انا لو اخدت الاعفاء النهائي من الجيش بعد ما...

[Mahmoud Karem]

انا لو اخدت الاعفاء النهائي من الجيش بعد ما تميت 30 سنه لازم اطلع passport جديد عشان اسافر ولا القديم عادي واوريلهم شهادة الاعفاء النهائي في الجوازات
الاول كان لازم اطلع تصريح السفر

 

[حسين بركات]

لازم تطلع واحد جديد

 

[Mahmoud Shalaby]

لا طبعا مش لازم ممكن تسافر بالشهاده عادي بس الاريح والأضمن باسبور جديد طبعا

 

[Osama Malik]

عملت الشهادة ولا لسه
انا ٣٠ سنة ولسه معملتهاش

 

[Mohamed Hikal]

هتتعب نفسك وخلاص خلي معاك الاعفاء ولما يخلص الباسبور ابقي اعمل جديد

 

[Nada Mohamed]

القديم عادي بس تخلي معاك اصل الشهادة وصورة منها بياخدوها في الجوزات

 

[Mohamed Shaaban Haikel]

مش محتاج باسبور جديد فقط الاعفاء يكون معاك وقت السفر والباسبور الجديد فقط لو خبيت يكتب فيه معافى نهائى وماتشلش ورقة الاعفاء معاك تانى وقت السفر

 

[Dr-Ahmed Dahshan]

انا نفس النظام .... وانا مسافر خدت اصل الاعفاء وصورة .... الظابط اخد الصورة وبص عالاصل وعدت عادي ... الباسبور بتاعي اصلا كان لسه جديد وفاضله 4 سنين ... عشان اغيره حوار وتغير بطاقة وشغلانة يعني .... لما يخلص ابقى اغيره

 

[Mina Boules]

انا معايا اعفاء نهائى مش مثبوته ف الباسبور و بسافر بالشهاده عااادى