S
Sarah Bahgat El-Sawy
:: مسافر ::
أيها ال Travelers الأعزاء
أتمني تكونوا بخير، وشكرا علي دعمكم وشكرا علي الرسايل اللي جاتلي هرد بإذن الله علي الاستفسارات بتاعتكم الخاصة بالبوست وهفتح الFollow عشان الناس اللي طلبت مني
بداية القول الاحداث الرياضية الكبيرة بتبدأ طلب متطوعين قبل ما الحدث يبدأ من الفترة من سنة ونص ل سنتين ونص علي سبيل التوضيح أوليبيمات ريو دي جانيرو 2016 بدأوا الطلب من أبريل 2014 واتقفلت نوفمبر 2014 وكاس العالم 2018 روسيا اتفتحت حوالي 3 شهور من يوليو 2016 واتفقلت 30 سبتمبر 2016 وطبعا الكلام ده بيختلف في البطولات الاصغر زيي بطولات العالم للعبة معينة أو بطولات التضامن الاسلامي إلي ما شابه "وده هعمله بوست منفصل عشان البطولات دي ليه شوية مشاكل"
أنت بتعرف إزاي وقت فتح الاستمارة ووقت الDeadline بتاعها بتبقي متابع الموقع الرسمي للبطولة ذات نفسها لحد ما يخرج ال Volunteers Portal للحياة وهما بيبقوا عاملين زي خط زمني للأستمارة من أول ما تملاها لحد الانترفيو والقبول وورق الفيزا والتدريبات علي النت وأنت لازم تكون متابع كل ده عشان متفوتش منك حاجة
عدد المتطوعين المطلوب لكاس العالم بيبقي حوالي 15 الف متطوع وعدد المتطوعين المطلوب للأوليمبيات من 70 ل 75 الف متطوع وبتبقي ليك 2 مكان واحد للأوليمبيات وواحد للباراليمبيات بناءا علي اختيارك أنت عايز تبقي موجود ولا لأ ف البارالمبيات
في ناس بتسأل دلوقتي ايه المطلوب مني عشان اقدم المطلوب منك تبقي بتتكلم وبتكتب إنجليزي بشكل جيد "تعرف تتعامل يعني" وتبقي في بداية الحدث مكمل 18 سنة، ناس هتسأل دلوقتي طيب أنا عندي 15 سنة مثلا وعايزة اقدم علي طوكيو 2020 ينفع لما تنزل الاستمارة ف صيف 2017 أقدم أقوله لو هتبقي 18 سنة في 31-7-2020 ممكن تقدم عادي ويفضل إنك تكون 18 سنة ف ابريل 2020 عشان إجراءات استخراج الفيزا تبقي أسهل بالنسبة لك وممكن تقدم وأنت اي حاجة كمهنة أنت سواق مثلا أو طباخ بتقدم عادي جدا وبيبقوا مطلوبين جدا وأي سن بعد 18 عادي انا كان معايا متطوعين 65 و 70 سنة
طيب خلال فترة السنتين بتعمل ايه زي ما قولتلك فوق في Timeline بتبقي ماشي عليه بتخلص استمارتك بتستني لحد ما وقت المقابلات يجي، المقابلات بتبقي إزاي علي سبيل التوضيح ف كاس العالم بيبقي مقابلة مدتها ساعة علي Skype وانترفيو مش سهل علي الاطلاق زي زيه مقابلة الشغل عشان بروتوكول كاس العالم بيبقي حاد وصارم عشان اللاعيبة اللي بميليارات الدولارات اللي جايين يلعبوا مينفعش حد يضايقهم ياخدلهم صورة فجأة ياخد صورة معاهم أو يفضل يبصلهم ويبرقلهم أو حتي يكلمهم مفيش الكلام ده نهائيا والفيفا بتلزم المتطوع بالشغل 10 ساعات ف اليوم فيها وجبة واحدة بس وفي ناس برازيلين كتير قابلتهم مكانش عاجبهم نظام الشغل ف كاس العالم 2014 وكانوا بيقولوا إن شغل الاوليمبيات احسن بكتير وأسهل
بالنسبة لمقابلة الاوليمبيات بيبقي برنامج من Cisco بتتنزله ومش بيفتح غير وقت المقابلات ويفضل إنك تعمل الانترفيو ده ف السيبر عشان بيحتاج سرعات نت عالية عشان بيبقي معاك ف المقابلات 20 واحد تاني والانترفيو مدته ساعة بيتقسم ل 3 أقسام الجزء الاول كل واحد بيعرف نفسه ف دقيقة بالظبط تاني جزء ال HR بيديكم Task تعملوها مع بعض ولازم تعملوها مع بعض كل واحد لازم يتكلم كلمة علي الاقل يعني والجزء الاخير ال HR بيرجع يشوف عملتم ايه ف ال Task
