E
Emy Ahmad
:: مسافر ::
الناس اللي بتسافر كتير أو عايزة تسافر والميزانية محدودة
في أبليكيشنز بتساعدك على تسهيل حياتك واختيار إقامة بأسعار قليلة أو مجانية:
- Couchsurfing
دا تطبيق ع المحمول خاص بتبادل الثقافات بالأساس. فكرته: بدل ما أروح أقعد في فندق وأبات لوحدي ليه ما أباتش عند حد من أهل البلد عنده مكان ليا؟ وببلاش طبعا.
المكان دا بيختلف من سرير أو مرتبة على الأرض لحد أوضة كاملة حسب كل شخص. حتقول لي تعرف دا إزاي؟
كل شخص بيبقى له بروفايل زي الفيسبوك كدا. بتحط معلومات معينة عنك وصور إن أمكن ودي اللي بتحدد مصداقيتك في التعامل.
في حاجة تانية حلوة، لو أنت خايف من خطوة زي كدا وقررت إنك حتقعد في فندق. ممكن برضو تعمل بروفايل وتكتب إنك مش محتاج سكن وإنما محتاج تقضي وقت
Not in need for accommodation but looking for hanging out
يعني ممكن تقابل حد في مكان أنت تختاره بس من غير ما تبات معاه لو دا يريحك اكتر.
وحتتفاجئ من كم الناس اللي نفسها تتعرف على ناس جديدة. أو مستعد يستضيف حد عشان يتعلم لغة أو يقدم خير لغريب مسافر.
- أنا عملت لقاء جمع أكثر من 15 شخص في القاهرة وكان هدفي تجمع ناس بتحب السفر مع بعض وتبادل خبراتها في السفر. وحضر اللقاء اتنين أجانب كانوا في مصر سياحة وشافوا التطبيق بالصدفة وقتها وطبعا القعدة كلها انجليزي لحد ما مشيوا -
.
ميزة التكنولوجيا إنك ممكن تستخدمها وتطوعها للحاجة اللي أنت عايزها بالضبط
.
التطبيق التاني Hostelworld
دا سكن هوستلز عادي بأسعار أرخص من الفنادق طبعا. مش محتاج شرح.
أنا جربته في الهند مرة ودفعت عن طريق التطبيق وفعلا كله كان تمام. وبعد كدا بقيت أختار منه المكان وأعرف العنوان بس وأدفع كاش. بس لو احتجت حجز أكيد حختار التطبيق دا تاني.
.
في أبليكيشنز بتساعدك على تسهيل حياتك واختيار إقامة بأسعار قليلة أو مجانية:
- Couchsurfing
دا تطبيق ع المحمول خاص بتبادل الثقافات بالأساس. فكرته: بدل ما أروح أقعد في فندق وأبات لوحدي ليه ما أباتش عند حد من أهل البلد عنده مكان ليا؟ وببلاش طبعا.
المكان دا بيختلف من سرير أو مرتبة على الأرض لحد أوضة كاملة حسب كل شخص. حتقول لي تعرف دا إزاي؟
كل شخص بيبقى له بروفايل زي الفيسبوك كدا. بتحط معلومات معينة عنك وصور إن أمكن ودي اللي بتحدد مصداقيتك في التعامل.
في حاجة تانية حلوة، لو أنت خايف من خطوة زي كدا وقررت إنك حتقعد في فندق. ممكن برضو تعمل بروفايل وتكتب إنك مش محتاج سكن وإنما محتاج تقضي وقت
Not in need for accommodation but looking for hanging out
يعني ممكن تقابل حد في مكان أنت تختاره بس من غير ما تبات معاه لو دا يريحك اكتر.
وحتتفاجئ من كم الناس اللي نفسها تتعرف على ناس جديدة. أو مستعد يستضيف حد عشان يتعلم لغة أو يقدم خير لغريب مسافر.
- أنا عملت لقاء جمع أكثر من 15 شخص في القاهرة وكان هدفي تجمع ناس بتحب السفر مع بعض وتبادل خبراتها في السفر. وحضر اللقاء اتنين أجانب كانوا في مصر سياحة وشافوا التطبيق بالصدفة وقتها وطبعا القعدة كلها انجليزي لحد ما مشيوا -
.
ميزة التكنولوجيا إنك ممكن تستخدمها وتطوعها للحاجة اللي أنت عايزها بالضبط
.
التطبيق التاني Hostelworld
دا سكن هوستلز عادي بأسعار أرخص من الفنادق طبعا. مش محتاج شرح.
أنا جربته في الهند مرة ودفعت عن طريق التطبيق وفعلا كله كان تمام. وبعد كدا بقيت أختار منه المكان وأعرف العنوان بس وأدفع كاش. بس لو احتجت حجز أكيد حختار التطبيق دا تاني.
.
