M
Mohamed Nabil Hammad
:: مسافر ::
صباح الخيرات عليكم
ورمضان عظيم وكريم عليكم
ودعما لبوست مستر بهاء
أنا شايف هنا ماشاء الله كل الموجودين في الجروب بيحكوا عن تجاربهم بعظمه وحب فعلا مش موجود بين ناس كتير
محدش بيتعلم ببلاش وفعلا بنحتاج ودايما بندور علي حد يعلمنا ويساعدنا
هنا أغلب الناس بتتكلم عن تجاربهم في السفر برة مصر -الحمد الله الوقت الحالي بلف العالم-بس المرة دي هتكلم عن تجربتي في لف كل شبر ومكان مهم جوة مصر يارب أقدر اساعد بحاجة
وطبعا تحت أمر اي حد في أي سؤال عن ازاي يقدر يعمل كده كمان
17 مارس 2017
التاريخ ده أصبح علامة مهمة جدا فى تاريخي، لأنه ده التاريخ اللي سجلت فيه أني زورت كل مكان مهم علي خريطة مصر.
دلوقتي وبكل فخر وثقة أقدر أقول "شاور على أي مكان في خريطة مصر هقولك أني زورته وليا صوره فيه كمان"
الحكاية بدأت تقريبا فى 2007 وقت ما كنت متطوع فى جمعية بتساعد الأجانب يتعلموا عربي مقابل إنهم يتطوعوا ويدرسوا لغتهم للمصريين، المهم كان في مجموعة منهم في القاهرة وبنت من المجموعة سألتني إيه الأماكن اللي ممكن أزورها في مصر، قولتلها يااه ده احنا عندنا فى مصر أماكن كتير، الأهرامات وأبو الهول والأقصر وأسو...
وقبل ما أكمل كلمتي وقفتني، وقالتلي مصر مش الهرم والنيل؛ أنا عايزة أكتشف مصر الحقيقية، عايزة أشوف كنوز مصر، وللأسف معرفتش أرد عليها لأني مكنتش أعرف بلدي كويس، معرفش فعلا إيه هي كنوز مصر، وفي نفس اليوم قررت إني أغير وجهة حلمي من العالم لمصر، وبدأت فعلا أكتشف كنوز مصر وأكتشف قد إيه فعلا بلدنا حلوة جدا. الحمد لله دلوقتي زرت ال27 محافظة بتوع مصر وكمان كل مكان مهم علي الخريطة؛ كل 3 شهور فى مكان جديد نكتشفه سواء شمال ومدن القنال واسكندريةومرسي مطروح، ولحد لما نوصل للسلوم، أو ننزل الجنوبوناخد خط الصعيد بني سويف المنيا اسيوط سوهاج قنا لحد ما نوصل للنوبة وحدود السودان، ده غير سيناء اللي حقيقي جنة ربنا على الأرض، بس حقيقي أكتر مكان قريب لقلبي هو دهب اللي عشت فيها جزء من حياتي، ومكان زرته أكثر من 50مرة في 8 سنين، أما الصحراء الغربية فعلاً كنز من كنوزها ممكن تتخيل معايا رحلة لمدة أيام مشي بالجمال وفكرة التخييم تحت بحر النجوم وكل يوم تخييم فى مكان، تخيل معايا لما تقفل عينيك وتختم يومك بمنظر النجوم مزينة السماء مش سقف غرفة نومك اللي زهقت من شكله.
حقيقي السفر غير جوايا حاجات كتير أوي علمني ثقة واعتماد على النفس رهيبة، جربت حاجات أول مرة فى حياتي أعملها زي إني أنام في محطة قطار، زي إني أبيت في بيت عمدة في قرية من قرى الصعيد، ده غير أجدع حارس مدرسة اللي عزمني في الشتاء على كوباية شاي، ونومة جنب النار في بني سويف، قصص لو اتحكتلي مكنتش هصدقها. بحاول أعتبر نفسي واحد من الرحالة في مصر، اتعلمت ازاي أسافر بأقل ميزانية ممكنة، اتعلمت وأخدت خبرة لو عشت سنين مش هعرف أكتسبها.
جدي عليه رحمة الله، علمني حاجة بفتكرها على طول إننا هنعيش حياة واحدة حاول تملاها بالتجارب، ولو مش هتعيش التجربة اسمعها من حد، علشان كدة تقريبا عندي من كل محافظة فى مصر حكاية. أهل مصر فعلا كنز من كنوزها، حاجة كده بطعم الحياة.
فعلا لازم ناخد قرار نكتشف بلدنا وكنوزها من دلوقتي وتكتشف تأثير السفر عليك، السفر هيغر حاجات كتير جواك وادعولي ألف العالم كله."
التحدي ليا السنين اللي فاتت أني أقدر أزور كل مكان مهم علي خريطة مصر وتم(√)
التحدي الجديد ليا أني أعمل عمل خيري بجوار كل عجائب الدنيا السابعة واللي قدرت أوصل فيه ل3 من 7 عجائب ويامسهل.
لازم أقول شكرا لأبويا وأمي علي كل تشجيع ادهولي.
شكرا لأصحابي اللي ساندوني واللي شالوني فوق راسهم في كل حته في مصر.
شكرا للراجل الياباني اللي قابلته فوق جبل موسي بيدي تمارين يوجا للناس ببلاش علشان ده حلم مراته اللي ماتت قبل ما تحققه.
