مساء الخير.. هل حد عنده معلومة عن امكانية...

[Mina Samir]

مساء الخير.. هل حد عنده معلومة عن امكانية الذهاب لماليزيا بالبحر؟ انا شفت الخريطة و هي علي البحر مباشرة .. فهل في مثلا سفينة من البحر الاحمر بتروح هناك؟
انا طبعا عارف انه هياخد ايام :''D بس باتكلم علي التكلفة و الامكانية.
و شكرا

 

[Mina Samir]

 

[Mohamed Sharaf]

اللي حضرتك بتقوله ده مستحيل بكل الطرق ...مفيش اي عبارات بتتطلع من عندك غير اللي بتروح السعوديه وبتروح الاردن بس

 

[Mina Samir]

Ahmed Sharaf

 

[El Mons]

وتطلع عليك قراصنه ف باب المندب من الصومال وتتخطف

 

[ابوعمرالدين عبدالحافظ]

بالطيران من الرياض 9ساعات

 

[Moataz Ali]

فيه ، لكن مش من مصر قطعا
من بعض دول جنوب شرق اسيا و بتكون كروز سياحي و تكلفته بتكون عالية

 

[Zakaria Zïn]

هههههه خيالك واسع

 

[Ahmed Kamal]

فيه من اوروبا بتاخد شهر و6 الاف دولار على الاقل

 

[Ahmed Hafez]

من تايلاند

 

[Ibrahim Kamel]

بتتفرج على كرتون كتير انتا

 

[Mina Samir]

عادي يا جماعة ان الواحد يتخيل
هو في حد كان يتخيل انه هيطلع بره مصر اصلا في يوم من الأيام..
الخيال مسيره يتحقق

 

[رضا سليمان سليمان]

مفيش من مصر نهائي غير دولتين عربيه فقط

 

[Mohamad Elshafey]

ايوه تطلع مع سفن شحن
بص هو فيه رحلات بحريه بس بتمر بسبع دول او اكتر غالبا بتبدأ من اليونان وتكون جوله لمده اسبوعين او اكتر

 

[Shams El Wakeel]

الله دي تبقى رحلة العمر

 

[Zakaria Zïn]

سؤال فضولي : انت عايز تسافر بحر ليه؟ عايز توفر فلوس مثلا؟ ولا بتخاف من الطيارة

 

[Mohamed Khattab]

دور من دبي ممكن تلاقي.

 

[Mahmoud Fouad]

بشتغل فى شركة تصدير مواد غذائيه علشان نصدر لماليزيا المركب بتوصل بعد 32 يوم . يعنى كتير جدا . لكن لو مصمم ممكن نحط فى كونتينر ونبعتك =D