يا جدعان انا كنت عايز اعمل حساب فالبنك عشان...

[Mohamed Mahmoud]

يا جدعان انا كنت عايز اعمل حساب فالبنك عشان السفر وكنت عايز افهم اعمل حساب جاري ولا حساب توفير ايه الافضل؟
وحساب التوفير بينفع اعمل كشف حساب ليه؟
وانا هعمل الحساب في البنك الاهلي تمام كده ولا اشوف بنك غيره؟
واي بلد تكون اسهل في استخراج فيزا سياحة بالنسبة لطالب 22 سنه (ايطاليا، تركيا) ؟
وبالنسبة للسفارة الي هروحها التعامل فالسفاره بلغة البلد الي هسافرها يعني مثلا لو هسافر ايطاليا لما هروح اعمل اجراءات الفيزا في السفارة هيكلموني هناك ايطالي ولا ايه؟
وشكرا مقدما.

 

[Romany Tarek]

F

 

[Maha Lashin]

f

 

[Khalil Al Bukhari]

لازم يكون مضى ع الكشف ٣ اشهر واكثر أو ستة أشهر وفيه حركات ،حسب البلد يلي رايح عليها

 

[Mohamed Samra]

F

 

[Nasr Fathy]

كشف الحساب ما بيفرقش جارى او توفير
فى بعض السفارات بتطلب ٦ شهور و سفارات ٣ شهور
بس لازم يكون مكتوب فى بطاقتك و ظيفة عشان تفتح حساب
او انك هتجيب HR letter من مكان شغلك ده لو انت بتشتغل بس مش مكتوب
طبعا مفيش اصلا دلوقتى سفارات بتتكلم معاك او بتروح تقدم فيها باستثناء تركيا
ايطاليا شركة VFS
تركيا السفارة و بيتكلموا عربى عشان فى مصريين شغالين هناك
بس ممكن تقدم كشف حساب والدك او والدتك عادى

 

[Ahmed Hatem]

انت محدش بيعملك حساب
احنا عملنالك بنك

 

[Mohamed Gamal]

م

 

[Kamel M. Saif Al-Nasr]

لو بتفاضل بين انواع الحسابات هيكون التوفير افضل من الجاري نظرا للمصاريف و الشروط و حاول لو هتعمل كده تفتحه بسرعة و تبدأ تعمل عليه معاملات سحب و ايداع من نفسك لنفسك عشان تبني تاريخ بنكي البنك بما انك طالب مش هيحتاج منك خطاب من جهة العمل بس هيبقى في حد ادنى لفتح حساب التوفير على حسب البنوك

 

[Kamel M. Saif Al-Nasr]

و بالطبع تركيا اسهل من ايطاليا خصوصا لو مسافر وحدك مش ضمن شلة اصحاب او جروب عائلي

 

[Kamel M. Saif Al-Nasr]

شركة VFS اللي موجوده ف الجيزة قصاد مبنى قضايا الدولة كلهم بيتكلموا عربي لانهم مصريين

 

[Tarek Mohye El-deen Ahmed]

بالنسبة للحساب مش هيفرق توفير ولا جاري المهم انه يكون فيه عمليات سحب وايداع وحركة وياريت متكونش مبالغ كبيرة مش هتفرق برضه انهى بنك المهم الكشف يطلع بالانجليزي او يترجم بس لازم يكون مر على فتح الحسب من ٣ الى ٦ شهور وده بيختلف من بلد الى بلد اى بلد مش هيفرق معاها انت طالب ولا بتشتغل اللى هيفرق انت جاى ليه ومعاك تصرف ولا لا وهترجع تانى على بلدك ولا هتبلط عندهم موضوع السفارة ده مش مشكلة عشان هما عارفين ان كل بلد هما بيعملوا فيها سفارة بيجيبوا ناس من نفس البلد تتعامل مع الجمهور وفى سفارات بتريح روحها وبتتعقد مع مركز هو اللى بيتعامل مع الجمهور فى تخليص اجراءت الفيزا وكلهم بيبقى مصريين زاى Vfs & Tls

 

[Tarek Mohye El-deen Ahmed]

حاجة تانى بما انك طالب انت مش محتاج تفتح حساب بنكى ممكن حساب والدك او والدتك لو عندهم حساب فى بنك بس بشرط هيكتب اقرار انه مسؤل عن مصاريفك طوال فترة السفر ودى هتبقى واقعية اكتر من انك تقدم بكشف حساب بنكى وانت طالب