قبل الانترفيو طبعا بيعملك Assessment للأنجليزي بتاعك واللغات التانية اللي أنت كاتبها ف الاستمارة بتاعتك هوا امتحان زي ال IELTS بالظبط من موقع اسمه Education First ده من اشهر مواقع تعليم اللغات عالميا والاولمبيات وكاس العالم عاملين شراكة معاهم أنت جربت إنجليزي وألماني كانوا مش لطاف علي الاطلاق بس بتعدي يعني وزي ما قولتلكم بيكون أنت محتاج تبقي جيد ف الانجليزي وليس خبير عشان انت بتروح بلد مش بيتكلموا إنجليزي اساسا
طيب نظام الاختيار بيكون إزاي الاستمارة بتاعتك بتتراجع والجزء بتاعك ف الانترفيو كمان بيتراجع وبيشوف المهمة اللي أنت تنفع فيها علي سبيل المثال الدكاترة بيتحطوا ف المهمات الطبية وزي ال Polyclinic وال Doping والخدمات الطبية عموما هما والصيادلة نفس الكلام دول بقي دي بتبقي شلغتهم بيتحطوا علطول كده وبياخدوهم بسرعة لكن مثلا أنا مهندسة بس بعرف اصور فبيحطني ف ال Photo team مثلا بتكلم لغتين تلات بيحطني ف ال Lan team وال Programmers مثلا بيحطهم ف ال Tech team وده فريق بيعتبر من Core أي بطولة وطبعا كل ده أنت بتكتبه ف ال Preferences بتاعك ف الاستمارة وعندك حوالي 25 أختيار بتختار منهم اللي مناسب القدرات الخاصة بيك
طيب انت أتقبل القبول بيبقي 3 خطوات إنك اتقبل كمتطوع وهما لسه بيشوفوا Position مناسب ليك ورقم 2 المهمة بتتبعتلك وخلاص ثابت عليها لو مش عاجبك المهمة بتاعتك بتبعت إيميل تغيرها والخطوة التالتة ورقة الفيزا اللي بتروح بيها السفارة
طيب بين استلام المهمة بتاعتك وورق الفيزا في شوية تدريبات حتما ولابد لازم تعملها وفيديوهات علي ال Volunteers Portal لازم تشوفها خاصة بالبروتوكول بتاع البطولة وانا اديتكم فوق نبذة عنه ف كاس العالم وموقع Education First اللي قولتلكم عليه فوق بيديك مستوي A1 من لغة البلد اللي أنت رايحها عشان تبقي عارف كلمتين تتعامل بيهم لو البلد اللي أنت رايحها مش بتتكلم إنجليزي ودي كانت كارثة ف البرازيل محدش بيتكلم إنجليزي نهائيا إلا قلة قليلة كنت ماشية ف Google Translator ولغة الاشارة وده هيحصل ف روسيا للأخوة اللي هيروحوا روسيا لأن 4% من الروس فقط بيتكلم إنجليزي
نجي لتذاكر الطيران قبل ما تفكر تطلع الفيزا لازم تحجزها هيا والاقامة بتاعتك بمجرد إن إيميل المهمة جالك علي سبيل المثال هشتغل سواق وجه الايميل خلاص بروح أحجز طيراني ليه بقي عشان اسعار الطيران كل ما الايفينت يقرب بتبقي اسعارها فلكية يعني ف يناير 2016 كانت تذكرة البرازيل ب 7 الف جنيه وصلت قبل الاوليمبيات ب اسبوع 16 الف جنيه فلازم تذاكر الطيران تتحجز نجي للأقامة بالنسبة لبلاد زي البرازيل ال Couchsurfing مكانش ينفعك تحت أي ظرف من الظروف عشان مواطنين ريو دي جانيرو كانوا اكثر جشعا مما تتخيلوا أنا كنت ببعت Requests علي ال Couch كان بيترد عليا إنهم عايزين فلوس للأقامة ومش هيقدر يستضيف أكتر من يوم واحد ببلاش عشان لازم يستفيدوا من الحدث ويعلوا دخلهم فأنت لازم تتدرس حالة البلد قبل ما تبعت request علي ال Couchsurfing
طيب دلوقتي كلكم بتقوله حل الاقامة ايه الحل إنك أنت وشلة ناس سواء مصريين أو جنسيات تانية من الجروب بتاعت المتطوعين بتكتب بوست عادي وبتتفقوا تأجروا مكان مع بعض من موقع زيAirbnb مثلا وده أفضل المواقع وأمنهم لحجز مكان تقعد فيه وفيه من أول اوض فوق السطوح لحد فلل فيها أحسن الامكانيات وتقريبا بياخد 10% للحجز ولما بتروح هناك وبتلسموا المفتاح من المؤجر البقي بتدفعوه بالفيزا علي الموقع
