M
Mohamed Ghaleb
:: مسافر ::
اعتقد إن أي حد لو ناوي يسافر سياحة.. مش لازم يسأل أي سؤال من الخمسة دول..
السؤال الأول: ماتسألش حد اطلع فيزا إزاي؟
1- عشان أنت تقدر تعرف كل حاجة من موقع أي سفارة.. وتحدد المعاد وتعرف الورق المطلوب.. وغالبا التعامل بيكون مع مركز تابع السفارة وبيراجعوا معاك كل ورقك وبينبهوك لو فيه ورق ناقص.. وعلى سبيل المثال ده مركز TlSC اللي بيتعامل مع كل من فرنسا – الدنمارك وسويسرا.. وده لينك فرنسا /Centre TLScontact - Egypt
3- عشان ماتخليش حد يصعب عليك الأمور زيادة عن اللزوم ولا يسهلها من خلال تجربة بتختلف من شخص للتاني.. كل الحكاية ان أي سفارة بتطلب شوية ورق.. عشان تضمن بيهم انك راجع مش هتهرب.. ومعاك فلوس لمدة إقامتك في الفترة اللي اختارتها.
السؤال التاني: ماتسألش حد تسافر فين وماتسافرش فين..
عشان بكل بساطة إحنا مختلفين عن بعض.. واللي انت بتحبه غير مايحبوش، وكل واحد فينا بيفضل حاجة غير التاني.. فيه ناس بتفضل بحر، ناس بتحب الخضرة.. الجبال.. ناس بتحب التسوق.. وناس تحب تعمل معايشة مع أهل البلد.. وناس تحب زيارة المتاحف والآثار.. وناس تحب تعمل كل حاجة.. أنت مين فيهم؟ .. ومفيش حاجة اسمها البلد دي حلوة ودي وحشة، المقاييس بتختلف من واحد للتاني.. ومفيش اتنين بيتفقوا على حاجة واحدة.
السؤال التالت: ماتسألش عن تكلفة الطيران والإقامة..
لأن ممكن وانت قاعد دلوقت تعرف كل حاجة انت عايزها
ادخل على www.expedia.com واعرف سعر أي رحلة طيران وخطط لسفريتك براحتك من غير ما حد يفتيلك
ادخل على /TripAdvisor: Read Reviews, Compare Prices & Book شوف الإقامة.. المناطق المهمة في كل بلد المطاعم .. مع تقييم للأشخاص اللي راحوها.. وممكن تشوف منه طيران..
وتقدر تدخل /Booking.com: The largest selection of hotels, homes, and vacation rentals ومن خلاله تحجز وتتفرج على الشقق.. الفنادق والهوستيل مع تقييمات الناس لكل حاجة.. وفيه غيرهم من المواقع..
السؤال الرابع: ماتسألش هي السفرية دي ممكن تكلفني كام؟
لأن المصاريف بتختلف من شخص للتاني.. فيه اللي بياكل كتير.. واللي مابياكلش.. وفيه اللي بيحب يشتري حاجات وفيه اللي مابيشتريش.. وفيه اللي بيركب تاكسي وفيه اللي بيركب مترو وفيه اللي بيمشي.. ممكن تستفسر عن متوسط سعر المطاعم والمواصلات.. والأماكن وتقييمها مع نفسك .وده موقع من خلاله تقدر تعرف تشوف تكلفة المعيشة في أي مدينة في العالم.. متوسط أسعار الأكل.. حركة المرور.. نسبة الجرائم.. التلوث.. الخطورة والأمان.. وده من خلال تقييمات الناس اللي عايشة أو اللي زاروا الأماكن.. موقع فوق الممتاز لأي حد مسافر: /Cost of Living
وأخيرا السؤال اللي مش مفهوم واللي بيتسأل دايما: اسافر لوحدي ولا مع صحابي؟
أكيد ده سؤال مايتسألش.. شوف بتستريح لإيه أكتر واعمله.. تسافر مع نفسك ولا مع صحابك.. تلبس خفيف في عز التلج ولا تقيل في الصيف.. تاكل ضفادع ولا ماتكلش.. دي حاجات الحقيقة مش لازم تسأل عنها خالص.
