السلام عليكم حد جرب طريق الضبعه وازاي اروحله...

[Wael Ahmed]

السلام عليكم
حد جرب طريق الضبعه وازاي اروحله من القاهرة وهل تنصحونا بيه
وشكرا

 

[Mohamed Khairy]

اولا طريق الضبعة ممكن تتدخله من الدائرى بعد الوراق فى اتجاه المريوطية فيه دخله على اليمين طبعا هو ده طريق الضبعة.
ثانيا ممكن من طريق اسكندرية الصحراوى بعد البوابات فى اتجاه اسكندرية قبل العلامة 187 كم هتلاقى دخلة الضبعة.
خد بالك كويس مفيش تقريبا اى محطة بنزين ولا خدمات فلازم تبقى تنك البنزين full
رحلة سعيدة

 

[Ahmed Hassan Egitto Luxor]

منصحكش بيه الطريق خطر جدا وعليه حوادث كتير ومفيش اي خدمات ومحدش بيوقف لحد علي الطريق

 

[Amir Higazy]

لازم مجموعه عربيات مع بعض الهوا عالي وكمان ممل جدا فممكن تسرح البدو عايشين حياتهم عليه بيعدوا بجمال وكان حادثه فضيله عليه من أسبوع مفيش وحده إسعاف قريبه وإرسال الموبايل شبه معدوم خليه شويه لما يتضبط او تكون عربيتك جديده وومعاك عربيات تاني
ملحوظه السواقيين بتوع الميكروباص بياخدوا طريق العلميين اكيد الطريق الثاني عليه مشاكل

 

[Shiref Fahmy]

حوادث

 

[Azza Sakr]

طريق مفيهوش خدمات نهاااااااائى و الجمال بتعبر الطريق بتتسبب فى حوادث ......الأسفلت ممهد حلو جدا لكن الطريق صحراوى تماما من الخدمات

 

[Mamdouh Elsayed]

طريق خطر ابعد عنه ربنا يكفينا شره

 

[Tarek Sherif]

الطريق أمن جدا ، بدون خدمات ، النهار افضل عن تجربه يناير إللى فات

 

[Ahmad Ashraf]

ما تدخلهوش، مش فارق خالص من حيث المسافة عن طريق العلمين، طريق العلمين أحسن كتير

 

[Mohamad Ibrahim MOhamad]

منصحكش بيه رجعت منه من مرسي مطروح مافهوش اي خدمات والعربيه التنك كان هيخلص روحت طلعت على طريق وادي النطرون

 

[Maryam Aboelnaga]

hwa kam kilo

 

[Mostafa Sasa]

طريق الضبعة الضوئي ولا الكهربائي؟ !

 

[Bata S Omar]

يعني اي الضبعه ده،،؟!