اسئلة ضرورى : انا اخدت ميعاد فى مكتب tls...

[Дбф Наээаи]

اسئلة ضرورى : انا اخدت ميعاد فى مكتب tls للتقديم على تاشيره فرنسا سياحه مده قصيره
السؤال الاول : انا كتبت انى مقيم بالاسكندريه وجابولى المعاد فى مكتب القاهره حد يعرف ليه وممكن اعدله ازاى ولا مكتب اسكندريه قفل؟
السؤال التانى: مكتوب مطلوب خطاب دعوة من مضيف هل ده لازم ولا مش لازم خصوصا اننى مسافر بمفردى وعلى حسابى الشخصى ولا اعرف احد بفرنسا؟
السؤال الثالث: مش طالبين حجز فندق وتذاكر طيران ذهاب وعوده هل كده الطبيعى بتاع فرنسا؟
السؤال الرابع: مطلوب كشف حساب اخر ثلاث شهور ..هل ممكن اقدم اخر 10 شهور عادى ولا لأ؟
السؤال الاخير: ياريت اى حد له تجربه سابقه فى الحصول على شينجن فرنسا يفيدنى بأى ملحوظه او معلومه؟
رجاء رجاء لو سمحتم ومن فضلكم ياريت اللى يعلق يبقى له تجربه سابقه فى شينجن فرنسا منعا للخبطه لان وقتى ضيق للتحضير ومش عايز حد يلخبطنى.
شكرا

 

[Ramy Rezk]

f

 

[شيماء الغزالي]

بص ياسيدي
التعديل في الميعاد بيكون عن طريق النت لازم تعلمهم بتغيير المعاد قبلها ب48ساعه ع الاقل
والمقابله بتكون في فرع القاهرة لان ده تقريبا مكتبهم الوحيد
ثانيا خطاب الدعوة ده لو مش عندك اصدقاء في باريس في شركات سياحه ممكن توفرهولك وبتاخد فلوس مقابل الخدمه دي
ثالثا هوه بس بيسالك علي المعاد التقريبي لسفرك وبس وده عادي
اه لازم كشف حساب اخر 3شهور
واعمل حسابك انه يكون فيه مبلغ محترم وبلاش حكاية 10شهور دي
وخد بالك الفرنساويين بيعشقوا الورق والالتزام
فحاول تلتزم بالورق المطلوب وبلاش تغير او تزود في الاوراق والا هيرفضوا الفيزا ويريحوا دماغهم

 

[Acc-Amany Talaat]

المبلغ المحترم حوالى كام من فضلك

 

[Ahmed Youssef]

مدام رايح سياحة مش لازم خطاب الدعوة ده - بتكتفي بحجز الفندق - وخط سير الرحلة - وممكن تقدم كشف حساب 4 شهور بلاش 10 شهور

 

[Hany Bahgat]

بالنسبة لكشف الحساب هما طالبين علي الاقل 3 شهور بس مفيش اي مشكلة انك تقدم 6 شهور او حتي 10 شهور لو فيه حركة حساب اعلي ومبالغ داخلة وخارجة...بالنسبة لخطاب الدعوة مش لازم خالص انت طالع سياحة مش طالع زيارة...حجز الطيران والفندق والبرنامج السياحي مهمين جدا ولازم تعملهم حتي لو مش مطلوبين لانهم بيدعموا موقفك وكمان عشان يعرف يديلك الفيزا من امته لأمته اما بالنسبة لتعديل الميعاد معنديش فكرة