مساء الخير اعضاء الجروب الكرام انا اخدت تيكت...

  • بادئ الموضوع بادئ الموضوع Ahmed Mohamed
  • تاريخ البدء تاريخ البدء
عرض العطلة
A

Ahmed Mohamed

:: مسافر ::
#1
مساء الخير اعضاء الجروب الكرام

انا اخدت تيكت طيران free ذهاب وعودة ل قبرص وده كان برومو من شركة سامسونج

وطبعا منتظرين منى تحديد ميعاد لاستخراج التيكت ده خلال الفترة من سبتمبر لحد نوفمبر.

عايزكم تفيدونى بالاجراءات وكيفية السفر بأقل مبلغ ممكن
هاتعامل فى البلد دى ازاى وانا مش بروفيشنال فى اللغة؟
هاحتاج اد ايه فلوس ؟ مع الاقامة بأقل امكانيات

عشان استغل تيكت الطيران ده بأقل تكلفة ممكنة فى السفر من اول استخراج التأشيرة لحد ما ارجع القاهرة تانى من السفر.....وحلو اوى ٤ ايام ب ٣ ليال.

ولو فى حد مسافر فى الفترة دى ممكن اسافر معاه ؟

#نصايحكم
 
#2
دور دلوقتى فى خطوات الفيزا و بعدها دور على باقى المعلومات علشان بس تركز فى خطوه خطوه و عموما التعامل سهل حتى لو الانجليزى متوسط
بالنسبه للفتره فنصيحتى خليها طويله لان اغلى حاجه فى الرحله الطيران و دى اتشالت من عليك
و اتاكد منهم هى كلها فرى ولا هتدفع الضرايب بتاعتها
 
#3
بص مبدايا ان اغلي حاجه في الرحله الطيران يعني انت لو عاوز هوستيل هيبقي في حدود 10/15في اليوم الاكل زي ماك وكنتاكي وبيتزا هت مش غالي يعني بتبدا من 5يورو، المواصلات من مدينه للتانيه ب 5 يورو ذهاب و5عوده، انصحك انك تقيم في ليماسول مدينه ممتازه ومنها ممكن. تزور لارناكا ونيقوسيا وتشوف الجزء التركي. الحياه هناك حلوة جدا جدا وانصحك انك تاخد معاك معلبات تونه مثلا لنشون كيري وتجيب عيش بس من هناك وتاكل يومين مثلا تجرب الاكل بتاعهم خاصتا السمك الوجبه في حدود 15/20 يورو في اي مطعم في المرينا في ليماسول
 
#4
فيزا قبرص مش صعبة .
شوف موقع vfs global Cyprus
عليه الورق المطلوب للفيزا وسعرها وحجز معاد وبتروح وبتقدم الورق ،الفيزا بتطلع بعد اسبوعين حد اقصى ممكن قبل كدة بكتير .
 
عرض العطلة
#6
طيب يا جماعه ايه الاوراق المطلوبه , انا في قطر و زوجتي في مصر و عاوزين نطلع مع بعض بس انا هقدم عليها في قطر , ايه الاوراق المطلوبه في مصر لزوجتي مع االعلم ان مراتي موظفة حجز طيران بشركة سياحه
 
عرض العطلة
عرض العطلة
أعلى أسفل
عودة
قائمة