السلام عليكم تحزير هام للجميع اللي بيفكر يطلع...

[Sarah Abd Alkareem]

السلام عليكم تحزير هام للجميع اللي بيفكر يطلع اجازه مع شركه بالقيس او اصيله للسياحه اللي عنوانها عبد الخالق ثروت وسط البلد .
١)اللي حصل كالآتي احنا ٨ أفراد و بنحجز لأول مره فيها سيجل الغردقه طبعا الصور اللي منزلنها عالميه و فتحت بوكنج شفت الرفيو ظريف و الغرف جميله الفرد ب ١٥٠٠ و من ٦ الي ١٢ ٧٠٠ بالمقعد طبعا العرض all inclusive فطار و غدا و عشاء و سناكس و انتقلات نزلت يوم ٢٦/٦ ادفع لينا كلنا و اخد الوصل و مشيت علي أساس قبل ان في خلال اسبوع هيكلموني يقولوا ليا اسم المرشد و رقموا و معاد التجمع ....محدش عبرني يا جماعه لحد يوم ٣/٧ اللي هو الرحله بليل اصلا..بيكلوا يقولوا ايه بقي في زياده ٥٠ جنيه علي كل فرد ليه يا جماعه زياده البنزين الساعه كام الكلام ده ٢و نص الظهر .. من الاخر خانه إليك هتدفعي يعني هتدفعي و لو مش عيزا تعالي خدي الفلوس بالكامغل اللي هو الشركه بتقفل الساعه ٥ اصلا العصر ... طبعا اتعصبت و قلتلها معلش الكلام ده يتعمل مع اللي هيحجز جديد مش اللي دفع ٣ يوم عيد انا مالي حضرتك قالتلي دي سياسه شركه !!!!!!!
مع العلم ان في حد من اللي حجزت لهم من أفراد اسرتي كلمهم يوم ١ و ٢ /٧ عشان يحجز و يأكد أماكن الباص انها تبقي الاماميه من خلف السواق او الجها المقابله عشان ماخد اول كرسين عشان معانا امي كبيره رجليها وجعاها متقدرش تستحمل التنيه المده دي و محدش جاب سيره اي زياده نهائي اصلا مع العلم الزياده حدثت ٣٠/٦ و في رحله في الشركه طلعه نفس المكان ٢/٧ و الست بتقلي طبقه الزياده عليهم ...طب محدش جُبلنا سيره له و احنا بناكد أماكن الباص !!!!؟؟؟؟؟؟؟؟
كلمت الشركه تاني مشغول مشغول كل الارقام و لما لقط قلتلهم وصلوني بالمدير قالتلي حاضر و رمتني علي السماعه ربع ساعه و قفلت الخط جيت اتصل تاني الخط مرفوع من الخدمة !!
كلموني علي ٥ العصر بقي يدوني نمره التور ليدير اللي هيستنانا ٤ الفجر للانطلاق قلتله طيب انا بره ارجوك ابعتلي الرقم رساله قلي لا خوديه الوقتي مينفعش أبعت رسايل بطريقه منتهي قله الادب اخدت الرقم و قلتله بالنسبه الزياده انا مش هدفع حضرتك لان ده مينفعش علي عمله القدام الجديد اللي بيحجز اوكه قالي بالنص(مفيش حد هيطلع الباص غير لما يدفع ال ٥٠ جنيه )
قلتله انا مش هدفع طيب !!!
قالي هنشوف
اُسلوب منتهي قله الادب اصلا ..
