لو سمحت لو انا بنت وعايزة اقدم فيزا شنجن و...

[Koky Koka]

لو سمحت لو انا بنت وعايزة اقدم فيزا شنجن و باسبورى ابيض وانا موظفة حكومة ومرتبى حوالى 1000
لو انا عززت موقفى برصيد بنكى او كتبت انى وحيدة اهلى والعائل الوحيد ليهم دة ممكن يضمنلهم اننى ارجع تانى ولا هاخد برضة رفض و سفارة البرتغال سهلة فعلا ولا لا اسفة على التطويل

 

[Mohamed Fekry]

من الكلام هنا ف الجروب عرفت ان البرتغال وفرنسا من اسهل دول الشنجن بس تكون جروب مش لوحدك انا عن نفسي كان معايا شنجن اسبانيا قبل كدا وقدمت تاني واترفضت ف شهر واحد

 

[Koky Koka]

up

 

[Mohamed Reda]

ممكن تعملي انك شغاله شغل تاني مثلا وراتبك 4000 يعني حاجه صوريه كدا يعني عندك شغلين

 

[Koky Koka]

اعمل كد ازاى ؟

 

[Mohamed Mabrouk]

قدمى ورقة انك فى جهة حكومية وخﻻص من غير ميكتبوا فيها المرتب Koky Koka

 

[Mohamed Mabrouk]

طلما مختومة ختم نسر خﻻص ومعاها كشف بنك عليه حركة كويسة ومبلغ كويس

 

[Koky Koka]

اوك بس اية الصيغة اللى ممكن اقدمها ولو ترجمتها ارجع اختمها تانى

 

[Mohamed Mabrouk]

واحد صحبى عمل كدا وخد من فرنسا

 

[Mohamed Mabrouk]

وشغال فى الحكومة

 

[Muhammad Abdel Rahman]

للاسف فرصتك ضعيفة لان مرتبك قليل وعشان مسافرتيش قبل كده. بالتوفيق ليكي.

 

[Steven Gerrard Bergkamp]

مش معني أن واحد اخد رفض في سفارة أي كان السبب بتختلف من شخص لآخر لو حتي عندة نفس السبب داخل بيه السفارة ممكن ياخد موافقه السفارة ليها قياسات كا أشخاص بتبقى اجتهادات وتخمنات ....أهم حاجه في كل الكلام دة زي ما Mohamed Jemmy قال مش بتفرق مع السفارة اللي مقدام الطلب وظيفته حكومه ولا أعمال حرة ولا أعمال خاصه أهم حاجه ترتيب الورق معتمد من جهته مع الابلكشن حتي ولو الباسبور ابيض وسحب وايداع شغال..وحكاية المرتب مش شرط في جواب HR سفارات بتبقي حالات خاصه طلب الراتب في الجواب

 

[Mohamed Mabrouk]

Kol case is diffrent from the other el wa7ed shaf el 3agab feh sefarat oroba de walahy Steven Gerrard Bergkamp

 

[Steven Gerrard Bergkamp]

عارف والله ....عندك حق مالهاش مقياس

 

[Mina Isaac]

1000 مرتب ده اكيد هيترفض حاولي تعلي الرقم في جواب Hr

 

[Nader Fouda]

استاذة كوكى انصحك ماتكتبيش المرتب خالص وصدقينى هم مش هيسألوكى اساسا اهم حاجة الجواب يوجه لقنصل السفارة وموضح فيه وظيفتك ومؤهلاتك وشغالة من امتى واهم حاجة عندهم كشف الحساب وحجز الهوتيل والطيران

 

[Koky Koka]

طيب الجواب الموجة من من شغلى بيكون مكتوب فية موافقة على اجازة فى وقت السفر

 

[Islam Goda]

Koky Koka انتى فرصتك كبيرة ف اى سفارة عشان موظفة حكومية الى هوى عندك وظيفة ثابتة هترجعى عشانها و اهم حاجة ف اى فيزا انهم يتأكدو انك هترجعى ثانى و مش مهم المرتب مبيعزهوش اصلا اهم حاجة حساب البنك يكون مبلغ معقول و اهم حاجة
يكون علية حركه

 

[Nader Fouda]

هو طالما الجواب موجه للقنصل ده معناه ان الشغل موافق ضمنيا انك تاخدى اجازة وتسافرى يعنى مش محتاجة تكتبيها صراحة

 

[Ahmed Hasan]

حضرتك كنتي عملتي ايه بقي؟
Koky Koka