A
Alaa El-Greatly
:: مسافر ::
موضوع مهم لحاملي الباسبور المصري اللي عندهم ترانزيت في دولة من دول الشنجن (بريطانيا مش شنجن ولا يسرى عليها الكلام ده و لازم ليها فيزا ترانزيت)
في تلات حالات:
-----------------------------------------------------------------
الحالة الاولي: انك تكون مسافر دولة شنجن و عندك ترانزيت في دولة تانية شنجن يعني وجهتك النهائية دولة شنجن و طبعا معاك فيزا دخول عادي، ساعتها انت مش محتاج اي حاجة و هتختم الدخول في الدولة الاولى (دولة الترانزيت) مثال: مسافر فرنسا ترانزيت في النمسا، هتنزل في النمسا تختم دخول و تستنى طيارتك لفرنسا من غير اختام ولا حاجة
الحالة الثانية: مسافر امريكا او كندا ترانزيت فى دولة شنجن (او بريطانيا) و معكش فيزا شنجن،، عادي جدا هتطلع الطيارة و تنزل اي دولة شنجن و تعمل ترانزيتك باشا طالما معاك فيزا امريكا و محدش هيقولك حاجة ولا هنا ولا هناك.
الحالة التالتة و دي اللي هتكلم عليها عن تجربة شخصية،، لو انت مسافر دولة مش شنجن بس عندك ترانزيت في دولة شنجن مثال: مسافر البرازيل ترانزيت في سويسرا او مسافر روسيا ترانزيت في بولندا...
المفروض انك كمصري ملكش فيزا ترانزيت و حقك تسافر تقعد ترانزيتك و بعدين تسافر على وجهتك اللي مش شنجن ولكن.. حاليا ساعات في المطارات المصرية موظفين شركات الطيران بيرفضوا انك تطلع الطيارة بحجة انك لازم يكون عندك فيزا شنجن عشان هما هناك مش هيرضوا يدخلوك و بتاع،، لازم تكون عارف انك قانونا حقك تسافر و تعمل ترانزيت في دولة شنجن بدون فيزا لان مصر مش من ضمن الجنسيات اللي محتاجة فيزا ترانزيت و دي تجربتي الشخصية:
انا كنت مسافر روسيا على طيران السويسري و عندي ترانزيت في زيوريخ و بعدين موسكو، و ساعتها مكنش معايا فيزا اتحاد اوروبي ولا امريكا، و لما رحت للموظف عملهم معايا مش هينفع تطلع و قالي دي تعليمات و انت لو معاك فيزا اتحاد اوروبي حتى لو قديمة كنت طلعتك، انا قعدت اتكلم بالذوق و اقوله ان مش مطلوب فيزا للترانزيت للمصرين غير في التشيك و انا متأكد و سألت السفارة، قعد يقاوح وبعدين لما لقى اني فاهم كويس و عارف القانون جابلي واحدة زي مديرتهم كدا و قعدت تقولي دي تعليمات و مش تعليمات و ان انا بعمل كدا عشان مصلحتك عشان لو سبتك تسافر هما هناك هيمسكوك و يستجوبوك و هيرجعوك تاني و هيفتشوك و يبهدلوك و انا بعمل كدا عشانك ، رحت عينك متشوف الا النور قلتلهم انا امبارح مكلم السفارة سألتهم و قالولي مفيش مشكلة و رحت جايبلهم من عالنت نص القانون السويسري من وزارة الهجرة للجنسيات اللي بتحتاج فيزا ترانزيت و مصر مش منهم و زعقت فيهم جامد قلتلهم انا لو مطلعتش دلوقتي هروح اعملكوا محضر في المطار و اثبت فيه انكوا منعتوني من السفر من غير سبب و هرفع عليكو قضية مع سيل من الشتم و الزعيق، الموضوع اتحول بسرعة و خدت باسبوري صورته بالموبايل و صورت الفيزا الروسية و قالتلي ثواني هبعت للادارة في سويسرا البيانات و هما هيردوا بالرفض او القبول، قلتلها انا مليش دعوة بكل ده انا لو اتأخرت عن الطيارة هعملكوا مصيبة ف خمس دقايق كانت قالتلي تمام يا فندم اتفضل و سافرت و نزلت ترانزيت هناك و اقسم بالله محد بص في وشي اصلا ولا طلعت الباسبور لحد الا و انا بديلهم البوردينج التاني بتاع موسكو و كانوا هناك قمة في الاحترام و الادب و محدش بيقولك رايح فين ولا جي منين طول م انت في صالة الترانزيت و انا طالب على فكرة و كان الترانزيت و انا راجع 14 ساعة و مفيش اي مشكلة خالص، هو بس سخافة من الناس اللي هنا و خلاص.
و اللي في الصورة ده الايميل اللي سفارة سويسرا في مصر ردت عليا بيه لما سألتهم عالموضوع قبل ما اسافر. وياريت اي حد برده حاجز تذكرة من الحالة التالتة دي يبعت برده للسفارة يسألها و يخلي الرد معاه
ملحوظة للي مش عارف لما بتعمل ترانزيت في دولة شنجن مش مسموح ليك للخروج برا المطار طبعا.