طيب دلوقتي بالنسبة للبنات نفس الكلام لو عندك استعداد تقعدي ف مكان فيه اولاد وبنات ده بيكون ارخص ليكي وفي بنات متطوعات من بلاد تانية بيكتبوا إنهم بنات بس مع بعض وعايزين بنتين تلات معاهم ف كل ده بينزل علي الجروب بتاعت المتطوعين طبعا ناس بتكتب وأنت بتكتبي بنفسك
نجي بقي للجزء المهم اللي هوا بالنسبة لي مكانش مهم أو ذو اهم زي الطيران والاقامة ألا وهيا الفيزا الحلوة اللي بتخلي الباسبور حلو وبتنيمه ف حضنك من ساعة ما بتاخدها لحد ما تحط رجلك ف الطيارة الفيزا بتاعت الاحداث الرياضية بتبقي فيزا شرفية ودي أرقي انواع الفيزات وبتبقي شهور وMultiple Entry وغير كده الفيزا ببلاش مش بتدفع ربع جنيه فيها! ما عدا فيزا الاوليمبيات الاخيرة ف ريو من شهر مايو 2016 خلوها ب 800 جنيه و 3 شهور بس وشالوا الفيزا الشرفية طبعا دي كانت كارثة بكافة المقاييس الحكومة البرازيلية قررت فجأة تاخد فلوس من المتطوعين عدد ال 70 الف متطوع كبير منهم جنسيات بتتدخل البرازيل من غير فيزا ف في متطوعين اتظلموا طبعا ف ال 100 دولار بتوع الفيزا اللي كانت 30 دولار قبل شهر مايو 2016 وفي ناس اخدتها قبل شهر 5 ببلاش والناس اللي سافروا كاس العالم 2014 ف البرازيل كانوا واخدين الفيزا الشرفية 6 شهور وببلاش
طيب بالنسبة لأجراءات الفيزا بتملي الاستمارة عادي والسفارة مش بتطلب منك حاجة غير الاستمارة وصورة ودعوة الفيزا اللي بتبعتلك أونلاين ومفيش بقي اقامة ولا تذاكر طيران ولا اجراءات تعسفية من اللي بتحصل ف السفارات دلوقتي هما بيبقوا عارفين إن حضرتك مش هتحجز فندق شهر ولا شهر والكلام ده ولكن الفيزا بتاخد من 3 ايام لشهرعلي ما تتطلع عشان السفارة تتأكد من رقم التسجيل الاوليمبي بتاعك هتقولي مثلا عرفتي منين إن السفارة مش بتعمل كده مع كله هقولك إن الناس اللي بتسافر مع AIESEC مثلا بلد زي البرازيل بيطلب منهم إثبات اقامة وطيران وكشف حساب بنكي للي هيصرف عليك فزي ما قولتلك السفارات عارفة بروتوكولات البطولات أكتر منك وكده كده أنت ف الاول والاخر السفارة بتعتبرك سايح وهتصرف حبة فلوس حلوة هناك فأنت مكسب للسفارات فالاحاث الرياضية غير كده الوقت ده للبلاد دي بيبقي موسم البيع والشراء والمكسب بيكون عالمي ده غير الزيادات ف الاسعار اللي سبق وذكرتها ف الطيران والاقامة
طيب هتسألني أنت دلوقتي لو بطولة ف اوروبا أو امريكا او استراليا زي اولمبيات 2024 تبقي يا ف باريس ف مدينة من 3 مدن أمريكية هقولك هتمشي غالبا بنفس الاجراءات ووجهة نظري إن اللي هيطلعك ال Travel Record بتاعك وده سؤال أنت بتتسأله اساسا ف الاستمارة بتاعت تقديم التطوع تطوعت قبل كده ف حدث زي ده ولا لأ
طيب مجرد ما تاخد الفيزا من حقك تروح البلد ايوه طبعا من حقك مش بيديك وقت معين أو يوم معين تتدخل فيه بس الاحسن إنك تروح قبل الحدث ب4 أو 5 ايام عشان تبدأ تدرس البلد والمواصلات وتخلص ورق ال Name Tag بتاعك وكمان هدومك اللي هتستلمها وكارت المواصلات عشان حضرتك خلال الانتقال ف فترة البطولة بتاخد تنقلات ببلاش ف كافة المواصلات الحكومية وخلي ف بالك إن اليوم ف ال Accreditation ده بسنة وممكن يعدي اليوم متخلصش حاجة ولا تستلم هدومك وتصرف مواصلات من جيبك عشان العدد بيبقي كبير جدا جدا أكبر من طابور العيش وطوابير المواصلات
