بص انا لسه راجع من اللفه دي ،
انا سافرت من مصر تايلند الي ماليزيا الي اندونيسيا ثم الي مصر
لو عاوزني اساعدك في تذكره الطيران ابعتي خاص
الطيران هناك عليك وعلي airasia.com رخيص جدا
الاقامه هناك ، علي حسب انت تحب تنزل في هوستيل ولا اوتيل
انا اقمت هناك في تايلند في فندق كان اليله بالفطار ب١٠٠٠ باهت اللي هو تقريبا ٥٠٠ج ، وكنت بعمل هناك رحلات بنفسي
انا روحت بانكوك ومن هناك روحت باتايا
وروحت جزيره اسما كو لارن حلوه قوي ورخيصه لو رحتها لوحدك وعليها فنادق ممكن تبيت فيها ، انا بيت هناك ليله
روحتها بالعباره وكانت ب٣٠ج والليله ب٥٠٠ج والشاطيء بتدفع تمن الشوزلنج ٥٠ج هناك شواطيء كتير حلوه ، احسنهم monkey beach
بعد كدا روحت ماليزيا طيران علي بينانج وبعدين طيران علي لينكاوي الاقامه هناك في ريزورت كانت ب٥٠٠ج بس قابلت اجانب هناك كانوا واخدين هات كان ب١٠٠ج في اليوم
الشواطيء هناك حلوه وفيه رحلات كتير
بعدين روحت كوالا لمبور
هناك باتو كيف ببلاش ، كهف كير تحفه وفيه مغامره في كهف الخفافيش ب٣٥رينجت اضرب في خمسه
بعدين في جينتينج هايلاند مدينه كامله في السحاب بتطلع بتلفريك ب٢٠ رينجيت ، محبتهاش لانها مول ضخم
بعدين في شلال هناك جميل كدا والدخول الغابه كلها ب٥ رينجت
فيه العاصمه الاداريه ش حلوه قوي غير الجامعين الكبار هناك جامع الاستيل وجامع بوترا جايا
في كمان حديقه الطيور والسوق الصيني وش العرب وتايم سكوير كل دول في وسط البلد ، وفيه كمان المتخف الاسلامي دا تحفه لو بتحب المتاحف
وفيه جامع اكبر واحد في اسيا بلو موسك ، وهناك جامعين جامدين جامع ولايه وجامع نجاره لازم تروحهم
بعد كدا روحت انودنيسيا البلدةالجمبله الرخيصه
هناك بقي براكين وهم انا طلعت بركان اسمه مورابي في جوكجاكارتا دي ٥٠٠كم من جاكرتا ، وهناك بردوا روحت شلالين وهم ، وفيه معابد جميله ، وكهف ، وخيمت علي شاطيء وعلي جبل
ال مهم لو عاوز اي استفسار انا تحت امرك
