سؤال وارجوا الاجابة لو انا مسافرة اي بلد...

[Roze Said]

سؤال وارجوا الاجابة
لو انا مسافرة اي بلد سياحةوالطيران حيعمل ترانزيت اوروبا لازم فيزا شنغن
ياريت الي يكون متأكد لان معظم شركات السياحة بتقول كدة دلوقتي

شكرا

تعديل :طب حضراتكم لو انا سألت الخطوط الجوية نفسها افضل من شركة السياحة يعني اروح الخطوط الجوية اسالهم وله بردا مش اكيد
شكرا

 

[Amr Elfar]

لا مش محتاجة

 

[Kævën Tæwêüqê]

حسب البلد اللي حضرتك رايحاها يعني مثلاً لو رايحه امريكا او انجلترا مش محتاجه في بلاد تانيه لو رايحاها عن طريق دول الشنجن بتحتاجي انت رايحه فين ؟؟؟؟؟

 

[Ahmed Nabil]

علي حسب البلد اتاكد من شركه السياحة

 

[Hassan Al-Qahtani]

لو انتي عندك شنجن قبل كدا عادي ، غير كدا لازم transit visa
انا رجعت من مطار عشانها

 

[Nada H. Salah]

لا اعمليها احتياطي في مطارات منتهى الرخامة ممكن يرجعوكي بسببها ،، و حتى لو شركة السياحة قالتلك مش لازم متسمعيش كلامهم ،، عن تجربة والله

 

[Ahmed Hashim]

لو مش يضايقك وضحي الدولة الي مسافرها و الدولة الترانزيت يمكن حد عنده خبرة بحاجه مشابهه يوفر عليكي فيزا و وقت و مصاريف

 

[Amr Elfar]

ياجماعه انتو بتجاوبو علي اساس ايه ؟ كل الاجوبه بتاعه حضراتكم غلط مافيش ترانزيت بيحتاج فيزا غير انجلترا وامريكا اوروبا واغلب الدول لا طالما مش هتخرج من المطار خلاص هتنزل من بوابه الترنزيت وتروح علي بوابه الطياره التانيه عدل

 

[Mhmd Tahoun]

قانونا مش محتاج فيزا اذا لم تخرج من المطار ( لكن )
شركات الطيران مثل الفرنسية واللوفتهانزا بيرفضوا يطلعوا الراكب الطيارة لو مش معاة فيزا ترانزيت ..... وفى الحالة دية الراكب هو الشخص الوحيد الخسران لان التذكرة بتتلغى

دة حتى النمساوية بترفض

 

[Khaled Badry]

يا جماعة المعلومات دي غلط والتجارب الشخصية لا تصلح دائما في الاستناد عليها في امر ينظمه القانون .

اولا الترانزيت في دول شنجن متاح للمصريين بدون فيزا ماعدا دول التشيك طالما مده الترانزيت اقل من 24 ساعة .

ثانيا لو حد راح سفارة اي دولة من دول شنجن ما عدا التشيك وطلب فيزا ترانزيت مش هياخدها لانها غير متاحة للمصريين والسبب تاني ان المصريين غير مطالبين بفيزا شنجن للانتظار داخل المطارات .

ثالثا سمعنا ان بيحصل إجراءات تعسفية ضد المسافرين ومنعهم من السفر بناء علي نظرة الموظف ووضع الباسبور والتاشيرات السابقة والمهنه ودي إجراءات تعسفية لا تستند الي قانون ونادره الحدوث بتم علي الأشخاص المشكوك فيهم فقط وحتي الان مفيش معلومات كافية عن الإجراءات دي .

 

[Alaa El-Greatly]

بصوا انا هحكي ليكو اللي حصل معايا، كنت مسافر روسيا على طيران السويسري و عندي ترانزيت في زيوريخ و بعدين موسكو، و ساعتها مكنش معايا فيزا اتحاد اوروبي ولا امريكا، و لما رحت للموظف عملهم معايا مش هينفع تطلع و قالي دي تعليمات و انت لو معاك فيزا اتحاد اوروبي حتى لو قديمة كنت طلعتك، انا قعدت اتكلم بالذوق و اقوله ان مش مطلوب فيزا للترانزيت للمصرين غير في التشيك و انا متأكد و سألت السفارة، قعد يقاوح وبعدين لما لقى اني فاهم كويس و عارف القانون جابلي واحدة زي مديرتهم كدا و قعدت تقولي دي تعليمات و مش تعليمات و ان انا بعمل كدا عشان مصلحتك عشان لو سبتك تسافر هما هناك هيمسكوك و يستجوبوك و هيرجعوك تاني و هيفتشوك و يبهدلوك و انا بعمل كدا عشانك ، رحت عينك متشوف الا النور قلتلهم انا امبارح مكلم السفارة سألتهم و قالولي مفيش مشكلة و رحت جايبلهم من عالنت نص القانون السويسري من وزارة الهجرة للجنسيات اللي بتحتاج فيزا ترانزيت و مصر مش منهم و زعقت فيهم جامد قلتلهم انا لو مطلعتش دلوقتي هروح اعملكوا محضر في المطار و اثبت فيه انكوا منعتوني من السفر من غير سبب و هرفع عليكو قضية مع سيل من الشتم و الزعيق، الموضوع اتحول بسرعة و خدت باسبوري صورته بالموبايل و صورت الفيزا الروسية و قالتلي ثواني هبعت للادارة في سويسرا البيانات و هما هيردوا بالرفض او القبول، قلتلها انا مليش دعوة بكل ده انا لو اتأخرت عن الطيارة هعملكوا مصيبة ف خمس دقايق كانت قالتلي تمام يا فندم اتفضل و سافرت و نزلت ترانزيت هناك و اقسم بالله محد بص في وشي اصلا ولا طلعت الباسبور لحد الا و هما بيشوفوا البوردينج التاني بتاع موسكو و كانوا هناك قمة في الاحترام و الادب و محدش بيقولك رايح فين ولا جي منين طول م انت في صالة الترانزيت و انا طالب على فكرة و كان الترانزيت و انا راجع 14 ساعة و مفيش اي مشكلة خالص، هو بس سخافة من الناس اللي هنا و خلاص

 

[Amr Elfar]

بس انت ماخدتش البوردنج التاني من مصر ليه

 

[Ehab Reda]

ترانزيت في المطار مش محتاج فيزا.. لكن مش حتخرجي البلد