طيب لما تجي تشتغل بقي بيعرفوا إن اشتغلت ازاي ال Name Tag بتاعك يحتوي علي تلات حاجات مهمين ايه هما ال Bar Code زي اللي بيتحط علي السلع ف كارفور ومعاهم QR reader شبه اللي بيبقي علي ف ايد الكاشير بيتقرا مرتين مرة وأنت داخل مكان الملعب ومرة عشان تسجل إنك جيت طيب بتسجل إنك جيت ليه عشان ال HR Letter والشهادة اللي بتاخدهم وكمان الهدايا وكوبونات الاكل اللي بتاخدهم خلال يوم العمل بتاعك الهدايا بتبقي عبارة عن تذاكر بتحضر بيها ماتش أو حفلة الافتتاح أو حفلة الختام و Pins وكمان شنط وساعات يعني الأوليمبيات Swatch السويسرية قررت توزع علي ال 70 متطوع ساعات المينا بتاعتها محفور عليها الخمس دواير شعار الاوليمبيات ده غير الفنانين والساسة والرياضيين السابقين اللي بتشوفهم وكمان ال Name Tag بتاعك بيدخلك أماكن محددة مينفعش تدخل غير يعني أنا ال Name Tag بتاعي كان بيدخلني كل حتة ما عدا ال Main Press Center وال Olympic Village لكن كنت بدخل ال Lounge بتاع اللعيبة وأي ملعب وأقف ف أي مكان وكنت بدخل اتفرج علي الماتشات من كراسي المصورين ال واخدين تصريح ب Field Photography
طيب لما تروح أول يوم شغل بتتعرف علي المدير بتاعك وزمايلك ويفضل إنك تتصاحب علي كذا مدير مش مديرك بس عشان الموضوع ده بيظبطك ف كذا حاجة إفرض مثلا حصلك مشكلة بره ف البلد مثلا مديرك بيساعدك ف كل حاجة يعني واحد صاحبي اتسرق هناك ف البرازيل وكان بيدفع الايجار باليوم فالمدير بتاعه أخده قعده معاه ف البيت وأهم حاجة متعملش مشاكل عشان المشاكل ممكن يتسحب منك ال Name Tag والقرار ده بيترتب عليه إنهم ياخدوك يودوك سفارتك وسفارتك ترحلك عشان البطولات دي مفيهاش هزار
في حاجة مهمة لو حضرتك تصادف إنك اتحطت ف موقف له علاقة بالسياسة متفتحتش بوقك بكلمة وأعمل نفسك من بنها لو الكلام عاجباك أو لأ عشان هناك ف المحافل دي هتلقي معظم الصحافيين إسرائيلين أو بيأيدوا اسرائيل بعنف والاسرائيلين بيبقوا جايين الاحداث دي فلو شفت بقي اسرائيلي شاغل معاك وأو زائر لافف نفسه بالعلم زي البطانية إعمل نفسك اعمي ومتحطش نفسك فموقع شبهة لمجرد إنك مصري او عربي لأن البروتوكول بيقول مفيش كلام ف السياسة كله واحد وإننا بننشر الهدوء والسلام من خلال الرياضة
غير كده هما بيحبوا المصريين أوي والله وبيتكلموا عن بلدنا كويس وفي ناس راحت وناس عايزة تروح فإشكر ف بلدك قدام الناس حتي لو أنت مش طايقها عشان معظم الناس اللي قابلتهم هناك من جنسيات مختلفة جم مصر يتفسحوا وعجبتهم فأنت كلامك عن بلدك محسوب عليك وفارق جدا
لو هتتفسح بقي يفضل إنك تتفسح قبل الحدث أو بعده مش خلاله عشان المزارات بتبقي زحمة وغالية جدا غير اوقات السنة العادية خلال ايام العمل بتاعتك مش هينفع تتفسح غير الصبح أو بالليل علي حسب وقت ال Shiftوطبعا بالليل ده وقت الحدث بيبقي في ناس كتير ف الشوارع زي النهار فهتقدر تخرج عادي وطبعا يفضل مع ناس زمايلك أو ناس اتعرفت عليهم عشان متبقاش لوحدك سواء أنت ولد أو بنت ممكن لو جدول شغلك فيه يومين أو تلات اجازة بين ايام شغلك تروح مدن تانية تتفسح وفي ناس كتير اعرفهم كانوا بيعملوا كده
كده يعتبر أنا غطيت كل حاجة بالنسبة لكافة النقط بشكل عام مش مفصل لو حد في جزء مش فاهمه رجاءا تكتبلي Comment وأنا هحاول أوضحها بقدر الامكان ويارب تكونوا استفدتوا من كلامي، وإدعولي تاني اسافر بقي إن شاء الله ☺
