شباب ان شاء الله برتب انا وجوزي لرحله لاوروبا...

  • بادئ الموضوع بادئ الموضوع Amany EL-kholy
  • تاريخ البدء تاريخ البدء
عرض العطلة
A

Amany EL-kholy

:: مسافر ::
#1
شباب ان شاء الله برتب انا وجوزي لرحله لاوروبا لمدة اسبوعين ٫ احنا البدجت بتاعتنا في حدود ٢٠٠٠ يورو من غير الطيران والفيزا. تنصحونا نروح فين مع العلم ان احنا نفسنا نروح امسترادام وباريس وزيوخ.
معانا حوالي ٢٠ يوم ومش شرط نقعدهم كلهم هناك لو البدجت دي مش هتكفي ٫ شكراً ليكم
 
#3
بدجت الفلوس ده قليل جدا بالنسبه انك تلفي و تسافري ..
2000 يورو لازم تقسميهم هيكفو اكل و شرب و اقامه و مواصلات . مع العلم ان تكلفه السفر من مدينه لمدينه بالقطار مكلفه و ممكن توصل 80 يورو مثلا للشخص ..
بدجت الفلوس الي معاكي هيكفيكي مثلا 5 ليالي في مدينه واحده لو متوسط المبيت في فندق 100 دولار لليله الواحده ..
غير كده في اي مدينة هتروحيها لو هتدخلي اي اماكن سياحيه محتاجه برضه تدفعي ..
اعملي مخططك انك تزوري مدينه واحده ..
سويسرا اغلاهم طبعا ..
المبلغ ده ممكن يكفيكي 5 ليالي في باريس مع المواصلات و الاكل و تذكره برج ايفل و تذكره المتحف :-)
 
#4
ماتروحوش زيوريخ.
باريس ماشي أمستردام ماشي.
روما
براج بودابست فيينا سالزبورج
كل دي بلاد حلوة
زيوريخ عالية جدا ومملة ومش هاتشوفوا فيها حاجة مش موجودة في حتة تانية
لما تخلصوا أوروبا روحوا زيوريخ
 
#5
ممكن تلاقوا أوتيلات معقولة ب٥٠ ٦٠ يورو
(معقولة)
٢٠ يوم أدي الف يورو على الاقل
وبعد كدة ٢٥ يوم كل واحد اكل وشرب ومصاريف قليل قوي خصوصا في غرب أوروبا اللي انتو عايزين تروحوه
 
عرض العطلة
#6
٤ ايّام في أمستردام
٤ باريس
٣ في بروكسيل منهم يوم تروحوا بروچ
وحلو قوي كدة
ممكن تلاقوا باكيچ على بعضه على النت اوتيل وطيران أمستردام وباريس باربعتاشر خمستاشر وساعتها الفلوس اللي فاضلة تبقى اللي هاتصرفوه هناك بس
 
#7
انا مخطط انا وزوجتى نفس الرحلة الشهر القادم وتقريبا حاطط نفس البادجيت برجاء الافادة لو لديكم خطه
 
#8
انا اقترح 4يوم باريس و3يوم امستردام و3يوم برشلونه فنادق 3نجوم والاتوبيس السياحي في كل مدينه هيوريكم كل حاجه وطيران داخلي من امستردام الي برشلونه رخيص كده 10ايام من خلال بوكينج هتلاقي فنادق كتتير رنج 60يورو الغرفه باسثناء امستردام هتبقي اعلي شويه يعني تقريبا 700يورو مبيت وتنظموا المواصلات والاكل والمعالم اللي تذاكرها غاليه شفوها من بره رنج الاتوبيس السياحي في الثلاثه مدن لن يزيد عن 150يورو للفردين
 
#10
برشلونة بعيدة وغالية والأتوبيس مرهق.
لو عايزين باريس وأمستردام خليكو في المحور ده وزودوا عليهم بلجيكا في النص لو عايزين
الاحسن إنكوا اتبسطوا في الوقت

لو عايزين المدة تبقى أطول روحوا شرق أوروبا
براج وبودابست وكارلوفي فاري
فيه كمان جزر اليونان ممكن تلاقوا اوفرز معقولة قوي علشان الموسم مضروب بس دي استجمام بس مافيش فسح
 
عرض العطلة
#13
لو باريس و أمستردام سيبك من زيوريخ .. و عندك بلجيكا و لوكسمبورج... بس أعتقد 20 يوم كتير
باريس مثلا حلو عليها 4 أيام
بصي انا و جوزي من فترة كنا بردو بنخطط لرحلة و طلعناها في اخر ابريل .. بس مش عايزة اقولك احنا كام مرة غيرنا خططنا دي لحد ما استقرينا على حاجة في الاخر
كنا بنختار البلد و نمسكها نهريها بحث و دراسة و نعرف المواصلات من البلد دي للبلد التانية كام و هكذا
وبالنسبة للمصاريف جوزي كان عامل حسابه ان احنا هنصرف 100 يورو في اليوم أكل و فسح و كانوا بيكفوا والله.. بس طبعا ده من غير شوبينج و لا حساب القطارات اللي بين البلاد علشان في حاجات فيها بتبقى غالية جدا .. في قطر ركبناه كان ب 105 للفرد الواحد
 
عرض العطلة
#20
البادجت كويسة مش قليلة.. ممكن لو لوحدكم تقضوها airbnb بيفرق في السعر عن الفنادق.. ممكن في حدود ٥٠ يورو الليلة.. لو هاتروحي بين امتر من دولة شيكي اسعار الطيران الداخلي عشان ساعات بيبقى نفس سعر القطارات او يمكن اقل و طبعا احجزي من قبلها بمدة عشان الاسعار بتفرق من معاد للتاني.. الاكل و الشرب ممكن تقضوا وجبة او ٢ حاجات خفيفة من السوبر ماركت و وجبة الغدا او العشا في المطعم عادي.. و فيه حاجات رخيصة اصلا فعادي.. ادخلي على tripadvisor و lonelyplanet و اقري عن المدن و شوفي ايه اولوياتك "مناظر و طبيعة و لا اثار و متاحف ولا شوبنج و لايف ستايل" و على الاساس ده حددي المدن..
 
عرض العطلة
عرض العطلة
عرض العطلة
أعلى أسفل
عودة
قائمة