نقول مساء الخير . عندي شوية استفسارات كده...

  • بادئ الموضوع بادئ الموضوع عاطف منصور
  • تاريخ البدء تاريخ البدء
عرض العطلة
ع

عاطف منصور

:: مسافر ::
#1
نقول مساء الخير . عندي شوية استفسارات كده اتمنى اصحاب الخبرات اللي هنا يقدرو يفيدوني
١- انا ناوي الهوني مون ان شاء الله يبقي ايطاليا - باريس - برشلونه وحجزت. الطيران من شهر ١٢ اللي فات القاهرة - روما. والعودة برشلونه. القاهرة . وان شاء الله هقدم للشينجن من سفارة فرنسا ف السعودية ومراتي هتقدم من القاهرة . السؤال بقي . اقدم بالحجوزات اللي انا عاملها بس مفيهاش فرنسا اصلا . ولا اعمل حجوزات وهمية وتبقي الاوراق كلها علي فرنسا بس ؟؟ ولو انا اتقبلت من السعودية هل فرصة مراتي انها تاخدها من مصر احسن ولا ايه ؟ مع العلم اننا اول مره نقدم علي شينجن
 
#2
عشان تقدر تقدم فى سفارة فرنسا لازم تكون هى ال main destination يعنى لازم تكون البلد اللى هتقضى فيها اطول فترة
او لو هتقضى عدد ايام متساوى فى كل دولة يبقى لازم تكون فرنسا هى دولة الدخول الاول
الحجوزات اللى معاك لازم تقدم حجوزات فنادق لكل دولة هتروحها و كمان الانتقالات الداخلية ....
بعد ما بتقدم و تاخد تاشيرتك بتبعت صورة من باسبورك و تاشيرتك و بترفقهم بورقها لما بتقدم على التأشيرة من مصر ..
 
#3
كلام مظبوط جدا لازم تذاكر الطيران تكون مباشرة لفرنسا وحجز الفندق يكون فى فرنسا اطول مده فى السفريه وعلى فكره باريس ميتشبعش منها يعنى ممكن تقضى اجازتك كلها هناك او يكون الذهاب والعوده من فرنسا وتقدر بالقطر او بالباص تروح لاى دوله وترجع لفرنسا تاتى نصيحه بلاش مطار شارل ديجول
 
#5
انت حجزت قبل التاشيرة .. للاسف خطوة مش صح قوى

على العموم لو فترة إقامتك فى فرنسا أطول من اى من الدول الاخرى، قدم فى سفارة فرنسا

غير كده قدم فى الدولة اللى إقامتك فيها أطول
اذا تساوت المدد قدم فى الدولة التى ستدخلها اولا
 
عرض العطلة
#6
حجزت بدري عشان تبقي رخيصة وفعلا التذاكر سعرها حلو جدا قبل التعويم . بس كده بقي مفيش غير اني اعمل حجوزات تانيه للتقديم . كلها لفرنسا طيران وفنادق
 
#7
يبقى معاك حجز قطار مثلا من ايطاليا الى باريس فى ميعاد يخلى إقامتك فى باريس أطول على الورق

وتخلى حجز فنادق ايطاليا على الورق متفق مع الفقرة السابقة

كل ده غير (عكس) اللى هتقدمه فى سفارة فرنسا اذا اصريت على ذلك!!
 
عرض العطلة
عرض العطلة
عرض العطلة
أعلى أسفل
عودة
قائمة