أتمني تكونوا بخير، وشكرا علي دعمكم وشكرا علي الرسايل اللي جاتلي هرد بإذن الله علي الاستفسارات بتاعتكم الخاصة بالبوست وهفتح الFollow عشان الناس اللي طلبت مني
بداية القول الاحداث الرياضية الكبيرة بتبدأ طلب متطوعين قبل ما الحدث يبدأ من الفترة من سنة ونص ل سنتين ونص علي سبيل التوضيح أوليبيمات ريو دي جانيرو 2016 بدأوا الطلب من أبريل 2014 واتقفلت نوفمبر 2014 وكاس العالم 2018 روسيا اتفتحت حوالي 3 شهور من يوليو 2016 واتفقلت 30 سبتمبر 2016 وطبعا الكلام ده بيختلف في البطولات الاصغر زيي بطولات العالم للعبة معينة أو بطولات التضامن الاسلامي إلي ما شابه "وده هعمله بوست منفصل عشان البطولات دي ليه شوية مشاكل"
أنت بتعرف إزاي وقت فتح الاستمارة ووقت الDeadline بتاعها بتبقي متابع الموقع الرسمي للبطولة ذات نفسها لحد ما يخرج ال Volunteers Portal للحياة وهما بيبقوا عاملين زي خط زمني للأستمارة من أول ما تملاها لحد الانترفيو والقبول وورق الفيزا والتدريبات علي النت وأنت لازم تكون متابع كل ده عشان متفوتش منك حاجة
عدد المتطوعين المطلوب لكاس العالم بيبقي حوالي 15 الف متطوع وعدد المتطوعين المطلوب للأوليمبيات من 70 ل 75 الف متطوع وبتبقي ليك 2 مكان واحد للأوليمبيات وواحد للباراليمبيات بناءا علي اختيارك أنت عايز تبقي موجود ولا لأ ف البارالمبيات
في ناس بتسأل دلوقتي ايه المطلوب مني عشان اقدم المطلوب منك تبقي بتتكلم وبتكتب إنجليزي بشكل جيد "تعرف تتعامل يعني" وتبقي في بداية الحدث مكمل 18 سنة، ناس هتسأل دلوقتي طيب أنا عندي 15 سنة مثلا وعايزة اقدم علي طوكيو 2020 ينفع لما تنزل الاستمارة ف صيف 2017 أقدم أقوله لو هتبقي 18 سنة في 31-7-2020 ممكن تقدم عادي ويفضل إنك تكون 18 سنة ف ابريل 2020 عشان إجراءات استخراج الفيزا تبقي أسهل بالنسبة لك وممكن تقدم وأنت اي حاجة كمهنة أنت سواق مثلا أو طباخ بتقدم عادي جدا وبيبقوا مطلوبين جدا وأي سن بعد 18 عادي انا كان معايا متطوعين 65 و 70 سنة
طيب خلال فترة السنتين بتعمل ايه زي ما قولتلك فوق في Timeline بتبقي ماشي عليه بتخلص استمارتك بتستني لحد ما وقت المقابلات يجي، المقابلات بتبقي إزاي علي سبيل التوضيح ف كاس العالم بيبقي مقابلة مدتها ساعة علي Skype وانترفيو مش سهل علي الاطلاق زي زيه مقابلة الشغل عشان بروتوكول كاس العالم بيبقي حاد وصارم عشان اللاعيبة اللي بميليارات الدولارات اللي جايين يلعبوا مينفعش حد يضايقهم ياخدلهم صورة فجأة ياخد صورة معاهم أو يفضل يبصلهم ويبرقلهم أو حتي يكلمهم مفيش الكلام ده نهائيا والفيفا بتلزم المتطوع بالشغل 10 ساعات ف اليوم فيها وجبة واحدة بس وفي ناس برازيلين كتير قابلتهم مكانش عاجبهم نظام الشغل ف كاس العالم 2014 وكانوا بيقولوا إن شغل الاوليمبيات احسن بكتير وأسهل
بالنسبة لمقابلة الاوليمبيات بيبقي برنامج من Cisco بتتنزله ومش بيفتح غير وقت المقابلات ويفضل إنك تعمل الانترفيو ده ف السيبر عشان بيحتاج سرعات نت عالية عشان بيبقي معاك ف المقابلات 20 واحد تاني والانترفيو مدته ساعة بيتقسم ل 3 أقسام الجزء الاول كل واحد بيعرف نفسه ف دقيقة بالظبط تاني جزء ال HR بيديكم Task تعملوها مع بعض ولازم تعملوها مع بعض كل واحد لازم يتكلم كلمة علي الاقل يعني والجزء الاخير ال HR بيرجع يشوف عملتم ايه ف ال Task
