احكولنا المواقف اللي حصلت معاكم مع ظباط...

  • بادئ الموضوع بادئ الموضوع Muhammad Abdel Rahman
  • تاريخ البدء تاريخ البدء
عرض العطلة
#61
اول مره اروح اوروبا كنت نازل في التشيك وكنت متوتر جدا لان كان معايا فيزا شنجن اسبانيا وانا داخل من التشيك المهم لما وصلت قعدت الف شويه في المطار وبعدين وصلت الجوازات مكنش في حد غيري خالص وكان في ٣ ضباط قاعدين لا بيهشوا ولا بينشوا ومفيش حد خالص غيري قلت بس ده هيستلموني بقا
دخلت علي راجل عجوز كده بص في الجواز وفي الصورة ولاقيته بيبرطم بالتشيكي وانا مش فاهم ولا كلمة وبقولوا انجلش بليز لاقيته فتح الجواز وبيشاور علي صورتي وفهمت فيما معناه بيقولي مين اللي في الصورة ده لان الجواز كان قديم وانا شكلي متغير خالص فقلت له old picture برضو قعد يبرطم شويه وانا مش فاهم
بعدين قام مشاور بايده كده بيقول انت هتوجعلي دماغي وقام فاتح الجواز وختملي واداني الباسبور وبعدها علي طول ساب الشباك بتاعه ومشي شكله كان بيخلص الشفت بتاعه وانا جيتله في الاخر وقال مش عاوز وجع دماغ انا عايز اروح البيت
ومرة تانيه واحد صاحبي اول مره ينزل ماليزيا ضابط الجوازات خد الجواز وقعد شويه ويعدين بصله بصه غريبه وقاله انت كنت هنا من سنتين ومكتوب عندي انك اجرت عربيه وسرقتها طبعا صاحبنا اتخض وقاله ازاي دنا اول مره اجي ماليزيا قاله فيما معناه متمثلش عليا عليا انا هكلم الامن يجوا يقبضوا عليك وصاحبنا اتوتر وبدأ يعرق قام الضابط ضاحك وقاله I am just kidding واداله الباسبور وقاله welcome to malaysia
 
#62
كنت راجع من فرنسا علي المصرية للطيران وكان ليا ٤٦ كيلو وزن مقسمهم علي شنطتين واحدة حاجة وتلاتين والتانية حوالي ١٢ كيلو بعد ماوقفت في طابور الوزن حوالي نص ساعة وصلت اوزن الشنط واحدة رخمة قالتلي لا لازم الاتنين يبقوا في حدود ٢٣ كيلو قلتلها ما هما الاتنين علي بعض مكملوش اربعين كيلوا وانا ليا ٤٦ قالتلي لا قلتلها طيب اطلع اظبط الوزن واجي تاني من غير ما اقف طابور قالتلي لا تقف الطابور من الاول المهم خدت شنطي بقيت اخد من الشنطة الكبيرة احط في الصغيرة وكان في موظف في المصرية للطيران قلتله علي الموقف اللي حصل معايا قاللي بردو تقف الطابور من الاول اتطريت اقف من الاول لحد ما وصلت لظابط بيقف يشوف الباسبور قبل الوزن قاللي ايه اللي جابك تاني حكيتله عللي حصل راح قاللي لا ادخل علي طول وشاورلهم انهم يدخلوني اوزن علي طول والكلاب مكانش عاجبهم وانا ماشي قلت لموظف مصر للطيران اهو احنا كدا ناكل بعض في الغربة
 
#63
روسيا وقفنى نص ساعة انا واحد الاصدقاء . واكتشفنا اننا الاتنين كان اتأشيرة اللى قبل روسيا كانت السعودية احنا الاتنين . وباقي الزملاء موقفوش دقيقة .
 
