اللي سافر تركيا يقولنا هل ممكن اسافرها اسبوع...

[Abeer Abdeen]

اللي سافر تركيا يقولنا هل ممكن اسافرها اسبوع او ٦ ايام و تبقى حلوة ؟؟ و جوها ايه ظروفه في شهر ١٢ ؟
و ممكن تكلف كام مصاريف ؟ و حلوة تستاهل اروحها ولا اروح مكان تاني احلى و قريب في التكاليف ما عدا ماليزيا و تايلاند ؟
و ايه الactivities اللي ممكن تتعمل فيها ؟
اللي عندو معلومة يشاركني بيها

 

[Sara Hassan]

Ali Abdelrazik

 

[سمير غريب]

استانبول مش بس حلوه ... دي خرافيه .... لو كان للعالم عاصمه .. لكانت استانبول

 

[سمير غريب]

الاماكن التاريخيه اللي لازم تتزار : مسجد السلطان أحمد ... آيا صوفيا (خاصة الحريم) ...

توبكابي بالاس و البازيليكا سيستيرن

و بعدين يوم تاني : دولما باشا بالاس

التمشيه في شارع الاستقلال ... الاكل عند بتوع الحلويات حافظ مصطفى أو مادو أو كوسكا ....

طلوع برج جالاطا في آخر شارع الاستقلال

تعدي جسر جالاطا ... تروحي الجراند بازار و السوق المصري

تاكلي ساندويتشات سمك في مراكب أمينونو (لازم ..ماتتسابش)

تاخدي مترو مارمراي للجانب الآسيوي من المدينه وتلفي هناك في (مودا)

منطقة كنيسة كورا تشيرش

جولة بالعباره في البسفور و النزول هوب اون هوب اوف

جزر الاميرات في يوم لوحده

يوم لبورصه بالعباره ... و تطلعي الجبل اليولداغ هناك

رحلة لبحيرة سبانجا و معشوقية وناطور كوي

لازم حلويات كاراكوي جول اوغلو.

 

[Ilhem Merah]

شهر 12 ثلج و مطر و برد موت

 

[Sayed Mohey Alddin Alsaify]

هيطلعو عينك ف الموافقة الأمنية من مجمع التحرير ولو مجبتيهاش ممكن يرجعوكي من المطار

 

[Abeer Abdeen]

طيب معلش انا عايزة افهم الحاجات اللي حضرتك كتبتها دي مجرد امشي و اتفرج بس .. مفيش حاجة زي انشطة مثلا ؟؟ سمير غريب

 

[سمير غريب]

دخلت مره عرض صوفي ... بس هبل يعني

ماليش في الصوفي

 

[عمرو شريف]

رحله بحيره سبانجا عملتها ازاي مع شركه و لا مع نفسك و كلفتك كام و الطريق قد ايه من اسطنبول

 

[Mariam Mahmoud]

والله لو هتاخديني معاكي تبقى حلوة طبعا ف شهر ١٢
لكن لو من غيري يبقى وحشة طيعا ف شهر ١٢ !!

 

[HK Heba Kamal El-Kholly]

أحلى وقت اخر ٧ و٨ ابعدى عن الشتاء من الثلج مش هتعرفي تخرجى

 

[Sherif Abo Elkassim]

طيب بالنسبة للصيف في شهر يوليو ايه الاماكن اللي ممكن الواحد يقعد فيها ..اققصد تقسيم مثلا ولا السلطان احمد

 

[Doc Maha Maher]

بصي بقي انا روحت تركيا من سنه ونص في شهر ١٢ و قديت هناك اسوع

 

[Heba T Anwar]

Ahmed Adel

 

[Doc Maha Maher]

بص منصحش ابدا انك تروحها في الشتا لان احنا اول ٣ايام كانوا تحفه و روحنا منطقه السلطان احمد و روحنا جزر الاميرات روعه و روحنا بورصه الصبح و رجعنا باليل في هناك شركات بتنظم ده كله جنب الفندق بس انا كنت مع شركه سياحه استاذ مصري محترم جدا كان معانا طول الرحله بس انا حاسه اننا كنا هنوفر اكتر لو روحنا من غيره المهم علي اليوم الرابع و احنا راجعين من برصه الجو اتشقلب حاله و نايمنا و صحينا لقيناالجو بقا ابيض في ابيض طبعا اتسمتعنا شويه و لعبنا و بعدين كل الرحلات البقيه اتلغت بسبب الطرق مقفوله من الثلج

 

[Doc Maha Maher]

اه لو محتاج فندق احنا كنا في فندق كرستال فندق نضيف جدا و الفطار فيه ممتاز و قريب من منطقه التقسيم بجد مكانه روعه

 

[Lilo Lilo]

طب ممكن حد يقول تنظيم حلو لرحله 6 ايام اقدر اعمل كل حاجه ؟؟؟؟