# اتسرقت في كوالا.. ارجو النشر من الأدمن. طلعت...

[Mohamed Omar]

# اتسرقت في كوالا..
ارجو النشر من الأدمن.
طلعت انا ومراتي وابني كوالالمبور،اتفقت مع شخص اسمه أسامة البابلي طبعا كلكم عرفينه. اتفق معايا على 2200 رينجت وبعد معاناة نزلهم 2000. المهم اول يوم خدني على المكتب وخد فلوسه كلها(ياريت محدش يغلط الغلطة ديه) وقالي حساب فندق اسمه كوالا 99 لمده 6 ليالي 880 وانا خارج من الفندق واخد الفاتورة ب 725 رينجت. تاني حاجة الرحلة كانت 10 ايام مشفتش وشه غير 4 ايام في كوالا. ورجعلي 300 رينجت بتاعت 3 ايام في بينانج. وبعد ما قضيت 3 ايام في بينانج رجعتله ملقتوش مستني وقالي انه خد شغل تاني طبعا. الباشا سرقني في 3 رحلات:بوكيت تينجي كانت ب 250 اداني منهم 200 ويوم العودة من بينانج ب 50 وطبعا ما ادانيش منهم حاجة والكبيرة بقى يوم المطار بعتلي واتس الساعة 2 ونص يقولي مش جي وكان حساب يوم المطار مع رحلة داخل كوالا 190 وطبعا ما ادانيش حاجة منهم. وعملتله محضر اون لاين وطلبوا منى البيانات بس مش هبعتها لانى مش عايز اضره وفلوسى عند ربنا غير التاخير فى الرحلات والمواعيد زى الزفت وصور الورق والفواتير فى الكومنتس لو سمحتم خلو بالو من الناس ديه. شكرا يا معتز

 

[Fatoma Amora Hessiun]

سبحان الله

 

[Ahmed M. El Shireef]

مين اسامة البابلي؟

 

[Mohamed Omar]

واحد عرفته من الجروب ده

 

[Mohamed Mahfouz]

Rabab Mahfouz

 

[محمد رأفت]

Mohamed Omar حضرتك بتقول مش عابز تضره بس بان حضرتك معملتلوش محضر هيضر غيرك وهتبق انت سبب غير مباشر في ضرر الشخص دا

 

[Warda Ahmed]

يا تاخذ حقك بالقانون او تنسى الموضوع
بس مش عايز اضره و تقوم تنزل بوست كامل عنه على قولتكم دونت مكس

 

[Mohamed Omar]

انا عملت محضر اون لاين على موقع الشرطة الماليزية.. وانا بكتبلكم هنا عشان تخلو بالكم

 

[Omar Elsafary]

حضرتك كده في تناقض لو مش عايز حقك مكنتش نزلت البوست !

 

[Fatma Al-zhraa]

اكيد هو مش غلطان انه بيحذرنا يعنى

 

[Mohamed Omar]

ياجماعة حقي مش حيجي بالبوست .. انا رافع البوست عشانكو انتو. عشان محدش يلبس زي ما انا لبست... فهمني

 

[Hebaa Allh Monji]

انتو بتغلطو صاحب البوست ليه مش فاهمه
ماهو بيقول عمل محضر
ويحذر أن حد يتعامل مع الشخص ده تاني

 

[Raghda Dawood]

Mohammad Sabry

 

[AHmad ABdo]

يعني ايه مش عايز تضره

ايه التفكير العجيب دا

 

[Mohamed Omar]

عملت محضر ياجماعه هو مش شغال قانونى هو تاشيره سياحه

 

[Yasmin Semary]

بغض النظر عن اي مشاكل بيني وبين اسامه لكن هو مش نصاب واللي بتعمله ده مش هيجيبلك حقك بالعكس ده شغل مش حلو ولا يليق انه يطلع من راجل ابدا دي حاجات بتاعتنا احنا اللي بنعملها كستات وتاني حاجه انا اللي استلمت الفلوس بايدي واتعملتلك جولاتك كلها علي داير مليم ومراتك كلمتني وشرحتلها كل حاجه انت ماسيبتش جوله غير لما فاصلت فيها بمنتهي الاصرار

 

[Sarah Mamdouh]

هو انتوا ليه بتطلعوا تبع مكاتب و الحاجات دي بجد ؟ الدنيا اتسهلت والله و النت في حجز كل حاجه و البلد تقدر تسال فيها عن اي حاجه برده ربنا يعوض عليك و السفريه الجايه باذن الله ياريت تنظمها بنفسك

 

[Shimaa Samir Ahmed]

منين عايز الناس متتخدعش و منين مش راضي تدي الشرطة بيانات؟

 

[Yasmin Semary]

حتي جولات بيننانج اللي ما عملتهاش اخدت تمنها وجوله تينجي اللي انت لغيتها باردو اخدت تمنا وفهمت مراتك ان الاوتيل مش بيطلع الفاتوره بالسرفيس والضريبه حتي عموله الشركه خصمهالك يا اساتاذ انت جولاتك تمنها الاصلي ١٩٥٠ رينجت وانت لغيت واخدت الباقي ومتكلمناش معاك ف حاجه فين النصب اللي بتتكلم عنه

 

[Mohamed Omar]

يا ياسمين الباشا واخد حق كل الجوالات زائد مشوار المطار وهو معملش رحلات بوكيبت تنجي(250 رينجت) ورحلة داخل كوالا زائد مشوار المطار الي نفضلنا فيه ومجاش يوصلنا مع انه واخد فلوسه(190 رينجت) ويوم عوده من جزيرة ببنانج مجاش وقالي جاله شغل تاني(50 رينجت)