انا عايزه اقول عن تجربتى عن شرم و طابا و نويبع...

  • بادئ الموضوع بادئ الموضوع Ma Donna
  • تاريخ البدء تاريخ البدء
عرض العطلة
M

Ma Donna

:: مسافر ::
#1
انا عايزه اقول عن تجربتى عن شرم و طابا و نويبع
مبدئيا مفيش سياحه نهائى هى بقت فى زحمه شبرا كده و كلها اقاليم
انا روحت شرم فى فندق بارك ان راديسون
فندق وحش جداااااااا خدمته وحشه جدا اكله سىء
وكل ما تشتكى من حاجه يقولك اصل الجيست مصرى و ده اللى بنعمله مع المصريين
منصحش نهاااائى بشرم لان كل العمال فيها مستحقرين المصريين سواء فى خليج نعمه او السوهو او الفنادق حاسين انهم كانوا فى اوروبا و فجأه بقوا فى نجع من النجوع فا حصلهم صدمه مطلعنها علينا
خدت تاكسى برايفت لطابا و نويبع خدنا الساعه تسعه وصلنا ١١ الصبح من شرم
الطريق جميل و البحر فيه تحفه فنيه سبحان الله
عنيك مرتاحه طول الطريق
دخلت القلعه صلاح الدين و خليج الفيورد باى
استمتعت جدااااااا و متعبناش خالص و كنا ف الفندق اربعه العصر
نويبع تحفه بس ميته جدا و مليانه كامبات تقدر تدخلها بس عشان ميته شكينا ان الاكل كمان هيكون بايت ووحش فا اتفرجنا عليها بس
 
#2
انا شايف ان ممكن حضرتك كنتي تقولي رأيك بدون عنصريه او ذم في بشر او اماكن ، ده مايمنعش ان رأيك صح
 
#4
حضرتك ممكن اختيارك للفندق مش صح..متعمميش انا لفيت فنادق شرم ولسه راجعه من club reef و سلطان جاردنز والاتنين حاجه محترمه ي استف محترم جدا جدااا ومختارينهم بعنايه جدا جدا وفي قبلهم كان تمرا بيتش سي بيتش اكوا بارك وقبلهم كان في ريجينسي وفنادق كتير جدااا..حضرتك ممكن تختاري بعد كده بناءا ع ريفيو بوكينج كمان هترتاحي..لكن التعميم مش في صالحنا..
 
#5
انا بقعد في فندق في شرم 3 نجوم و الستاف فيه كويسين جدا ، يمكن تجربتك صدفه اللى وحشه ؛ و السياحه لسه موجوده ، اوكرانيين و روس بييجوا عادى .. اكيد مش زى الاول بس بردو لسه فيه سياحه
 
عرض العطلة
#6
زعلانة من استحقار الاصطف للمصريين وانتي بتتكلمي باحتقار عن اقاليم وشبرا اية التناقض دا?!!!!
 
#7
محافظة جنوب سيناء بعد مصطفي عفيفي بقت زي الزفت.. او بمعني اصح بعد الثورة جنوب سيناء مبقاش فيها اهتمام زي زمان.. انا شرم جنبي ب ساعة واحدة بس ولما بروح هناك بزعل ع الحال اللي هي فيها دلوقتي... جنوب سيناء مليانة حاجات تحفة بس الافضل لو هتيجي ف اي مدينة من مدن جنوب سيناء تعالي ف اواخر شهر 9 لحد شهر 1.. وكاترين من شهر 1 لحد أواخر شهر 2
 
#8
بارك ان بقاله تلات سنين مستواه وحش جدا انا رحته من اربع سنين كان حلو جدا جدا لكن لما رحته تاني بعدها بسنه كان سيّء من كله فعلا لكن فيه فنادق تانيه ناس راحوها السنه إليّ فاتت وشكروا فيها
 
#9
ده العيب اللي فينا ومحدش بوظ السياحه غير الناس اللي شغاله فيها لان الطمع وحش ومفيش تقدير واهي خربت
 
#10
انتي مختاره فندق زباله لكن شرم مليانه فنادق تحفه...مثلا..ريكسوس..سافوي..سن رايز..فور سيونز..جانكل بارك...الباتروس...شرم مدينه عالميه...دي قطعه من الجنه اصلا
 
عرض العطلة
#11
انا مش قادر أفهم قصد حضرتك ايه من كلمة أقاليم
هو حضرتك مفكرة جمهورية مصر اللي عدد سكانها 100 مليون مقتصرة الحياة فيها على القاهرة والجيزة و الاسكندرية
اما الأقاليم دول كمالة عدد ايه هو احنا أصفار على الشمال بالنسبة لساكني غير الأقاليم

توصيفك عنصري يا ست الكل
 
#12
Ma Donna
انا شايف انك تعدلى البوست وتشيلى اقاليم وشبرا علشان تريحى دماغك ، وكمان انتى اتأسفتى عليها اكتر من مره .
بس بجد ومنغير زعل لاننا بنكلم عن نفسنا زى ما حد بينتقد نفسه .
انا لما باجى احجز ببعد عن الفندق الى بيجزب وبيعتمد على الجست المصرى
 