- لو عايز تسأل على حاجة يبقى عن التجربة الشخصية من خلال معايشته للمكان وحكاياته اللي عاشها والصور اللي صورها والمواقف الحلوة والوحشة والطريفة والصعبة.. وبرضه القرار قرارك... الصورة ديه فى قلعة براغ
السؤال الأول: ماتسألش حد اطلع فيزا إزاي؟
1- عشان أنت تقدر تعرف كل حاجة من موقع أي سفارة.. وتحدد المعاد وتعرف الورق المطلوب.. وغالبا التعامل بيكون مع مركز تابع السفارة وبيراجعوا معاك كل ورقك وبينبهوك لو فيه ورق ناقص.. وعلى سبيل المثال ده مركز TlSC اللي بيتعامل مع كل من فرنسا – الدنمارك وسويسرا.. وده لينك فرنسا /Centre TLScontact - Egypt
3- عشان ماتخليش حد يصعب عليك الأمور زيادة عن اللزوم ولا يسهلها من خلال تجربة بتختلف من شخص للتاني.. كل الحكاية ان أي سفارة بتطلب شوية ورق.. عشان تضمن بيهم انك راجع مش هتهرب.. ومعاك فلوس لمدة إقامتك في الفترة اللي اختارتها.
السؤال التاني: ماتسألش حد تسافر فين وماتسافرش فين..
عشان بكل بساطة إحنا مختلفين عن بعض.. واللي انت بتحبه غير مايحبوش، وكل واحد فينا بيفضل حاجة غير التاني.. فيه ناس بتفضل بحر، ناس بتحب الخضرة.. الجبال.. ناس بتحب التسوق.. وناس تحب تعمل معايشة مع أهل البلد.. وناس تحب زيارة المتاحف والآثار.. وناس تحب تعمل كل حاجة.. أنت مين فيهم؟ .. ومفيش حاجة اسمها البلد دي حلوة ودي وحشة، المقاييس بتختلف من واحد للتاني.. ومفيش اتنين بيتفقوا على حاجة واحدة.
السؤال التالت: ماتسألش عن تكلفة الطيران والإقامة..
لأن ممكن وانت قاعد دلوقت تعرف كل حاجة انت عايزها
ادخل على www.expedia.com واعرف سعر أي رحلة طيران وخطط لسفريتك براحتك من غير ما حد يفتيلك
ادخل على /TripAdvisor: Read Reviews, Compare Prices & Book شوف الإقامة.. المناطق المهمة في كل بلد المطاعم .. مع تقييم للأشخاص اللي راحوها.. وممكن تشوف منه طيران..
وتقدر تدخل /Booking.com: The largest selection of hotels, homes, and vacation rentals ومن خلاله تحجز وتتفرج على الشقق.. الفنادق والهوستيل مع تقييمات الناس لكل حاجة.. وفيه غيرهم من المواقع..
السؤال الرابع: ماتسألش هي السفرية دي ممكن تكلفني كام؟
لأن المصاريف بتختلف من شخص للتاني.. فيه اللي بياكل كتير.. واللي مابياكلش.. وفيه اللي بيحب يشتري حاجات وفيه اللي مابيشتريش.. وفيه اللي بيركب تاكسي وفيه اللي بيركب مترو وفيه اللي بيمشي.. ممكن تستفسر عن متوسط سعر المطاعم والمواصلات.. والأماكن وتقييمها مع نفسك .وده موقع من خلاله تقدر تعرف تشوف تكلفة المعيشة في أي مدينة في العالم.. متوسط أسعار الأكل.. حركة المرور.. نسبة الجرائم.. التلوث.. الخطورة والأمان.. وده من خلال تقييمات الناس اللي عايشة أو اللي زاروا الأماكن.. موقع فوق الممتاز لأي حد مسافر: /Cost of Living
وأخيرا السؤال اللي مش مفهوم واللي بيتسأل دايما: اسافر لوحدي ولا مع صحابي؟
أكيد ده سؤال مايتسألش.. شوف بتستريح لإيه أكتر واعمله.. تسافر مع نفسك ولا مع صحابك.. تلبس خفيف في عز التلج ولا تقيل في الصيف.. تاكل ضفادع ولا ماتكلش.. دي حاجات الحقيقة مش لازم تسأل عنها خالص.
- لو عايز تسأل على حاجة يبقى عن التجربة الشخصية من خلال معايشته للمكان وحكاياته اللي عاشها والصور اللي صورها والمواقف الحلوة والوحشة والطريفة والصعبة.. وبرضه القرار قرارك... الصورة ديه فى قلعة براغ