وكمان شكرا لصديق السفر الدائم Mahmoud Ragaie@
وأخيرا "شكرا يامصر"
ورمضان عظيم وكريم عليكم
ودعما لبوست مستر بهاء
أنا شايف هنا ماشاء الله كل الموجودين في الجروب بيحكوا عن تجاربهم بعظمه وحب فعلا مش موجود بين ناس كتير
محدش بيتعلم ببلاش وفعلا بنحتاج ودايما بندور علي حد يعلمنا ويساعدنا
هنا أغلب الناس بتتكلم عن تجاربهم في السفر برة مصر -الحمد الله الوقت الحالي بلف العالم-بس المرة دي هتكلم عن تجربتي في لف كل شبر ومكان مهم جوة مصر يارب أقدر اساعد بحاجة
وطبعا تحت أمر اي حد في أي سؤال عن ازاي يقدر يعمل كده كمان
17 مارس 2017
التاريخ ده أصبح علامة مهمة جدا فى تاريخي، لأنه ده التاريخ اللي سجلت فيه أني زورت كل مكان مهم علي خريطة مصر.
دلوقتي وبكل فخر وثقة أقدر أقول "شاور على أي مكان في خريطة مصر هقولك أني زورته وليا صوره فيه كمان"
الحكاية بدأت تقريبا فى 2007 وقت ما كنت متطوع فى جمعية بتساعد الأجانب يتعلموا عربي مقابل إنهم يتطوعوا ويدرسوا لغتهم للمصريين، المهم كان في مجموعة منهم في القاهرة وبنت من المجموعة سألتني إيه الأماكن اللي ممكن أزورها في مصر، قولتلها يااه ده احنا عندنا فى مصر أماكن كتير، الأهرامات وأبو الهول والأقصر وأسو...
وقبل ما أكمل كلمتي وقفتني، وقالتلي مصر مش الهرم والنيل؛ أنا عايزة أكتشف مصر الحقيقية، عايزة أشوف كنوز مصر، وللأسف معرفتش أرد عليها لأني مكنتش أعرف بلدي كويس، معرفش فعلا إيه هي كنوز مصر، وفي نفس اليوم قررت إني أغير وجهة حلمي من العالم لمصر، وبدأت فعلا أكتشف كنوز مصر وأكتشف قد إيه فعلا بلدنا حلوة جدا. الحمد لله دلوقتي زرت ال27 محافظة بتوع مصر وكمان كل مكان مهم علي الخريطة؛ كل 3 شهور فى مكان جديد نكتشفه سواء شمال ومدن القنال واسكندريةومرسي مطروح، ولحد لما نوصل للسلوم، أو ننزل الجنوبوناخد خط الصعيد بني سويف المنيا اسيوط سوهاج قنا لحد ما نوصل للنوبة وحدود السودان، ده غير سيناء اللي حقيقي جنة ربنا على الأرض، بس حقيقي أكتر مكان قريب لقلبي هو دهب اللي عشت فيها جزء من حياتي، ومكان زرته أكثر من 50مرة في 8 سنين، أما الصحراء الغربية فعلاً كنز من كنوزها ممكن تتخيل معايا رحلة لمدة أيام مشي بالجمال وفكرة التخييم تحت بحر النجوم وكل يوم تخييم فى مكان، تخيل معايا لما تقفل عينيك وتختم يومك بمنظر النجوم مزينة السماء مش سقف غرفة نومك اللي زهقت من شكله.
حقيقي السفر غير جوايا حاجات كتير أوي علمني ثقة واعتماد على النفس رهيبة، جربت حاجات أول مرة فى حياتي أعملها زي إني أنام في محطة قطار، زي إني أبيت في بيت عمدة في قرية من قرى الصعيد، ده غير أجدع حارس مدرسة اللي عزمني في الشتاء على كوباية شاي، ونومة جنب النار في بني سويف، قصص لو اتحكتلي مكنتش هصدقها. بحاول أعتبر نفسي واحد من الرحالة في مصر، اتعلمت ازاي أسافر بأقل ميزانية ممكنة، اتعلمت وأخدت خبرة لو عشت سنين مش هعرف أكتسبها.
جدي عليه رحمة الله، علمني حاجة بفتكرها على طول إننا هنعيش حياة واحدة حاول تملاها بالتجارب، ولو مش هتعيش التجربة اسمعها من حد، علشان كدة تقريبا عندي من كل محافظة فى مصر حكاية. أهل مصر فعلا كنز من كنوزها، حاجة كده بطعم الحياة.
فعلا لازم ناخد قرار نكتشف بلدنا وكنوزها من دلوقتي وتكتشف تأثير السفر عليك، السفر هيغر حاجات كتير جواك وادعولي ألف العالم كله."
التحدي ليا السنين اللي فاتت أني أقدر أزور كل مكان مهم علي خريطة مصر وتم(√)
التحدي الجديد ليا أني أعمل عمل خيري بجوار كل عجائب الدنيا السابعة واللي قدرت أوصل فيه ل3 من 7 عجائب ويامسهل.
لازم أقول شكرا لأبويا وأمي علي كل تشجيع ادهولي.
شكرا لأصحابي اللي ساندوني واللي شالوني فوق راسهم في كل حته في مصر.
شكرا للراجل الياباني اللي قابلته فوق جبل موسي بيدي تمارين يوجا للناس ببلاش علشان ده حلم مراته اللي ماتت قبل ما تحققه.
وكمان شكرا لصديق السفر الدائم Mahmoud Ragaie@
وأخيرا "شكرا يامصر"