رجعت من بره علي ٦ بليل اتصل بقي بالمرشد قلتله اديني نمره المدير أدني نمره واحد اسمه هاني اوبيراشن مانجر حسب مقلي حكتلوا البهدله دي قالي هاجزيهم و الزياده مش بايدي و اعد يحور كميه تحوير ان لسه الشركه واخده موافقه امبارح علي قرار الزياده قلتلوا ازاي و البنت اللي كلمتني من الشركه عندك بتقول انها اتطبقت علي اللي سفروا ٢/٧ ؟؟؟؟قلي اه كانت ابشنال مش اجباري و اعد يتلون ان لازم ادفع و ملوش فيه سكت طبعا الساعه ٧ و نص بليل و الناس اللي مسافرين معايا كلهم أخدوا احزات و اللي عندوا اطفال كله متحمس و حرام كسره النفس .
٢)الموقف التاني في ميدان عبد المنعم رياض الساعه ٣:٤٥ المرشد لكلما فين حضرتك قلت هنمشي ٤ أنت فين يقلي انا اهو ايوه فين حضرتك !!! فين الباص !!! جي جي في السكه !!!
جيه الشرف الساعه ٤ الباشه من غير اي name tag او يفطه او حتي ورقه كاتب عليها اسم الشركه اللي هو بندور عليه وسط البشر بقي نشم علي ظهر ادينا هو مين المهم فين الباص ؟؟؟ علي ٤:٢٠ جيه الباص و ركب الناس طيب لا أماكنا بقي لقيت ناس قعده فيها !!!!
قلتلوا دي اماكنا قعد من ٤:٣٠ اي ٥ الا ٥ بيقلي انا مليش دعوه قلتوا انا كمان مليش دعوه و هعد في الشارع لحد ما حد من الشركه دي او مديرك يظهرلي لا تتخيلوا كم القرف و البرود اللي هو اتعامل بيه و التحوير و المقاوحه المهم الناس هي اللي أقنعت الناس اللي مكانا و سبلنا امكانا و اتحركنا ...
٣)وصلنا الاوتيل ١١:٣٠ دخلنا الغرف ٣:٣٠ يعني نص اليوم راح و ياريت الغرف كويسه لا منتها القرف و عدم النظافه و حاجه تقرف اقسم بالله نزلنا يغير لنا الغرف قالي مينفعش احنا عندنا تسكين ١٠١ ٪‏ قلتوا ايوه اعمل ايه برضوا ولا اي حاجه ....
٤)الاوتيل التكيف بايظ الفيو خرابه الغرف التربل السرير مبهدل الاضافي و حاجه تقرف الحمام قعده التواليت تتهز تخيلوا البانيوا مجير من قله النظافه الاكل غير متنوع البسين مش نظيف البحر يا جماعه ملقتش سمك اعمل سنوركلنج و الميه متعكره
-------------
٤)كتبت علي صفحه الشركه مسحوا كلامي عشان كيكرروش مأساتي و عملولي حظر...
-----------
اسفه جدا اني طولت بس بحظر اي حد يتعامل مع الشركه دي او يروح seagull انا في منتهي الاسي الحقيقي انا اصلا
يكلمكم من هناك و هبعتلك الصور في الكومنتس
------------------
تعديل الساده الي بتقول علّيا متامره او مديقه من الزياده
١ الهدف من البوست تحزير و عدم تكرار الماساه مع حد تاني
٢ إظهار سوء تخطيط و اداره شركه السياحه
٣ إظهار سوء الخدمه او تدني مستوي الفندق
٤ انا مش هستفيد اي شيء من اللي بكتبوا ده لا وقت هيرجع او اجازه هتظبط
انا اسفه اني مش هرد تاني علي كونتس لانها خرجت عن الأهداف المذكوره.