قبل الانترفيو طبعا بيعملك Assessment للأنجليزي بتاعك واللغات التانية اللي أنت كاتبها ف الاستمارة بتاعتك هوا امتحان زي ال IELTS بالظبط من موقع اسمه Education First ده من اشهر مواقع تعليم اللغات عالميا والاولمبيات وكاس العالم عاملين شراكة معاهم أنت جربت إنجليزي وألماني كانوا مش لطاف علي الاطلاق بس بتعدي يعني وزي ما قولتلكم بيكون أنت محتاج تبقي جيد ف الانجليزي وليس خبير عشان انت بتروح بلد مش بيتكلموا إنجليزي اساسا
طيب نظام الاختيار بيكون إزاي الاستمارة بتاعتك بتتراجع والجزء بتاعك ف الانترفيو كمان بيتراجع وبيشوف المهمة اللي أنت تنفع فيها علي سبيل المثال الدكاترة بيتحطوا ف المهمات الطبية وزي ال Polyclinic وال Doping والخدمات الطبية عموما هما والصيادلة نفس الكلام دول بقي دي بتبقي شلغتهم بيتحطوا علطول كده وبياخدوهم بسرعة لكن مثلا أنا مهندسة بس بعرف اصور فبيحطني ف ال Photo team مثلا بتكلم لغتين تلات بيحطني ف ال Lan team وال Programmers مثلا بيحطهم ف ال Tech team وده فريق بيعتبر من Core أي بطولة وطبعا كل ده أنت بتكتبه ف ال Preferences بتاعك ف الاستمارة وعندك حوالي 25 أختيار بتختار منهم اللي مناسب القدرات الخاصة بيك
طيب انت أتقبل القبول بيبقي 3 خطوات إنك اتقبل كمتطوع وهما لسه بيشوفوا Position مناسب ليك ورقم 2 المهمة بتتبعتلك وخلاص ثابت عليها لو مش عاجبك المهمة بتاعتك بتبعت إيميل تغيرها والخطوة التالتة ورقة الفيزا اللي بتروح بيها السفارة
طيب بين استلام المهمة بتاعتك وورق الفيزا في شوية تدريبات حتما ولابد لازم تعملها وفيديوهات علي ال Volunteers Portal لازم تشوفها خاصة بالبروتوكول بتاع البطولة وانا اديتكم فوق نبذة عنه ف كاس العالم وموقع Education First اللي قولتلكم عليه فوق بيديك مستوي A1 من لغة البلد اللي أنت رايحها عشان تبقي عارف كلمتين تتعامل بيهم لو البلد اللي أنت رايحها مش بتتكلم إنجليزي ودي كانت كارثة ف البرازيل محدش بيتكلم إنجليزي نهائيا إلا قلة قليلة كنت ماشية ف Google Translator ولغة الاشارة وده هيحصل ف روسيا للأخوة اللي هيروحوا روسيا لأن 4% من الروس فقط بيتكلم إنجليزي
نجي لتذاكر الطيران قبل ما تفكر تطلع الفيزا لازم تحجزها هيا والاقامة بتاعتك بمجرد إن إيميل المهمة جالك علي سبيل المثال هشتغل سواق وجه الايميل خلاص بروح أحجز طيراني ليه بقي عشان اسعار الطيران كل ما الايفينت يقرب بتبقي اسعارها فلكية يعني ف يناير 2016 كانت تذكرة البرازيل ب 7 الف جنيه وصلت قبل الاوليمبيات ب اسبوع 16 الف جنيه فلازم تذاكر الطيران تتحجز نجي للأقامة بالنسبة لبلاد زي البرازيل ال Couchsurfing مكانش ينفعك تحت أي ظرف من الظروف عشان مواطنين ريو دي جانيرو كانوا اكثر جشعا مما تتخيلوا أنا كنت ببعت Requests علي ال Couch كان بيترد عليا إنهم عايزين فلوس للأقامة ومش هيقدر يستضيف أكتر من يوم واحد ببلاش عشان لازم يستفيدوا من الحدث ويعلوا دخلهم فأنت لازم تتدرس حالة البلد قبل ما تبعت request علي ال Couchsurfing
طيب دلوقتي كلكم بتقوله حل الاقامة ايه الحل إنك أنت وشلة ناس سواء مصريين أو جنسيات تانية من الجروب بتاعت المتطوعين بتكتب بوست عادي وبتتفقوا تأجروا مكان مع بعض من موقع زيAirbnb مثلا وده أفضل المواقع وأمنهم لحجز مكان تقعد فيه وفيه من أول اوض فوق السطوح لحد فلل فيها أحسن الامكانيات وتقريبا بياخد 10% للحجز ولما بتروح هناك وبتلسموا المفتاح من المؤجر البقي بتدفعوه بالفيزا علي الموقع
