مساء الخير اعضاء الجروب الكرام انا هسافر طيران...

[Мина Харун]

مساء الخير اعضاء الجروب الكرام
انا هسافر طيران اول مرة فحياتي كمان اسبوعين و خايف اتلخم في المطار و معرفش الاجرأات اللي لازم اعملها وانا داخل المطار
ياريت اي عضو ينزل شرح مبسط لمراحل السفر من اول الدخول الي بوابه المطار حتي الخروج من بوابه مطار الواجهة الاخيرة
بما في ذلك مرحلة الترانزيت
اسف علي الاطالة

 

[Mohamed Galal]

هتدخل من باب وتطلع من التاني بسيطه

 

[Mohammed A. Amar]

انا كمان محتاج نفس الشرح خصوصا مرحلة الترانزيت , ولما دورت ع جوجل مفيش غير كام فيديو باللهجه المغربي ومش فاهم ولا كلمه.

 

[Ahmed Ibrahimovich]

اول حاجة هتدخل على تفتيش الشنط في المطار
والظابط هيسالك معاك فلوس قد ايه
هتدخل على البوردنج اللى هو المكان اللى بتوزن فيه شنطتك ولازم تكون ظابط الوزن حسب الوزن المسموح ليك
والبوردنج مكتوب عليه رقم البوابة اللى هتطلع منها الطيارة
هتروح الجوازات
هتختم جوازك
هتعدى تروح على البوابة
هتركب الطيارة
لو ترانزيت
اول ماتوصل البلد اللى هتروحها ترانزيت هتسال على رقم البوابة المكتوب في البوردنج
هتروحلها تركب طيارتك التانية
هتوصل بالسلامة ان شاء الله
هتدخل على الجوازات
وبعدها على سير الشنط تستلم شنطك
ورحلة سعيدة ان شاء الله

 

[Ashraf Gawdat]

اقولك على نصيحة صغيرة بدل ما تحفظ كل الخطوات واللي ممكن تختلف اختلافات بسيطة حسب المكان أو الظروف: اعرف أول خطوة بس وبعدين مع كل خطوة لما تخلصها اسأل الموظف نفسه اروح فين دلوقتي

 

[Ahmed Abdelmaged Abdellatif]

خد معاك قلم مهم جدا والله
الواحد بيتسلوح من غيره

 

[Sayed Said]

لو.مسافر مصر للطيران يبقي من مطار 3 ولو مسافر اي طيران تاني يبقي من مطار 2 هما في نفس المكان بس دخول مختلف .... لازم.تتاكد من الوزن وغالبا وانت رايح مبيبقاش معاك وزن كتير ونصيحه للي بيسافرو حاول متاخدش شنط كتير عي شنطه واحده وشنطه يد تلم فيها كل حاجتك .
بتدخل من صاله السفر معاك جواز سفرك وتاشيرتك بتعدي من الجهاز موبايلاتك ومحفظتك كل حاجه خليها جوة شنطه اليد بتاعتك عشان متنساش حاجه ..طبيعي انك تخلع حزامك وحذاءك امور تفتيش عاديه .
اول متعدي بتشوف فين مكان اللتشك ان اللي بتسيب فيه شنطك وتاخد البوردينج اللي فيه رقم البوابه والكرسي ولو ترانزيت يبقي طبعا الشتط بتتشحن مباشره علي اخر مكان ولازم تتاكد من ده علي حسب عدد ساعات الترانزيت.
بتاخد اوراقك وباسبورك وبتملي كارت كده بيديهولك فيه اسمك ورقم جوازك وبتتوجه علي الجوازات تختم جوازك وتعدي علي رقم البوابه اللي مكتوب في الكارت وتنتظر ينادو علي رقم رحلتك .
بتنزل ترانزيت فيه علامات بتقول Transit وفيه استلام حقائب انت بتمشي علي الترانزيت وفيه رقم البوابه وطبعا بردو جهاز تفتيش بتنتظر في مكان البوابه اللي مكتوب او لو مش مكتوب بيبقي فيه لوحه كبيرة الكترونيه بتدور فبها علي رقم رحلتك وقدامها بوابه رقم كذا .
وبتنظر ينادو علي رقم رحلتك بتطلع الطياره بتدور طبعا علي رقم كرسيك وبتنزل علي الجوازات تختم وتعدي علي استلام الحقائب وبس كده رحله سعيده

 

[Ahmed Elsayed]

بتوفيق يا صاحبي ❤❤

 

[Nor Mohamed Mohamed]

الترانزيت لو علي نفس الشركه بتفضل قاعد في الطياره وبيعملولك اعلان ان الطياره هتتزود بالوقود وممنوع التدخين ..ومدة الترانزيت بتكون ساعه ..
لو ازيد من ساعه وشركه تانيه بتنزلو تدورو علي رقم الرحله في الشاشه ورقم البوابه وتروحو عاابوابه مفروض لو شركه محترمه هي بتبعتلك شنطك عالشركه التانيه

 

[Ivan Enrique Gomez Castro]

متقلقش يا استاذ مينا هارون زى سكة الدبوس بالظبط اهم حاجة تكون واثق من نفسك عشان لو اتهزيت و هو خد بالة حيشك فيك

 

[Mostafa Mohamed]

بس نصيحة ليك ما تخرجش و انت رايح علشان تاخد ختم التشيك لو عايز تخرج خليها و انت راجع

 

[Usama Aboheram]

F

 

[Ahmad Alashri]

اعرف اسمك الاول وبعدين اتكلم

 

[Mostafa Gamal]

هو المفروض الترانزيت انا اللي باخد شنطي في الترانزيت و ارجع احطها تاني ؟ ولا باخدها من اخر وجهه ليا !
انا 2 ترانزيت
ولز عاوز اتاكد بكلم مين

 

[Ahmed Hosni]

ادخل المطار و هينادوا عليك متقلقش

 

[Sayed Kamal]

محدش نزل متعلم فكك

 

[Hajer Bassem]

This may help:

 

[Zähráã Rãmädâñ]

F

 

[Tom Jerry]

هتتعلم... ولو احتجت حاجة اسال اي ضابط في مطار هيساعدك بس خلي بالك من وزن بيكون مكتوب على تيكيت وربنا معاك

 

[Ãħ Mệď]

f