ناس كتير بتسمع إن جنوب أفريقيا خطر أوي و كلها...

  • بادئ الموضوع بادئ الموضوع Omar Abdalla
  • تاريخ البدء تاريخ البدء
عرض العطلة
O

Omar Abdalla

:: مسافر ::
#1
ناس كتير بتسمع إن جنوب أفريقيا خطر أوي و كلها حرامية و مجرمين وشحاتين و إنها دولة أفريقية فقيرة.... الكلام ده كله هجايس و أي عك لأن جنوب أفريقيا دلوقتي بقت أقوي و أكبر بلد سياحي في أفريقيا ... و ده ببساطة عشان الأسباب دي:

١- السياح في جنوب أفريقيا بيتعاملوا معاملة قمة في الإحترام و الأدب و المحبة من أول ما يختم باسبوره في الوصول لغاية ما يختمه في الخروج و هو و يتمني يسيب بلده و يعيش في حنوب أفريقيا.

٢- السياح و الشعب واخدين حرية كبيرة و مفيش حاجة إسمها شرطة و عساكر وأمن و تفتيش و تضييق حريات في كل مكان بحجة الأمن و الأمان ... و كل الأماكن مراقبة بكاميرات و أجهزة حراسة حديثة.

٣- الشعب الجنوب أفريقي إتعلم من الماضي و بقي متحد و كله بيعامل بعضه بإحترام شديد و حب بإختلاف دينه و لونه و عشان كدة تلاقي السياح فرحانين جداً إنهم في دولة في سلام حقيقي مش مزيف.

٤- مسئولين السياحة في جنوب أفريقيا مبيفكروش غير برة الصندوق و بيستفادوا دلوقتي من كل شبر في البلد عشان يعملوه مزار سياحي و و مشروعهم القومي للسياحة إسمه "إبتسم ... إنت في جنوب أفريقيا .... جنة الله علي الأرض" و بيعلموا كل الناس اللي شغالة في السياحة و اللي ليها علاقة بالسياحة إزاي يعاملوا السائح و يحترموه و يخلوه مبسوط

٥- الحكومة عملت بنية تحتية عالمية من شوارع و طرق سفر و مواصلات و خدمات و مطارات و مستشفيات و فنادق و كل حاجة علي أعلي مستوي من الدقة و الإتقان عشان تتعمل مرة واحدة و تعيش ... لدرجة إن لما موسم الأمطار الغزيزة بييجي و المطر الشديد بيفضل ينزل أيام كتيرة بدون توقف لا يمكن تلاقي شوارع المدن (زي جوهانسبرج أو ديربن أو كيب تاون أو بريتوريا أو غيرها ) غرقانة و ده عشان هما عاملين الشوارع صح و عاملين شبكة صرف مياة الأمطار و راصفينها بذمة و ضمير.

جنوب أفريقيا إسمها دلوقتي "أوروبا أفريقيا" و قريب جداً حتبقي من أقوي ٢٠ دولة سياحية في العالم و أجمل حاجة إن المصريين بياخدوا فيزا "مجانية" ليها و في رحلة مباشرة ل #مصرـللطيران القاهرة - جوهانسبرج ✈️❤️️

ملحوظة: الصورة ل #حجاجوفيتش مع الرئيس الجنوب أفريقي زوما في جنوب أفريقيا

Ahmed Haggagovic - أحمد حجاجوفيتش

أدمن
Qj30CQpPOKpXwNa9RJ-MFItWLk4tWB-h.jpeg
 
#4
جنوب افريقيا بلد جميلة جدا! بس مش أمان و فيها سرقة بالهبل، احنا في اوتيل و اتبهدلنا سرقة ، ده غير اللي نزلوا بعد ١٠ في ناس اتعرضولهم.
هي البلد جميلة جدا و نفسي اروحها تاني ، بس لازم الواحد ياخد احتياطاته اكتر من اي بلد
 
#5
انا عايش فيها من 15 سنه وعمري ما اتعرضت إلا لحادث سرقه واحد وكانت غلطتي لاني دخلت منطقه خطره .وبعدين ما هو التثبيت وسرقة العربيات في مصر بقي عيني عينك وليل ونهار .
 
عرض العطلة
#6
انا معاك في كل اللي بتقوله
بس برده لسه هناك عصابات الجنيفرا و الكاسكاب شغالين علي السرقة و بالذات في جوهانسبرج و في اﻷماكن البعيدة شوية عن السنتر
اﻷفضل ان لما حد يطلع يروح مع شركة سياحة محترمة عارفه البلد هناك كويس
 
#8
احنا اتبهدلنا في الاوتيل و كان اوتيل كبير و franchise ، اتسرق فلوس و باسبورات و الroom service دخلوا أوض علي ناس بليل، ده مبيحصلش في مصر، وانا بسافر كتير جوة مصر ، انا مش بقول ان الناس متسافرهاش ، بالعكس cape town جميله لدرجة ان الواحد كان حاسس انه في كوكب تاني ، بس للأمانه الناس تاخد بالها بزيادة، و الواحد يكون طالع في جروب مش لوحده، علي الاقل مصر الشارع سهران طول الليل. و ده ملوش علاقة بمصر أمان ولا مش أمان، كل بلد و ليها طبيعتها و فيها مميزات و عيوب.
 
#10
چنوب افريقيا وخاصه كيب تاون من اجمل بلاد العالم التى زرتها الامان ١٠٠٪ النظافه والاحترام على اعلى مستوى
 
عرض العطلة
#13
اغلى شى فى جنوب افريقيا هو البنزين لذلك لنحاح الرحله يجب تاجير سياره وتقودها بنغسك علما بان عجله القياده على اليمين
 
عرض العطلة
#18
معروف طبعا ان جنوب افريقيا هى أفضل دولة فى افريقيا من حيث الاقتصاد والبنية التحتية اللى بتتفوق فيهم على بعض الدول الأوروبية وده من زمان وليس مؤخرا فقط ولكن معروف ايضا ان هناك فى مشاكل فى النواحى الأمنية وفى أماكن مينفعش الواحد يمشى فيها بالليل وبيحصل فيها حوادث سرقة بالاكراه وخطف وقتل ودى حقائق مؤكدة ومعلومات على لسان أهل البلد نفسهم
 
عرض العطلة
عرض العطلة
أعلى أسفل
عودة
قائمة