السلام عليكم لو سمحتوا انا والدي و اخواتي فى...

[Osama Said Mahdy]

السلام عليكم

لو سمحتوا انا والدي و اخواتي فى إيطاليا و شغالين هناك

ممكن اعرف ايه الإجراءات الى لازم اعملها عشان اقدر اسافر عن طريق " الدراسة " ؟ يعني لو انا عاوز اكمل كليتي هناك ، اعمل ايه ؟؟ انا دخلت على موقع السفارة بس مفيش حاجة مكتوبة بخصوص الموضوع ده

شكراً مقدماً

 

[Hend Salem]

السفارة مالهاش علاقة الا بالتاشيرة
انت بتشوف الجامعات اللى عايز تدرس فيها هناك و تشوف متطلبات القبول اللغوية و الدراسية و المادية
بتملا ابليكيشن التحاق بالجامعة و تبعت المستندات المطلوبة موثقة سواء شهادة الثانوية و شهادة اجادة اللغة سواء ايطالية او انجليزية حسب متطلبات الجامعة و اى اوراق تانية مطلوبة و لما الجامعة بتقبلك بتطلب سداد جزء من المصاريف و بتبعت لك خطاب قبول
بتاخد خطاب القبول و تجهز باقى المستندات المطلوبة و تحدد موعد عن طريق vfs global للتقديم على فيزا دراسة
بتروح تقدم ورقك حسب الموعد و تقدم مستنداتك و تعمل بصمة و تنتظر التأشيرة
/Italy Visa Information - Egypt - Arabic - Long Term Visa - دراسه

 

[Mariam Mariam]

لو والدك معاه الجنسية الايطالية شوف محامي ايطالي وخليه يعملك ضم لدفتر العائلة الايطالي، لما تنضم للدفتر تقدر تاخذ فيزا زيارة دخول متعدد وبعدها تقدر تعمل اقامة حتى لو مش مقيم في ايطاليا ، زوجي عمل هالطريقة مع أهله في اسبانيا وأخذ الاقامة وبعد سنة خدت الاقامة انا والاولاد مع اننا عايشين برا اسبانيا..المحامي أخذ 4000 يورو عن كل شخص فينا.