طيب دلوقتي بالنسبة للبنات نفس الكلام لو عندك استعداد تقعدي ف مكان فيه اولاد وبنات ده بيكون ارخص ليكي وفي بنات متطوعات من بلاد تانية بيكتبوا إنهم بنات بس مع بعض وعايزين بنتين تلات معاهم ف كل ده بينزل علي الجروب بتاعت المتطوعين طبعا ناس بتكتب وأنت بتكتبي بنفسك
نجي بقي للجزء المهم اللي هوا بالنسبة لي مكانش مهم أو ذو اهم زي الطيران والاقامة ألا وهيا الفيزا الحلوة اللي بتخلي الباسبور حلو وبتنيمه ف حضنك من ساعة ما بتاخدها لحد ما تحط رجلك ف الطيارة الفيزا بتاعت الاحداث الرياضية بتبقي فيزا شرفية ودي أرقي انواع الفيزات وبتبقي شهور وMultiple Entry وغير كده الفيزا ببلاش مش بتدفع ربع جنيه فيها! ما عدا فيزا الاوليمبيات الاخيرة ف ريو من شهر مايو 2016 خلوها ب 800 جنيه و 3 شهور بس وشالوا الفيزا الشرفية طبعا دي كانت كارثة بكافة المقاييس الحكومة البرازيلية قررت فجأة تاخد فلوس من المتطوعين عدد ال 70 الف متطوع كبير منهم جنسيات بتتدخل البرازيل من غير فيزا ف في متطوعين اتظلموا طبعا ف ال 100 دولار بتوع الفيزا اللي كانت 30 دولار قبل شهر مايو 2016 وفي ناس اخدتها قبل شهر 5 ببلاش والناس اللي سافروا كاس العالم 2014 ف البرازيل كانوا واخدين الفيزا الشرفية 6 شهور وببلاش
طيب بالنسبة لأجراءات الفيزا بتملي الاستمارة عادي والسفارة مش بتطلب منك حاجة غير الاستمارة وصورة ودعوة الفيزا اللي بتبعتلك أونلاين ومفيش بقي اقامة ولا تذاكر طيران ولا اجراءات تعسفية من اللي بتحصل ف السفارات دلوقتي هما بيبقوا عارفين إن حضرتك مش هتحجز فندق شهر ولا شهر والكلام ده ولكن الفيزا بتاخد من 3 ايام لشهرعلي ما تتطلع عشان السفارة تتأكد من رقم التسجيل الاوليمبي بتاعك هتقولي مثلا عرفتي منين إن السفارة مش بتعمل كده مع كله هقولك إن الناس اللي بتسافر مع AIESEC مثلا بلد زي البرازيل بيطلب منهم إثبات اقامة وطيران وكشف حساب بنكي للي هيصرف عليك فزي ما قولتلك السفارات عارفة بروتوكولات البطولات أكتر منك وكده كده أنت ف الاول والاخر السفارة بتعتبرك سايح وهتصرف حبة فلوس حلوة هناك فأنت مكسب للسفارات فالاحاث الرياضية غير كده الوقت ده للبلاد دي بيبقي موسم البيع والشراء والمكسب بيكون عالمي ده غير الزيادات ف الاسعار اللي سبق وذكرتها ف الطيران والاقامة
طيب هتسألني أنت دلوقتي لو بطولة ف اوروبا أو امريكا او استراليا زي اولمبيات 2024 تبقي يا ف باريس ف مدينة من 3 مدن أمريكية هقولك هتمشي غالبا بنفس الاجراءات ووجهة نظري إن اللي هيطلعك ال Travel Record بتاعك وده سؤال أنت بتتسأله اساسا ف الاستمارة بتاعت تقديم التطوع تطوعت قبل كده ف حدث زي ده ولا لأ
طيب مجرد ما تاخد الفيزا من حقك تروح البلد ايوه طبعا من حقك مش بيديك وقت معين أو يوم معين تتدخل فيه بس الاحسن إنك تروح قبل الحدث ب4 أو 5 ايام عشان تبدأ تدرس البلد والمواصلات وتخلص ورق ال Name Tag بتاعك وكمان هدومك اللي هتستلمها وكارت المواصلات عشان حضرتك خلال الانتقال ف فترة البطولة بتاخد تنقلات ببلاش ف كافة المواصلات الحكومية وخلي ف بالك إن اليوم ف ال Accreditation ده بسنة وممكن يعدي اليوم متخلصش حاجة ولا تستلم هدومك وتصرف مواصلات من جيبك عشان العدد بيبقي كبير جدا جدا أكبر من طابور العيش وطوابير المواصلات