 

[Mohamed Nadi]

يعني الفندق سي برده؟

 

[Enass Attia]

اكتب عن الفندق علي موقعTripAdvisor

 

[ساندي سامي سعد]

/Belquis tours

 

[Mostafa Mohamed Farghal]

بمناسبه ان حضرتك في الغردقة الان انا مسافر الغردقة بكرة في اي نصائح انا رايح فندق مينا مارك اربع ايام

 

[Ibrahim El Deeb]

انا شايف ان الواحد يحجز مع نفسه افضل شىء و لو عايز معلومه او استفسار يسأل الناس الى جربت

 

[Mostafa Elswefy]

الشركه زباله والفندق ازبل

 

[Shady Osama]

ياريت نعمل شير كمان

 

[Enjy Osama]

واضح انهم شوية نصابين

 

[Ali Nawar]

Don't Shop Here - (A list of Untrustworthy Shops in Egypt) post it there

 

[Taysir Al-Saqqa]

Rula Tammam

 

[Fatimah Ghoniem]

Mohamed Bassam Elahmar

 

[Fatma Elzhraa]

F

 

[Alaa Ahmed Gabra]

Arch Ali Mohamed

 

[Nouudiizz Seif El Eslam]

بصي يا ساره اولا معاكي حق التعامل وحش جدا معاكي
انا شغاله ف شركه و برضه الشركه اللي بناخد منها الباصات غلت علينا ف اخر لحظه
ف الموظف اللي بيكلمك بيكون كلم قبل 90 حد و بياخد شتايم السنين و دا بيكون مش بايدنا
هو المفروض كان يتكلم بطريقه ذوق عن كده بكتير
المهم انك لازم تعرفي الزياده دي غصب علينا و المتحكمين فينا الفنادق و الباصات ممكن يعلو السعر و يبهدلونا و ساعات بنخسر كومشن و عملا علشان الزيادات التنحه دي
بس ارجع و اقولك الموظفين مضغوطين جدا و في ناس بتشتمنا باهلنا و بتبهدلنا و احنا ملناش ذنب
اما بالنسبه للفندق دا اصلا ميترحش ف الصيف علشان خدمته بتكون هباب

 

[Abdelrahman Osama]

كان فيه فكرة ياجماعة شفتها ف منتدى السفر للمغرب وهي قايمة سوداء بتقدمها الصفحة لاشخاص او شركات نصابين او محتالين زي ماحصل مع الانسة
يازيت يبقى فيه قايمة سوداء تجمع الناس ال زي ديه الي بتبوظ متعة السفر

 

[Faten Mustafa]

Mohamed Hosam

 

[Mohammed Ibrahem]

بداية الموقف اللى حضرتك حكيتيه طبعا بايخ جدا و قلة ادب الموظفين على حد القصه اللى حكيتيها غير مقبول بالمرة و لكن فى حاجه هوضحها لحضرتك ... موضوع زياده سعر الباص ده غصب عن شركة السياحة لأن الباص اكيد هم مأجرينه من شركة نقل سياحة و اكيد هم غلوا عليهم السعر و ده قرار جمهورى يعنى حضرتك بعربيتك بقيتى بتحطى بنزين اغلى من الاول اذا هو مش هيدفع من جيبه ولا هيخسر علشان يتحمل ٥٠ جنيه x ٥٠ فرد يعنى ٢٥٠٠ جنيه خساره ... الحاجه الثانيه موضوع تغيير الغرف فى الفندق بيكون كالأتى شركة السياحة حاجزه ٢٥ غرفه وليكن ، فهم بيكونوا اقل ٢٥ غرفه سعرا و مستوى فى الفندق بالكامل فحتى لو الفندق فيه غرف فاضيه بس مستوى اغلى مكنش هيغيرهالك و دى من مساوئ الجروبات ، انتى لو حاجزه لواحدك كنتى هتعرفى تغيرى الغرفه غير كده صعب ... هى ديه اللعبه .... و على العموم معلش محدش بيتعلم ببلاش بس نصيحة اخ لو هتسافرى جوه مصر يا اما فندق ٥ نجوم يا اما بلاش و كمان ما تسافريش مع جروووب ابدا جوه مصر اعملى حجز فردى مع شركة سياحة برضوا بس حجز فردى هيكون اغلى حاجه بسيطه بس انضف

 

[Omar Hamposha]

طاب حد عنده تجربة مع فندق تيتانك بالاس؟

 

[Ahmed AbdElghaffar]

Share علي جروب the power of social media