سؤال للبيشتغل في الفنادق في مصر او يعرف حد...

[Ibrahim Nagy]

سؤال للبيشتغل في الفنادق في مصر او يعرف حد بيشتغل هل فيه فرق لما الواحد يحجز بالتليفون او بالموقع كاجنبي او كمصري ايه الاحسن من ناحيه الاسعار و الجوده ياعني بتفرق؟ سؤال تاني لو عايز اسافر بالعربيه لشرم او دهب او الغردقه و فيه اجانب لازم ابلغ الشرطه مثلا ولا عادي تتحرك براحتك و شكرا

 

[Jqo Jqo]

لو هتسافر بالعربية لازم يكون معاك حجز فندق يا اما هيرجعوك من نص الطريق

 

[Rose Mashal]

اسعار المصريين بتفرق عن الاجانب. لو مع بعض بيتحاسبوا كانهم كلهم اجانب.
الاحسن تحجز مع الفندق نفسه. (ارخص من بوكينج)

 

[Jqo Jqo]

الحجز كمصريين ارخص طبعا وبوكينج ارخص لانهم بيعملوا عروض كويسة

 

[Ahmed Herz]

احجز مع شركة سياحة لانها بتاخد 10% خصم
بوكينج اغلى من شركات السياحة للفنادق 3نجوم او اعلى.
خد سعر من شركة سياحة وقارن هتلاقيه اقل.

 

[Bahaa Aldeen Farouk]

للعلم يا صديقي بعض الفنادق لو حجزت من مواقع الأون لاين بيكون فيه أسعار للمصريين و أسعار للأجانب و ده محدد في شروط الحجز , مع العلم أن ساعات كتير بيكون السعر للأجاتب أقل من المصريين
و ده حصل معايا شخصيا كنت حاجز فندق في شرم الشيخ من أحدى المواقع و لما عملت شيك ان قالي ان السعر ده للأجانب و حضرتك مصري و فيه زياده تقريبا 300 جنيه في الليله و كان قبل التعويم كمان

 

[Amoregy Amr Hakeem]

في فنادق بتشتغل على المصريين و بتدي سعر احسن من الاجنبي و في فنادق شغاله على الاجانب و بتعلى السعر على المصريين ،، بس الخدمه و الاكل على نفس المستوى ،، بس شركة سياحه محترمه هاتنصحك و ممكن توفر لك سعر احسن ،، و اذا كان معاك اجانب في سياره خاصه لا يستلزم اخطار الشرطه