طيب لما تجي تشتغل بقي بيعرفوا إن اشتغلت ازاي ال Name Tag بتاعك يحتوي علي تلات حاجات مهمين ايه هما ال Bar Code زي اللي بيتحط علي السلع ف كارفور ومعاهم QR reader شبه اللي بيبقي علي ف ايد الكاشير بيتقرا مرتين مرة وأنت داخل مكان الملعب ومرة عشان تسجل إنك جيت طيب بتسجل إنك جيت ليه عشان ال HR Letter والشهادة اللي بتاخدهم وكمان الهدايا وكوبونات الاكل اللي بتاخدهم خلال يوم العمل بتاعك الهدايا بتبقي عبارة عن تذاكر بتحضر بيها ماتش أو حفلة الافتتاح أو حفلة الختام و Pins وكمان شنط وساعات يعني الأوليمبيات Swatch السويسرية قررت توزع علي ال 70 متطوع ساعات المينا بتاعتها محفور عليها الخمس دواير شعار الاوليمبيات ده غير الفنانين والساسة والرياضيين السابقين اللي بتشوفهم وكمان ال Name Tag بتاعك بيدخلك أماكن محددة مينفعش تدخل غير يعني أنا ال Name Tag بتاعي كان بيدخلني كل حتة ما عدا ال Main Press Center وال Olympic Village لكن كنت بدخل ال Lounge بتاع اللعيبة وأي ملعب وأقف ف أي مكان وكنت بدخل اتفرج علي الماتشات من كراسي المصورين ال واخدين تصريح ب Field Photography
طيب لما تروح أول يوم شغل بتتعرف علي المدير بتاعك وزمايلك ويفضل إنك تتصاحب علي كذا مدير مش مديرك بس عشان الموضوع ده بيظبطك ف كذا حاجة إفرض مثلا حصلك مشكلة بره ف البلد مثلا مديرك بيساعدك ف كل حاجة يعني واحد صاحبي اتسرق هناك ف البرازيل وكان بيدفع الايجار باليوم فالمدير بتاعه أخده قعده معاه ف البيت وأهم حاجة متعملش مشاكل عشان المشاكل ممكن يتسحب منك ال Name Tag والقرار ده بيترتب عليه إنهم ياخدوك يودوك سفارتك وسفارتك ترحلك عشان البطولات دي مفيهاش هزار
في حاجة مهمة لو حضرتك تصادف إنك اتحطت ف موقف له علاقة بالسياسة متفتحتش بوقك بكلمة وأعمل نفسك من بنها لو الكلام عاجباك أو لأ عشان هناك ف المحافل دي هتلقي معظم الصحافيين إسرائيلين أو بيأيدوا اسرائيل بعنف والاسرائيلين بيبقوا جايين الاحداث دي فلو شفت بقي اسرائيلي شاغل معاك وأو زائر لافف نفسه بالعلم زي البطانية إعمل نفسك اعمي ومتحطش نفسك فموقع شبهة لمجرد إنك مصري او عربي لأن البروتوكول بيقول مفيش كلام ف السياسة كله واحد وإننا بننشر الهدوء والسلام من خلال الرياضة
غير كده هما بيحبوا المصريين أوي والله وبيتكلموا عن بلدنا كويس وفي ناس راحت وناس عايزة تروح فإشكر ف بلدك قدام الناس حتي لو أنت مش طايقها عشان معظم الناس اللي قابلتهم هناك من جنسيات مختلفة جم مصر يتفسحوا وعجبتهم فأنت كلامك عن بلدك محسوب عليك وفارق جدا
لو هتتفسح بقي يفضل إنك تتفسح قبل الحدث أو بعده مش خلاله عشان المزارات بتبقي زحمة وغالية جدا غير اوقات السنة العادية خلال ايام العمل بتاعتك مش هينفع تتفسح غير الصبح أو بالليل علي حسب وقت ال Shiftوطبعا بالليل ده وقت الحدث بيبقي في ناس كتير ف الشوارع زي النهار فهتقدر تخرج عادي وطبعا يفضل مع ناس زمايلك أو ناس اتعرفت عليهم عشان متبقاش لوحدك سواء أنت ولد أو بنت ممكن لو جدول شغلك فيه يومين أو تلات اجازة بين ايام شغلك تروح مدن تانية تتفسح وفي ناس كتير اعرفهم كانوا بيعملوا كده
كده يعتبر أنا غطيت كل حاجة بالنسبة لكافة النقط بشكل عام مش مفصل لو حد في جزء مش فاهمه رجاءا تكتبلي Comment وأنا هحاول أوضحها بقدر الامكان ويارب تكونوا استفدتوا من كلامي، وإدعولي تاني اسافر بقي إن شاء الله ☺