السلام عليكم استفسار لخبراء امريكا دلوقتي انا...

  • بادئ الموضوع بادئ الموضوع Heba Fathalla
  • تاريخ البدء تاريخ البدء
عرض العطلة
H

Heba Fathalla

:: مسافر ::
#1
السلام عليكم استفسار لخبراء امريكا دلوقتي انا برتب سفرية لامريكا تكون حوالي ١٨ يوم ومعايا اطفال فاهم حاجة ديزني لاند واليونيفرسال استدويوز الكل اجمع ديزني اورلاندوا احلي فحتكون وجهتنا الرئيسية بس مش عايزة اقضي فيها الاجازة كلها يعني عملت برنامج ١٠ ايام او ١١ مثلا فحيتبقي اسبوع فاروح ايه تاني هل اروح كاليفورنيا لوس انجلوس او سان دييجو ولا اروح فين لان لاقيت اهم الاماكن في لوس انجلوس موجودة باورلاندوا فحتاجة نصيحتكم للمكان التاني الي ممكن نروحة لمدة اسبوع وفي اوبشن مثلا نروح ميامي و نيوروك لانهم جمب اورلاندوا بس مش عارفة ايه الي ممكن يتعمل هناك
 
#2
لوس انجلوس بعيدة اوي. لازم طيران..روحي ميامي ٣.٥ بالعربية من اولاندو..و هي حلوة و احلي من اورلاندو...و كدة كدة احسنلك تأجري عربية في اورلاندو..
 
#5
اورلاند لو هتقعد قيها شهر مش هتخلص ال activitysاللي فيها اني فعلا هيا فيها كم أماكن ترفيهية رهيبة جدا اقرب أماكن ليك تيمبا وفِيها clear waters وبعديها ميامي حلوه بس مش عائلية
 
عرض العطلة
#6
ميامي شاطئ بس وديسكوهات فبلاش منها تلاش معاكي اطفال
نيويورك غاليه موت اولاندوا فيها أوت لت كثيره وأماكن فسح جميله
واهم حاجه هناك مجمع كندي للفضاء
 
#8
يونيفرسال لوحدها يومين و ديزني يومين و عندك حاجه كده زي الwater world ، في سان دييجو هتروحو حاملة الطائرات
 
عرض العطلة
#11
ال west coast هيبقي بعيد جدا عن مكان حضرتك ممكن ٦ ساعات سفر بالطيارة... لكن في فلوريدا اماكن كويسة جدا غير اورلاندو ممكن تتراح و يتقضي فيها وقت حلو... ميامي حلوة و فيها شواطئ جميلة و لكن مش هتبقي الأنسب لو رحلة عائلية... لو عائلة اكتر مكان مناسب و هتقضوا فيه وقت هيبقي اورلاندو فيه حاجات ترفيهية كتير للأطفال بس اهم حاجه فعلا هي انكوا تأجروا عربية هناك علشان الاماكن بعيده عن بعض جدا و المواصلات بتاخد وقت كتير جدا فالعربية هتوفر وقت و مجهود كبير جدا... ممكن حضرتك تشوفي بلد تانية فيها شواطئ في فلوريدا مثلا تامبا تقضوا فيها يومين او كده و بعد كده تاخدوا طيارة علي نيويورك تقعدوا فيها يومين... نيويورك من اهم البلاد الي لازم اي حد يروحها في امريكا بس عيبها انها غالية جدا في الاقامة و المعيشة فكفاية عليها يومين جدا حضرتك ممكن تشوفي المعالم الرئيسية فيها... غير كده يفضل لو حضرتك تحجزي اقامة بره مانهاتن هتبقي ارخص من الاقامة في مانهاتن
 
#13
اورلاندو افضل مكان للأطفال بعدها شيكاغو ونيويورك.. لكن ميامي موش للأطفال

ممكن اورلاندو 10 أيام و نيويورك 3 أيام كفاية عليها
وشيكاغو 5
ممكن تدخلوا ديزني في 4 أيام كل مملكة في يوم.. ويوم تيكيت مجمعة لكل الممالك.. وتركبوا طيارة شراعية في يوم ويوم ليونيفرسال ويوم كمان تتجولوا ف المدينة

وبعدين نيويورك تدخلوا متحف مدام تيسوو.. وتروحوا كروز حولين تمثال الحرية

شيكاغو هتاخدوا كروز في مركب كبير وكروز في مركب صغير وتتفسحوا في النافي بير ممكن 4 -5 أيام حلوين
و اجازة سعيدة
 
#15
نيويورك عايزلها بتاع ٤ ايام و حلوة لو هتاخدوا الأتوبيس hop on off يتلفوا كل حته تقريبا و بينزلك عند اغلب المزارات و بتكون جولة بحرية مع التذكرة sight seeing . لو معاكي تذكرة قديمة بيدوكي ١٠٪‏ خصم
 
عرض العطلة
#16
برجح تفضل على الeast coast وتاخد يومين او تلاته في نيويورك الاول وبعدين تنزل على اورلاندو، ادي لنفسك يومين او تلاته في ديزني، يونيفيرسال ستوديوز يومين بالضبط مش اكتر، انزل dowtown orlando وممكن برضو تنزل ميامي يوم واحد مش اكتر
انا رحت اورلاندو ورحت ديزني ويونيفرسال لو عندك اي اسئلة
 
#17
اعمار الاطفال اد ايه ؟
ده هيحدد حاجات كتير
عموما زي مالناس اكدو عليكي نيوورك ممله جدا وفيها كام مسرح وتمثال الحرية ممكن يومين تلاتة
اورلاندو فيها الشغل كلو ومش ديزني ويونيفيرسال بس
اورلاندو فيها شارع اسمه انترناشيونال درايف وده فية شوية حاجات حلوة جدا لاتقل عن ديزني اهميه
بخصوص ميامي هيا دمها خفيف تقدري تقولي زي مارينا وشارم الشيخ شواطئ وديسكوهات ونايت لايف
 
#20
في في اورلاندو اكتر من Park ظريف ممكن تروحيه مع الأطفال. Blue Springs Park و wikiwa Park. دي بارك مساحتها مفتوحة وفيها Springs ممكن تصطادي أو تعوموا فيها أو تاخدو كياك غير التمشية و المناظر الجميلة ده طبعا بعد يومين في يونيفرسال أو ديزني احلى للولاد. Water world بردو هتبسطهم. وفي اكتر من outlet و مول ممكن تروحيهم
 
عرض العطلة
عرض العطلة
عرض العطلة
أعلى أسفل
عودة
قائمة