عملتوا ايه عشان تقنعوا اهلكم انكم تسافروا؟...

[Suhaila Ossama]

عملتوا ايه عشان تقنعوا اهلكم انكم تسافروا؟ يعني هما بيقعدوا يقولولي سافري و كده بس اول ما بقرر اخد خطوة مبيردوش خالص مهما قولت، ف اعمل ايه؟ الموضوع ده هيفرق معايا جدا والله
وانا نفسي اسافر تركيا جدااااا ف اللي راح يقولي بقى

 

[الخليفة عبدالله]

الزن والجدية

 

[Suhaila Ossama]

Kholoud Essam

 

[Rahma Mahmoud Farrag]

بابا مقتنع وماما لا .. ومدام رأس المال موافق يبقى الحكومة لازم توافق

 

[تيما تميمة]

اقنعيهم بالهداوة.. وتجنبي الصدام أهم شيء ..وصدقيني في الأخر حيسمحولك ..
أنا كمان بالأول رفضوا... بس فضلت وراهم لغاية ما اقتنعوا ... ذكريهم بالمرات إلي اعتمدتي فيها على نفسك وإزاي عمرك ما خيبتي ظنهم فيكي

 

[Riham Kamal]

انا اقنعتهم اول مره بصعوبه جدا لكن تاني مره كانت اسهل ،بيتهيئلي التالته هما هيحجزولي

 

[Hend Salem]

لازم تكونى معتمدة على نفسك اولا مش عليهم
بتشتغلى و لك دخل
يكونوا واثقين انك بتعرفى تتصرفى لوحدك مش بتغرقى فى شبر ماية
بتروحى و تيجى مش بتوهى لو خرجتى من الشارع بتاعكم
ممكن تبتدى تسافرى رحلات داخلية مع بنات يكونوا عارفينهم وواثقين فيهم
شوية شوية لما يتعودوا ممكن تبتدى تسافرى بره

 

[Abady Breezy]

انجحي في كذا حاجه وسعي نشاطك الدنيا بتمدد لكل من هو جرئ وتنكمش لكل واحد خايف؛ساعدي الناس؛ كوني مصدر قوه لنفسك ولغيرك ومش بس تعتمدي علي نفسك لا تخليهم يعتمدوا عليكي، لما يشوفوا كل ده يستيحل يرفضوا طلب لكي سفر او غيروا

 

[Hala Othman]

اعملي زيي زني كتيييير وقوليلها ا انا كبرت والله يا جماعه مش تخافوا يعني لو جالي منحة مش كنتوا هتوافقوا!
بس انتي اول رحلة تطلعيها افضلي كل شويه كلميهم وطمنيهم عنك ولو وايحه البلكونه عرفيهمعشان يحبوا يطلعوكي تاني وتمهدي للرحله التانية اللي هتترفض بسبب انك طلعتي الاولى بس عادي زني كتيييير وقوليلهم تعالو معايا مادام لوحدي لا

 

[Enas Abusamra]

الصحبة .. لما يلاقوا صحبة محترمة مش حايرفضوا
واول طلعة هى الصعبة .. و بعد كدا عادى

 

[Yousef ELmasry]

مثلي الاكتئاب و قصي شعرك

 

[Salah Sharaf]

تقنعيهم ؟!!
انا ابويا اجر الغرفه بتاعتي لما سافرت

 

[Mic Heal]

بصى هدديهم بالانتحا

 

[Hassan El Qutob]

Soha ektby tagrebtek

 

[Soha Soliman]

الزن اازن الزن الزن الزن

 

[Fatma Maher]

الزن امر من السحر
كل يوم تتكلمي في الموضوع و تكلميهم عن مميزات المكان وان دي فرصه مبتجيش لبنات كتير ووريهم صور وتجارب ناس راحو قبل كده
وياسلام لو حد من اخواتك او صحابك يكون رايح معاكي او يكتفي بانه يقنعهم معاكي
اختاري الوقت اللي هم رايقين فيه واول متحسي انه هيتعصبو اسكتي وادعي كتيير ان لو في خير انك تسافري المكان ده ربنا يسهل ولو شر يصرفك عنه ويصرفه عنك
وان شاء الله تسافر وتتبسطي وتدعيلنا من الطياره