حد من اهل البلد ممكن توديكي أماكن داخليه خلوه

 

[Ahmed Samir]

يفضّل لو معاكي حد فاهم عشان ميضحكش عليكي وتعرفي تروحي فين وأمتي

 

[Dina Mostafa]

بصي حاليا انتي احسن حاجه تنزلي شرم ده انسب حاجه ليكي الوقت ده إسكندريه زحمه جداااااا والاقصر واسوان ف الشتا وعليكي خير ... احسن حاجه تزوري شرم والغردقه والمحميات هناك

 

[Mohamed Nasr]

تعالي افسحك

 

[Engy Elsayed]

مصر جميلة متخافيش وحاولي تشوفي مرشد معاكي
والبسي لبس عادي مش ملفيت يعني علشان محدش يدايقك
Have fun
❤

 

[Shrouk Mohamed]

مش حقولك امان اوي بس لازم لما تركبي تاكسي تاخدي رقمه و اعملى نفسك بتكلمي حد من اهلك تقوليلو الرقم او اركبي اوبر و كريم متمشيش فشارع ضلمه لوحدك خدي بالك على حاجتك طول الوقت الوقايه خير من العلاج نش اكتر

 

[MoUna Ahmed Elmorshidy]

Khas darori chi wahed m3ak awla voyage organise

 

[Mohamed Nabel]

احجزي مع شركة سياحة افضل

 

[Sherif Nagy Tanamly]

تعرفي حد ف مصر ؟؟
يفضل تكوني عارفه حد هنا علشان المشاكل و كدا
نصيحة خليكي في الجونه
مقفوله و نضيفه

 

[Ahmed Fathy]

Au début tu seras la bienvenue en Egypte..
ثانيا بدون مبالغة لو حبيتي تتفسحي الساعه ٣ الفجر في القاهرة مفيش أي نوع من الخطورة عليكي..
ثالثا بلاش موضوع الاقصر واسوان في شهر ٨ هايبقى الجو صعب هناك شوية..
بالنسبه لشرم ممكن اديلك رقم شركة سياحه موثوق فيها لما تنزلي مصر تكلميهم يحجزولك في شرم بسعر ارخص من booking والفندق نفسه.. وهاتستمتعي جدا هناك
القاهرة طبعا في اماكن سيحية كتيرة صعب تتكتب في كومنت واحد لازم تزوريهم بس الأشهر طبعا الأهرامات وبرج القاهرة ( تاكلي في المطعم بتاعه) والمتحف المصري وشارع المعز والحسين علشان الهدايا التذكاريه ..طبعا كله يتوقف على عدد الأيام اللي هاتقضيها في مصر..بس اوعدك برحلة متتنسيش وخلي ابليكيشن Uber على موبايلك للانتقالات ده هايجنبك ان حد يستغلك وتوصلي مشاويرك كلها في أمان

 

[Амро Хелали]

بالنسبة لشرم اي استفسار انا موجود

 

[Sayed EL Keblawy]

لاء مصر امان الحمد لله تقدري تيجي وتستمتعي بكل حته فيها زوري الاهرامات والمتحف المصري وكلي في الحسين روحي الاقصر وأسوان متعة شرم الشيخ والبحر والسفاري وال diving مصر كل حته فيها تستحق انك تزوريها واهلا بيكي

 

[Ahmad M. Abdelwahab]

F