في تلات حالات:
-----------------------------------------------------------------
الحالة الاولي: انك تكون مسافر دولة شنجن و عندك ترانزيت في دولة تانية شنجن يعني وجهتك النهائية دولة شنجن و طبعا معاك فيزا دخول عادي، ساعتها انت مش محتاج اي حاجة و هتختم الدخول في الدولة الاولى (دولة الترانزيت) مثال: مسافر فرنسا ترانزيت في النمسا، هتنزل في النمسا تختم دخول و تستنى طيارتك لفرنسا من غير اختام ولا حاجة
الحالة الثانية: مسافر امريكا او كندا ترانزيت فى دولة شنجن (او بريطانيا) و معكش فيزا شنجن،، عادي جدا هتطلع الطيارة و تنزل اي دولة شنجن و تعمل ترانزيتك باشا طالما معاك فيزا امريكا و محدش هيقولك حاجة ولا هنا ولا هناك.
الحالة التالتة و دي اللي هتكلم عليها عن تجربة شخصية،، لو انت مسافر دولة مش شنجن بس عندك ترانزيت في دولة شنجن مثال: مسافر البرازيل ترانزيت في سويسرا او مسافر روسيا ترانزيت في بولندا...
المفروض انك كمصري ملكش فيزا ترانزيت و حقك تسافر تقعد ترانزيتك و بعدين تسافر على وجهتك اللي مش شنجن ولكن.. حاليا ساعات في المطارات المصرية موظفين شركات الطيران بيرفضوا انك تطلع الطيارة بحجة انك لازم يكون عندك فيزا شنجن عشان هما هناك مش هيرضوا يدخلوك و بتاع،، لازم تكون عارف انك قانونا حقك تسافر و تعمل ترانزيت في دولة شنجن بدون فيزا لان مصر مش من ضمن الجنسيات اللي محتاجة فيزا ترانزيت و دي تجربتي الشخصية:
انا كنت مسافر روسيا على طيران السويسري و عندي ترانزيت في زيوريخ و بعدين موسكو، و ساعتها مكنش معايا فيزا اتحاد اوروبي ولا امريكا، و لما رحت للموظف عملهم معايا مش هينفع تطلع و قالي دي تعليمات و انت لو معاك فيزا اتحاد اوروبي حتى لو قديمة كنت طلعتك، انا قعدت اتكلم بالذوق و اقوله ان مش مطلوب فيزا للترانزيت للمصرين غير في التشيك و انا متأكد و سألت السفارة، قعد يقاوح وبعدين لما لقى اني فاهم كويس و عارف القانون جابلي واحدة زي مديرتهم كدا و قعدت تقولي دي تعليمات و مش تعليمات و ان انا بعمل كدا عشان مصلحتك عشان لو سبتك تسافر هما هناك هيمسكوك و يستجوبوك و هيرجعوك تاني و هيفتشوك و يبهدلوك و انا بعمل كدا عشانك ، رحت عينك متشوف الا النور قلتلهم انا امبارح مكلم السفارة سألتهم و قالولي مفيش مشكلة و رحت جايبلهم من عالنت نص القانون السويسري من وزارة الهجرة للجنسيات اللي بتحتاج فيزا ترانزيت و مصر مش منهم و زعقت فيهم جامد قلتلهم انا لو مطلعتش دلوقتي هروح اعملكوا محضر في المطار و اثبت فيه انكوا منعتوني من السفر من غير سبب و هرفع عليكو قضية مع سيل من الشتم و الزعيق، الموضوع اتحول بسرعة و خدت باسبوري صورته بالموبايل و صورت الفيزا الروسية و قالتلي ثواني هبعت للادارة في سويسرا البيانات و هما هيردوا بالرفض او القبول، قلتلها انا مليش دعوة بكل ده انا لو اتأخرت عن الطيارة هعملكوا مصيبة ف خمس دقايق كانت قالتلي تمام يا فندم اتفضل و سافرت و نزلت ترانزيت هناك و اقسم بالله محد بص في وشي اصلا ولا طلعت الباسبور لحد الا و انا بديلهم البوردينج التاني بتاع موسكو و كانوا هناك قمة في الاحترام و الادب و محدش بيقولك رايح فين ولا جي منين طول م انت في صالة الترانزيت و انا طالب على فكرة و كان الترانزيت و انا راجع 14 ساعة و مفيش اي مشكلة خالص، هو بس سخافة من الناس اللي هنا و خلاص.
و اللي في الصورة ده الايميل اللي سفارة سويسرا في مصر ردت عليا بيه لما سألتهم عالموضوع قبل ما اسافر. وياريت اي حد برده حاجز تذكرة من الحالة التالتة دي يبعت برده للسفارة يسألها و يخلي الرد معاه
ملحوظة للي مش عارف لما بتعمل ترانزيت في دولة شنجن مش مسموح ليك للخروج برا المطار طبعا.
