رساله للادمن ... ليه الجروب Public ؟؟؟

[Ahmed Moheb]

رساله للادمن ... ليه الجروب Public ؟؟؟

 

[Moutaz Mohamed]

عشان الناس تعرف تعمل شير و منشن براحتها و الجروب ساعه اما بدا كان خاص و الناس طلبت يكون عام

 

[Hamada Wares]

فعلا ياريت يتلغى ويبقى closed

 

[Omar Ibrahim]

لا ليه يعنى

 

[Ahmed Abdel Basset]

الفكرة ان هدف الصفحة ينتشر وهو السفر وفوايدة ليه نبخل على الناس ؟!!!!

 

[Mohamed Abdelmagid]

الجروب غرضه المنفعة العامة وتبادل خبرات واراء .. ليه يبقي closed ؟؟؟

 

[Ashraf Gawdat]

احنا مش مجموعة اصحاب عارفين بعض من الأول وعاملين جروب نتكلم فيه مع بعض .. احنا بنتكلم في كلام عام والجروب غرضه تجميع الناس المهتمة بموضوع معين وتنظيم كلامهم فيه .. فانا بصراحة مش شايف أي سبب يخليه closed .. احنا مش بنقول أسرار

 

[Maged Fouda]

بصراحة مش مستريح لموضوع بابليك ده

 

[Engy Mossad]

نهارر اسود هو بابلك
لييية

 

[Engy Mossad]

ما عيب يا استاذ Omar Ibrahim كل واحد وحر فى رأيو و يعبر براحتو عن الل هو عايزوا
لية الشتيمة وقلة الادب مرضى نفسين ومش مرضى
كل واحد حر
انا مش بحب فضول الناس مثلا ومحبش يعرفوا انا بروح فين ولا بسافر فين ولا جاية من فين
فيها اية يعنى كل واحد حر يعنى وبنتناقش فى رأينا والادمن يبص Moutaz Mohamed هو يبث فى الموضوع من غير غلط

 

[Omar Ibrahim]

حتى لو مش ببلك

 

[Engy Mossad]

شكرا لانك ادرك خطأك وتسرعك فى الغلط فى الناس ومسحت الكومنتات بس وجب الاعتذار برضوا

 

[يوسف بيك وهبي]

أنا أُفضل انه يكون closed , اتاري واحد معايا في الشغل عارف كل حاجه بعملها هنا ويقولي انا مراقبك ، صح يا عادل

 

[Mohamed Abd El Halim]

ليه عايزه يبقي جروب مغلق ؟

 

[Hamada Wares]

الموضوع باختصار أن مش كل الناس بتقدر تسافر ومش مطلوب أن الناس كلها بتحب الناس تعرف ان فلان سافر او راح أو جه عشان كدا الناس معترضه على أنه public

 

[Moha Emara]

خلوه عام افضل حبو الخير للناس وال عاوزين يستخبو يلمو بعض ويستخبو انا وغيري كتيييييير استفدنا من الجروب ليه كل حاجه عامه في حياتنا عاوزين نشفرها وحجب للمعلومه بحسه انانيه في الشخص ...عزرا للااطاله

 

[Adham Mohamed]

هو دة نظام الجروب وال عندة فريندز خايف يظهرلهم البوستات بتاعته يعملهم بلوك او يدخل بالاكونت التانى بتاعه والسلام عليكم ورحمه الله وبركاته

 

[Mona Moussa]

هو ممكن يفضل بابلك وتخلوا ادمن منكم يستلم رسايل ساعة مثلا في اليوم للناس اللي مش حابة تسأل هنا ويكون في شروط للرسايل اعتقد ان دا هيبقى كويس

 

[Ahmed Moheb]

السبب اني مش حابب ان كل تحركاتي تكون معلومه للناس علي الملاء كده و خاصه ان في ناس مش عارفه تطلع اسكندريه .... الناس فعلا بقت وحشه ..... و اعتقد ان في ناس كتيره عندها نفس المشكله

 

[Sarah Saad]

يا ريت يبقي closed فعلاً لان اوقات بكون عايزة اسأل او اكومنت على حاجة وبلاقي الناس اللي عندي شافوها. فمبسألش