سلام عليكم .. انا مسافر دبي باذن الله يوم 8...

  • بادئ الموضوع بادئ الموضوع Mohammad Salah Mady
  • تاريخ البدء تاريخ البدء
عرض العطلة
M

Mohammad Salah Mady

:: مسافر ::
#1
سلام عليكم .. انا مسافر دبي باذن الله يوم 8 يوليو .. و محجوزلي في فندق اسمه
Citymax Bur Dubai
هو انزل من المطار اركب ايه !؟ (غير التاكسي )
ايه خط التليفون اللي المفروض اشتريه ((عشان انترنت )) و هل محتاج فعلا و لا الوايفاي في كل مكان و الكلام ده !!
و سائل المواصلات المتاحة .. و هل في كارت موصلات او حاجة !؟ .
هل في مناطق مينفعش مزورهاش و انا هناك !؟
هل امد الاقامة مثلا يومين و لا حاجة كفسحة !!
انا قريت اربع مواضيع هنا قبل حاجة عن دبي .. بس مفهمش معلومات دقيقة . كلها معلومات عامة .
شكراااااا
 
#5
المترو ف المطار هينزلك زي ما انت عايز ، الواى فاى فعلا هناك ف كل حته حتي ف المترو هات بس خط اول ما تنزل بس بيتهيالي الخط بالاقامة فى حاجات كتير تتزار بس اغلبها مولات شوبينج ممكن تقضي يوم ا اتلانتس هتعجبك وخصوصا انك رايح ف وقت حر جدا هناك ممكن تروح سكي دبي ف مول الامارات وحاجات كتير
 
عرض العطلة
#7
اول ما توصل فى المطار اشترى مارت نول اللى هو تبع المترو ونزل خريطه المترو على موبايلك وعيش اى حته فى دبى المترو واصلها
 
#8
حضرتك نازل كم يوم ؟ وجاي من اي مطار لو ظاهر فيه رقم البوابة قولي عشان اقولك في مترو في البوابة دي ،واشرحلك. علي الاساس ده ولا لا ؟
 
عرض العطلة
#14
شوف يا دكتور، عشان ما تبقاش الدنيا بمبي ف بمبي و تفاجأ بوضع غير اللي فهمته:
اولاً: المترو افضل و ارخص وسيله موصلات، اشتري كرت نول و بيتشحن زيه زي التليفون، و نزل خريطه المترو زي ما تفضل الاخ الكريم و قال، اقرب محطه اسمها الفهيدي.
ثانياً: عشان اوضح لك موضوع النت ده.. مش ف اي مكان اي مكان، فيه اماكن محدده هي اللي بيكون متوفر فيها الواي فاي و لازم شريحه تليفون عشان بتنطلب وانت بتملا بيانات توصيل الواي فاي و بيبعتوا لك رساله علي الرقم اللي هاتشتريه، ف المنطقه حوالين الفندق اسمها الكرامه هاتلاقي محلات تصليح تليفونات بيبيعوا ارقام من غير تسجيل بيانات و باسبور ولا اي حوارات.
ثالثاً: نصيحه عشان ما تبعزقش فلوسك، فيه اماكن ممكن تروحها و تتفرج و تتمشي من غير ما تدفع فلوس كتير، سكي دبي اوعي، هاتدفع علي الاقل ٥٠٠ درهم و مش هاتتبسط قوي.. ممله من وجهه نظري و للسياح اللي محفظتها عندها اسهال..
ممكن تروح تتفرج علي النافوره و برج خليفه ف دبي مول او تروح كايت بيتش بالليل فيه مطاعم و ممشي لطيف، بس ده تروحه تاكسي و هايبقي المشوار بتاع ١٠٠ درهم رايح جاي، اما علي الاكل بقي عندك المنطقه فيها مطاعم كتير و اسعارها ف الذيذ، عندك قريب من الفندق مكان اسمه جلو جاردن، بتاع ربع ساعه بالتاكسي و التذكره علي ما اعتقد بـ ٦٠ درهم، و تروحها بالليل.. عندك المارينا ووك او ممشي المارينا، لو عايز تفرفش و تبلبط ف الميه، عليك و علي وايلد وادي بـ ٣٠٠ درهم تقريبا و كل حاجه جوه فري و الاكل مش غالي.
لو اقامتك زياره يبقي خليكي ف الرخيص، لو جاي سياحه يبقي حمل برنامج اسمه lonely planet، ونزل خريطه دبي، فيها كل اللي انت عايز تعرفه و بميزانيه معقوله.
انجوي يا كبير
 
#15
دبي كلها مولات زى الى عندنا فى مصر
الحاجه المختلفه برج خليفه والنافورة وفى واحده بردو فى مول تانى مش فاكرة بالزبط تقريبا مول دبي
اسعار الشوبنج غاليه جدا اغلى من مصر كتييييير
لو على الشواطئ.... شواطى الغردقه والسخنه فى مصر احلى كتييير
كل حاجه فى دبي بفلوس حتى النفس ... مفيش واى فاى فى كل مكان ولا حاجه .
 
عرض العطلة
#16
وعليكم السلام ورحمة الله :
مبدأيا لازم تكون عارف صالة الوصول في مطار دبي حسب تذكرة الطيران بتاعتك.

- صالة ٢ لازم تركب مواصلة منها لاقرب محطة مترو وهي القيادة.
صالة ١ او صالة ٣ تقدر تخرج عالمترو بشكل مباشر تشتري كارت اسمه ( نول ) .. واشحنه مثلا ٢٠ درهم هتركب المترو الخط الاحمر المتجه الي محطة الامارات العربية المتحدة للصرافة وتنزل في محطة بنك ابو ظبي التجاري هتمشي تقريبا ١٠ دقايق لغاية الفندق.
- خط التليفون (دو) او (اتصالات) .. الاتنين نفس الشئ .. ضروري الخط وفي حدود ٢٥ الي ٣٠ درهم بصورة الجواز.
- تقدر تزور اي مكان عادي .. لكن انت فترة وجودك صيف فمتاح لك المولات والاماكن المغلقة اكثر. انصح ب دبي مول - مول الامارات.

بالتوفيق
 
#17
وانت في المطارتجيب خط دو او اتصالات تفاصيلهم هنا
/خط الزوار | باقات الهاتف المتحرك | دو
/الامارات العربيه المتحده اتصالات | Visitor line
لو معاك سمارت فون يبقي عليك وعلي جوجل مابس لما تدور علي مكان وتدوس direction هيبانلك صوره مترو رمز للمواصلات العامة تقدر تعتمد عليها هيقولك علي الباصات وخطوط المترو اللي ممكن تستخدمها علشان توصل المكان اللي انت عايز ودقتها في دبي كويسه كمان ممكن تنزل تطبيق اسمه وجهتي ادق شويه في مواعيد الباصات عن جوجل هنا /هيئة الطرق والمواصلات - وجهتي - مخطط الرحلات المهم حاول تاخد باقه نت تكفيك وتجيب معاك بور بنك, بس الصراحة التوقيت اللي انت جي فيه الجو مش حلو
 
#18
اه نصيحة اوبر وكريم سعرهم زي التاكسي واعلي ما تستخدمهمش الا لو معاك فوتشر لما اشتريت خط الزوار ادوني 100 درهم فوتشر مش عارف لسه موجوده ولا لا
 
عرض العطلة
عرض العطلة
عرض العطلة
أعلى أسفل
عودة
قائمة