السبب اللى خلانى اشترك فى الجروب انى كنت بشوف...

[Jojo O'Connell]

السبب اللى خلانى اشترك فى الجروب انى كنت بشوف posts عند أصحابى كلها مواضيع شيقة و مفيدة عن ناس سافرت و بينقلولنا تجاربهم عشان واحنا مسافرين نستفيد منها أو حتى لو مش مسافرين نفس البلد يبقى استفدنا معلومة عن البلد دى... للأسف الجروب ابتدى يفقد محتواه و معناه من فترة مش كبيرة قوى بس كمان مش قليلة.. انا طبعا مش بقلل من أهمية أسئلة الناس والاستفسارات بالعكس كل واحد سؤاله يحترم لكن هو الجروب ده مش مكانه الأسئلة اللى من نوع انا فى بلطيم و مخنوق اعمل ايه؟ انا فى هسيندا و فيه قنديل لسعنى احط ليمون وللا خل انا عايزة أسافر بس بابا مش موافق اقتله ازاى؟ عايز أسافر بس مافيش معايا فلوس أسرق مين؟؟ انا عايز اهاجر أو أسافر واهرب فين الاقى عصابات المافيا اللى ممكن يشغلونى؟؟ وهكذا لحد آخر المنيو اللى مش بيخلص... فأنا اسفة يعنى بقترح على القائمين عالجروب نعمل جروب تانى يخص استفسارات الناس اللى بتسأل أسئلة من النوع ده ونسميه Google 2... اسفة طولت عليكوا واسفة مقدما لأى حد ممكن يزعل من كلامى.

 

[Yousef Saleh]

انا شايف ان يبقي فيه بوست مثبت يرد علي كل الاستفسارت والاسئلة الشائعة اللي ناس بتسألها عشان الاسئلة متتكرش

 

[Ahmed Mohamed]

اتفق وبشدة

 

[Bahaa Aldeen Farouk]

الصراحه عندك حق , و فعلا لما بنحاول نقلل الأسئله الناس بتزعل و تقول انتوا مش بتنزلوا أسئلتنها على الجروب ,
المشكله ان يوميا بيوصل كم استفسارات على الجروب تزيد عن 500 سؤال , ما بين حاجات مهمه و حاجات شخصيه و حاجات من وجهة نظري ممكن تكون اجابتها سهله أوي بالبحث في جوجل أو في الجروب نفسه, لكن المشكله ساعات الناس بتكسل شويه أنها تدور على جوجل و تقول ادخل أكتب اي سؤال يجي في بالي على الجروب ,
للعلم من ال 500 سؤال اللي كل يوم بيوصلوا للجروب بيتم الموافقه بالكتير على 30 او 40 سؤال , و الباقي اما بيتم الاجابه على الخاص أو بنزل السؤال و نجاوب و نقفل الكومنتات بعدها علشان ميظهر لحد تاني غير صاحب البوست , المشكله أن فعلا مع كبر الجروب بنحاول على اد ما نقدر أننا نحافظ على مستوى الجروب انه يكون مفيد للكل و كل بوست يكون فيه افاده على الأقل ل 20% من اللي في الجروب , و باذن الله بنطور حاجه قريبا أعتقد انها حتساعد في حل الموضوع ده

 

[Ahmed Elgeoushy]

والله معاك حق انا زهقت من الاسئله لدرجة اني اتعقدت من السفر

 

[Khaled Badry]

Bahaa Aldeen Farouk انا متوقع ان مع الوقت تقارير السفر هتقل بشكل كبير عشان السفر بيزداد صعوبة سواء من الحالة الاقتصادية من ناحية او من التقيدات الامنية والقنصلية من ناحية تانية وبالتالي مش هيفضلنا غير بس اسأل استشير .

 

[Mohamad Barakat]

هو المشكلة اني الناس بتكسل تعمل search في الجروب قبل ما تسال عِشان كدا في تكرار

 

[Mohamed Sharaby]

كل بوست بردو جايبين بلطيم ف النص ههه يا جماعة مالها بلطيم ها حد نزلها قبل كده لو لاء ياريت متجبهاش ف النص لو نزلتها ممكن تحكي تجربتك فيها

 

[Doha Wafi]

الناس مش بتكسل تعمل سيرش على قد ما هيا بتثق اكتر في كلام الناس هنا عشان مبني على خبره وقابل للمناقشه

 

[Mohamed Alkharashy]

صح جدا جدا

 

[Essam Elshenawy]

حلو اوى الملاحظات دى بس ممكن الادمنس المسئولين عن الجروب ده يمسحو الاسئله من النوع ده لكن هو جروب حلو جداااا كلنا بنستفاد منه

 

[Hazem Osman]

دي ثقافات شعوب من الصعب شوية انها تتغير

 

[Islam Fares]

هو فعلا في أسئلة تحرق الدم
وصاحبها اسهل عليه مية مرة انه يكتب سؤاله على جوجل

 

[Rania Ali]

افتكر السؤال:
عاوزة اولد ف بلد والنونو ياخد الجنسية

 

[Ibrahim Nagy]

أنا شايف إن فيه كتير اسئلة عن visa و الطريقة هي هي مبتتغيرش و المشاكل هي هي ياريت بئة قسم خاص visa و قسم للتجارب