#15
هو كلام حضرتك حقيقي فعلا معظم منتجعات البحر الاحمر حاليا قائمة علينا احنا اهل البلد او زي ما هم بيسمونا " الجيست المصري " اللي هو لولانا كانوا زمانهم قاعدين بالجلاليب في بيوتهم بدون عمل بس نقول ايه ؟!!!! انا لسه راجع من الغردقة وهحكيلكم على تجربتي بالتفاصيل في بوست منفصل بس بريف كده لو عايز ترجع لزمن الغردقة القديم عليكم وعلى المنتجعات البراندز والغير متداوله في عروض شركات السياحة هيكون سعرها غالي شوية بس هتستمتع وللعلم " والكلام على لسان معظم مديري منتجعات البحر الأحمر " موضوع الطيارة اللي حصل ده على قد ماهو كان سلبي في وقته بس عاد بمصلحة كبييييييرة جدا علينا وعلى البلد وعلى ملاك المنتجعات - علينا احنا كناس بنحب نروح منتجعات البحر الأحمر اننا تخلصنا من الجيست الروسي " الخنيق " تقيل الدم وانتهت اسطورة السائح الروسي - السائح الروسي - السائح الروسي !!!! دلوقتي تعالى اتفرج على ليفل السياح اللي موجودين ليفل عالي " المان - انجليز - اوكران - تشيك " وسعر حجزهم بيكون اعلى بكتير من حجز الروس - ده من ناحيتنا احنا كناس بتحب تروح هناك وتسمتع - ومن ناحية ملاك المنتجعات فاولا السائح ده بيدفع قد يمكن 5 مرات اللي كان الروسي بيدفعه - وثانيلا بالإضافة الى ان وجود المصريين بكترة وبسعر اغلى من اللي كان الروسي بيدفعه تقريبا عشر اضعاف او اكتروبندفع " كاش " مش زي التعاقدات مع شركات السياحة اللي كل شوية بتدفع جزء وبيبقى الأوتيل نسبة اشغاله عالية ففرق معاهم كتيييير جدا جدا لدرجة ان كتير من الأوتيلات بدأت تجدد في كل حاجة عندها وكمان بعضهم بقى بيبني مباني جديدة وبيتوسع وايضا الكلام على لسانهم " احنا كسبنا السنة اللي فاتت والسنة دي مكاسب عوضت بكتير التاثير اللي حصل " وانا زي ما قولتلكم لسه راجع من الغردقة ورحت اوتيلين " تيا هايتس " في مكادي باي- بالرغم ان 95% من الجيستس من اهل بلدنا مصريين يعني الا ان المعاملة جيدة جدا - والأوتيل الثاني صن رايز رويال مكادي حاجة جميلة جدا معاملة ولا اروع حقيقي اهتمام غير طبيعي بكل الجيستس اتعاملت هناك احسن معاملة و ترحيب فوق الوصف - الأوتيل حوالي 70% من الجيستس اجانب اوكران وتشيك والمان وانجليز حاجة كده تشرح القلب وللعلم فعلا انا حسيت ان الناس واخدة تعليمات " بان خلاص هو ده الواقع اللي احنا فيه ان معظم الجيستس من اهل بلدنا فأيه اللي يمنع اننا نعاملهم معاملة محترمة ؟ والى لقاء قريب دمتم بالف صحة وكل عام وانتم بخير
 
عرض العطلة
#16
يا جماعه معلش يعني هي الناس ليه بتضايق من ان المصريين الفقرا او مش حتي الفقرا الطبقه المتوسطه بقت تروح شرم الشيخ ومرسي علم والجونه ... هو عامه النضيف نضيف سواء غني او فقير بس عامه بعض البوستات مستفزه جدا....يا حبيبي انت شايف شرم لمت روح سافر بره...لكن اما بلد يكون اكتر من 70 % من سكانها فقرا مستكتر علي واحد دخله مثلا غالبا مش اقل من 6000 جنيه (٥٠٠ دولار) واسرته 4 افراد ان يوديهم شرم هيدفع علي اقل حوالي مرتب شهر دا عشان يفسحهم اربع ايام ...في حين ان اي مواطن في اوروبا يوم ما دخله يبقي قليل 2000 يورو مثلا يقدر بربع المرتب دا يودي اسرته اي عاصمه في اوربا 4 ايام يفسحهم فيها
 
#18
حضرتك كلامك صح جدا بس للاسف الاختيار للفندق اللى غلط لانه اكتر فندق الشركات السياحيه بتسوق ليه فيه فنادق كتير جدا مستواها رائع ومش غاليه قوى
 
#19
أصل لو اوتيل وحش غير الاوضة او سيبه بعد اول ليلة والفنادق مرصوصة جنب بعض! لو عيال و دوشة فيه فنادق للكبار
إللى رايح يستمتع بيستمتع
 
عرض العطلة
عرض العطلة
عرض العطلة
أعلى أسفل
عودة
قائمة