قلنا حاجه غريبه واخدها معاك في شنطتك وانت...

[Shady Ezz]

قلنا حاجه غريبه واخدها معاك في شنطتك وانت مسافر او غيرك
ابدأ انا واحد صعيدي جاي السعوديه اول مره مكسر قصب معاه في الشنطه الظابط عل جهاز كان بيلطم هههههههه
انا قزازه زيت زيتون و كرز من اسبانيا وانا راجع القاهره القزازه اخدوها مني في مطار برشلونه والكرز عدا الحمد لله هههههه

 

[Sameh Mohamed]

الزيت علشان سائل في الهاند باج اكيد
لو في بطن الطيارة مش حياخدوه

 

[Hend Salem]

٢ كيلو مانجو ... كان ناس المان طالبينهم

 

[Mohamed M Shawki]

في ناس والله العظيم بتسافر وبتاخد بيض بلدي معاها.

 

[Wessam Salman]

جبنة رومي و عيش بلدي

 

[Omar Abdalla]

ملوخيه وافتكروها بانجو في مطار جوهانسبرج

 

[Sahar Ezzat]

ملوخية وبليلة كمان

 

[Adam Yusef]

اكياس مهلبيۃ بودرۃ في اكياس شفافۃ افتكروها هيروين في مطار بالي

 

[Wesam Albassuny]

مطار الدمام والي كان داخل الجمرك قبلي كنت اتعرفت عليه وعمالين نهزر ... قفشوا معاه خمس حتت حشيش معتبرين جوه برطمان عسل ..وطبعا افتكروني معاه ..واقنعتهم ان معرفوش اساسا وخلعت برقابتي منهم

 

[Doc Maha Maher]

انا عايشه في السعوديه و باخد معايا كل ما لذه و طاب من بط و حمام و فراخ بلدي و سمن بلدي و ملوخيه نشفه و حتي اللحمه باخدها

 

[Yasmine Mohsen]

اعرف ناس واقسم بالله كانت واخدين التموين

 

[Hebaa Allh Monji]

قريبي كان مسافر السعوديه وواحد بعت معاه 2 كيلو سلك مواعين

 

[دكتور محمد رضا]

انا برده جبت قصب سكر مكسر من نيبال

وانا نازل جدة

وكان روعة

 

[Naeil القاضي]

كرتونة مانجا عويس للندن بعون الله و جوز حمام مالحقتش اكلهم قبل السفر

 

[Ahmed Genena]

رنجة

 

[Alshimaa M. Aloraby]

واحدة صاحبتي كانت حاطة تفاح و احنا راجعين من ألمانيا.. كان واقع من الشجرة.. قالت تجيب تدوق العيال هنا

 

[محمد أمين]

انا خدت اناناس معايا من الهند للدمام .. و عادي محدش قال حاجة

 

[Eman Fawzy]

واحده ست كبيرة تقريبا مسافرة زيارة لاولادها السعودية واقفة قدامي عالكونتر كانت اخده معاها اكياس لبن حليب جاموسي حطاه جوه حله المونيوم كبيرة و الظاهر الوزن طلع زياده قررت التخلي عنهم

 

[Ramy Shehab]

5 كيلو فسيخ.لايطاليا

 

[Shaimaa Zaki]

فاكر انت طبعا يادو احنا جبنا معانا ايه من ايطاليا Dina Attallah