#64
اللي ملاحظه ان الاسئله تكون مع اول شنجن تاخده لما تروح تاني بيبص عل الشنجن القديم بيشوف انك دخلت ماكسرتش الفيزا بيطمن وبيختم عل الجديده وخلاص بدون اسئله . ونصيحه اعمل نسخه وقت مكان في شنطه ظهرك حجوزات دعوه لو معاك معاك فيزا كارت
 
#65
اديت البسبور لظابطة المطار وكانت من اصول افريقية وهي قعدت تشوف حاجة علي الشاشة وانا بصيت في الارض وسرحت بتاع دقيقه وفاكرها مخلصتش وهي خلصت من بدري وقاعدة تتفرج عليا وانا مستنيها وتضحك :D
 
عرض العطلة
#66
كنت مسافره كوريا مع واحده كانت عايشه بكوريا سبع سنين وقالوا التاشيره من المطار في مطار القاهره الموظفه مرضيتش تعملي شيك ان وقالت تروح الاول تخلي الظابط يمضي لها رحنا للظابط مكنش بمكتبه ونلف عليه يا عمو الظابط طلع كان بالتواليت المهم نرجع للمهم الظابط فضل يسال ريحه ليه ومعاكي فلوس كام وشاف الفلوس وكمان شاف الفلوس اللي مع البنت اللي ريحه معاها وبعدها كلم حد بالفون وحكاله القصه قاله خليها تسافر وهي حره بقي هيرجعوها مالمطار هناك وسافرت ومرجعونيش
 
#67
كنت فى ترانزيت فى دبى .. و طبعا ممنوع اى سوائل تدخل بيها فى شنطتك اللى معاك فى الطيارة .. و كان معايا معجون سنان ٢٠٠ ملى. و عديت عادى من مصر و معايا المعجون .. جت فى دبى الظابطة ورأسها الف سيف تاخد المعجون تقولى اكتر من ١٠٠ ملى ما ينفع ماينفع
يا ستى يهديكى يرضيكى منا عديت فى مصر عادى
وهى نازل عليها ما ينفع ما ينفع
قولتلها خلاص هاتى باسكت و أفضى منه و حايبقى اقل من ١٠٠
تنحت و سكتت لفترة و بصالى وهى متنحة و راحت واخداه بردوا
 
#70
الموقف مش مع ظباط الجوازات للأسف .. ده مع امن مصر للطيران... كنت راجعة من الدوحة لاسكندرية ترانزيت القاهرة ... و احنا داخلين على الطيارة من مطار حمد الدولى لقينا امن مصر للطيران بيفتش اللى داخلين على الطيارة تانى بعد ما عدينا من تفتيش المطار الاساسى و كان معانا الهاند باجز بس و فيه ناس كان معاها اكياس فيها هدايا خفيفة.... و قعدوا يقولوا اللى معاه برفانات او اى سوائل مش هتطلع على الطيارة... و الموقف الفعلى حصل لراكب معانا كان شكله لميع فى نفسه كده و معاه شنطة شيك فيها برفانات جايبها هدية...انا كمان كان معايا برفانات فى الهاند باج بس محدش فتشنى.. ربنا كبير... انما صعب عليا الشخص ده بجد لان البرفانات كان شكلها بألاف الريالات و هو كان خايف عليها تبوظ فى الشنط الكبيرة و جايبها بعشم على اساس يوصل بيها سليمة ..شكله ماوصلش بيها اصلا.
 
عرض العطلة
#73
كنت رايح اعمل عمره انا و عمي ف ظابط الجوازات بص ع باسبوري لقي المهنه طالب بكليه الطب عداني من غير تفتيش جه عمي يدخل ورايا قاله رايح فين وفتشه عشان كان لابس جلابيه.....واحنا راجعين ف مطار جده ست كبيره ف السن مصريه طلبت من اساعدها ف حمل بعض شنطها ساعدتها لحد ما عدت من الجوازات ف الظابط السعودي بيسالني بابتسامه كده هي تقربلك قولتله لا بس مصريه قالي رجال بتعطيش ال ج تعجبني
 
#74
وأنا مسافرة اندونيسيا ... اخدت معايا شوية أنواع جبنة ومنهم جبنة رومي ... ولما عديت على التفتيش .. صمم على فتح الشنطة وقالي ايه دي ?? قلتله جبنة مصرية .. قالي انتي متأكدة فاضطريت افتحها يشمها وعزمت عليه يدوقها
 
عرض العطلة
#76
ههههههههههه انا كل مرة بسافر فيها ابقي داخله علي ضباط الجوازات احس اني داخلة امتحان والواحد ركبه تخبط في بعض يا تري هيعديني والا هيرحلني :D
 
عرض العطلة
عرض العطلة
أعلى أسفل
عودة
قائمة