سلام عليكم .. انا مسافر دبي باذن الله يوم 8...

[Haytham Sleem]

الجو زي الزفت. درجة الحرارة ٥٠ تقريبا .
مفيش بحر في الجو ده خالص .
مولات بس .
اماكن الفسح ، كلها مقفولة واوعي تروح المارينا ولا الكلام ده . الرطوبة قاتلة ومس حتقدر تمشي ربع ساعة .
انزل المطار امشي ورا لوحات المترو اطلع هاتلاقي مكتب بيبيع كروت نول .
اشحن ب ٥٠ درهم واسال علي اقرب محطة للفندق غالبا الفهيدي .
عندك خطين للمترو وسهل الحركة بس اسال والناس حتساعدك.
احسن ٣ مولات في دبي بيوصلهم المترو.
دبي مول . محتاج نص يوم.
مول الامارات .
دبي فيستفيال سيتي .
بلاش اماكن مفتوحة خالص .حتندم

 

[Ahmad Ezz]

لو ركبت مترو هاتمشي كتير .والدنيا حر أنزل محطه الكرامه adcb أو برجمان بلاش الفهيدي عشان متغيرش الخط. بعدها اركب تاكسي هياخد خمستاشر لعشرين درهم بالكتير

 

[Omar Omar]

سيتي ماكس في بر دبي....منطقة حيوية في دبي القديمة.
اقرب محطة مترو محطة الفهيدي على الخط الاخضر.
عشان تروح من المطار لازم تغير في محطة اتحاد غالبا.
اقرب مول لك هو برجمان...ده مول فيه كل حاجة بس طبعا ميغنيش انك تروح دبي مول او مول الامارات او ديره سيتي سنتر....كل دول على الخط الاحمر.
بر دبي فيها حاجات كثيرة تتشاف..ممكن تروح عند متحف دبي/ ديوان الحاكم وتبتدي الجولة من هناك.
بر دبي منطقة هندية. مطاعم هندية، محلات و بائعين هنود و منتجات مستوردة من الهند و ايران. الحتة دي فيها اقدم تجار دبي و رغم المولات والابراج اللي في دبي الجديدة ما زالت بر دبي ليها رونقها الخاص.

 

[Kareem Gamal]

المترو أرخص حاجه هناك طبعا، وفيه أماكن فيها واي فاي مجانا زي مول دبي وده بردو تروحه بالمترو، اما الفندق على حسب الحجز بتاعك فيه فري واي فاي ولا لأ.. ممكن تروح الجوميرا بالمترو بردو وشاطئ النخيل ومول الإمارات،