سؤال لأصحاب الخبره ( و ياريت لو حد شغال في...

[Bahaa Aldeen Farouk]

سؤال لأصحاب الخبره ( و ياريت لو حد شغال في طيران الاتحاد )
اذا كان الاسم الأخير اسم مركب مثال ( محمد فتحي ) و تم كتابة فقط (فتحي) في الاسم الأخير أثناء الحجز , هل تعد التذكره خاطئة
المشكله أنه ليس نفس جوازات السفر المصريه الغير محدد فيها اسم أول و أخير و بيكون الاسم بالكامل مكتوب ورا بعض , في هذا الجواز محدد الاسم الأخير كالتالي : Mohamed-Fathi

 

[Karim Seoudi]

Ali Zaki ??

 

[Mohamed Yehia]

انا حصلت معايا مرة زي كده كتبت الاسم قبل الاخير
بعت ميل للشركة وسكان الجواز وهم عدلوا التذكرة
بس كانت شركة غير الاتحاد

 

[Mohamed Eidaros]

الاسم الأخير هو اخر اسم مكتوب في جواز السفر بغض النظر الاسم الأخير مركب أو لا .. في حالة حضرتك الاسم الأخير هو فتحي

 

[Haytham Khorshed]

اهم حاجة الاسم الاخير في الحواز زي الاذكرة مالهمش دعوى مركب و لا بسيط

 

[Ramy Pasha Reda]

هم هيعرفوا منين انه مركب اساسا هو بالنسبة لهم family name

 

[Mostafa Ismail Fawzy]

تتعامل في الحجز كأن الاسم مش مركب انا زي حالتك ابويا اسمه اسماعيل فوزي في الحجوزات والحاجات الشبيهه بتعامل معاه كأنه مش مركب

 

[Bahaa Aldeen Farouk]

المشكله ان الجواز أمريكي فبيكون مكتوب فيه : first name and last name

 

[Sajid Jamal Eddine]

لا مفيش اي مشكله، انا كان عندي حرفين غلط في التيكت، ge بدل ji في الباسبورت، و مشيت

 

[Essam Elshenawy]

لا عادى بتعدى اهم حاجه الاسم صح وما يكونش فيه خطأ املائى عشان مايرخمش

 

[Hussain Elsayed]

لو مسافر لدولة عربية ولا تشغل بالك .

لو لأجنبية ،اذا كان الحجز من مكتب سفريات يبقي تبعت لهم صورة الجواز وفيه طريقه بيتعمل بيها ملحوظة بالحجز .

اذا اونلاين يبقي لازم زيارة لمكتب الاتحاد مع جواز السفر وهما هيحطوا الملاحظة دي مجاني .

 

[Ahmed Abdallah]

Mahmoud Arafa

 

[Ahmed Shaaban]

مش عارف حاسس ليه ان ده سؤال اختبار منك يا هندسه عشان تشوف الناس اللي بتفتي

بس خلينا نقول (عن تجربه صديق) ان احسن حل فوضع زي ده تتصل بطيران الاتحاد نفسهم خدمة العملاء عندهم علي اعلي مستوي وهما هياكدولك ينفع ولا لا

 

[Amaar Bahnasy El Demerdash]

بص اهم شئ يكون الاسم زى الجواز بالظبط بمعنى مفيش اى ميس ماتش فى الحروف او الاسامى "بين التكت و الاسم فى الجواز ".. ولو كان موجود بيبقى سلطه تقديريه لمندوب الشركه اللى فى المطار .. و بيقبلك بناء على عده عوامل .. يعنى لو التذكرة فيها ترانزيت او راوند تريب و انت لسه حتستخدم اول ليج ... بنسبه سبعين لتمانين فى الميه حيقولك راجع مكتب الحجوزات خليه يعدلك الاسم .. .. لو وان واى تكت و راجع لبلدك و مفيش ريترن فى التذكرة او التذكرة دى الريترن .. يعنى استخدمت فيها اول ليج .. بيقبلك عادى بنسبه تسعين فى الميه .. زى ما قلتلك سلطه تقديريه .. لو اسلوبك محترم وكده بتعدى معاه
اما بقى للفرست نيم و اللاست نيم فده بيكون .. حسب الديتينشن اللى انت رايحها العوامل السابقة بتؤخذ فى الاعتبار يعنى لو مسافر اوربا او امريكا بيشددوا على الموضوع ده .. ده فى كل الاير لاينز .. وزى مقولت سلطه تقديريه و الموظف اللى بياخدها بيتحمل مسؤليتها .

 

[Saso Adel]

مفيش اى مشكله خالص المهم يكون اسمه في الباسبور مكتوب محمد فتحي ولو ينفع موظف الحجز يحطله ريمارك ع الحجز بالاسم كامل ويحط رقم باسبوره هيكون افضل لكن هي مفهاش اى مشكله خالص ما تقلقش

 

[Samir Moustafa]

يا فندم انا كان عندى عميل جاى من امريكا وادانى last name مش موجود اصلا فى الجواز ومحصلش مشكله فى المطار
بس كنت دخلت بيانات الجواز بالكامل على الحجز بعد ما اكتشف الموضوع
اللى حضرتك بتتكلم فيه دة بسيط وعادى جدا بس يدخل بيانات الجواز فى الحجز وشكرا

 

[Abdelhamed Moustafa]

لو الاسم زى الباسبور واهم حاجة نفس رقم الباسبور اللى اتحجزت بيه ال ticket يبقى مافيش مشاكل

 

[Mohamed Badea]

Maha Gesraha

 

[Kareem Alnaghy]

بص يا هندسة انا حصل قدامي موقف زي ده
الاسم في التذكرة مش مهم يكون مطابق
المهم الاسم في التأشيرة يكون مطابق لجواز السفر