لو اترفضت من سفارة من سفارات الشنجن أقول و لا...

[Hend Salem]

لو اترفضت من سفارة من سفارات الشنجن أقول و لا لأ؟
ناس كتير دايما بتسأل السؤال ده ...
و ناس كتير بتجاوب الاجابة التالية " لا اوعى تقول انت كده هتاخد رفض وش ... اسمع منى انا هاقول لك تعمل ايه ... انت تروح تغير الباسبور و تروح تقدم تانى و ماحدش هيعرف !!
و صاحبنا يسمع الكلام و يلبس فى الحيط
الواقع ان الكلام ده كان ممكن بينفع زمان ... لكن حاليا مع التطور التكنولوجى و تطبيق نظام VIS اللى هو اختصار ل visa information system و اللى بيربط سفارات الشنجن كلها ببعض و كمان المطارات لتسهيل عملية تبادل المعلومات اصبح من الصعب ان حد يقول معلومات غير صحيحة و تعدى
البيانات بيتم حفظها على نظام ال VIS لمدة خمس سنوات حسب قانون الشنجن
طيب ايه الحل ؟
الحل حضرتك انك تقول الصراحة ... و تشوف ايه الاسباب اللى ادت لرفضك اول مرة و تحاول تتجنبها و تعالجها
و مش معنى انك اترفضت مرة انك هتترفض تانى
فى ناس بتترفض مرة و تاخدها لانهم عالجوا سبب الرفض ....
و ناس بتاخدها و تترفض لانهم استهانوا و فكروا انهم طالما اخدوها مرة يبقى هياخدوها تانى وورقهم مش متظبط
كل المعلومات الخاصة بنظام VIS للناس اللى تحب تفهم اكتر عنه على الموقع الخاص بالاتحاد الاوروبى
/Visa Information System (VIS) - Migration and Home Affairs - European Commission
#دمتم_مسافرين
#Traveller_Experience

 

[IbraHim MoHamed]

سفاره قبرص نفس الكلام

 

[Mohamed Sayed]

معلش سوْال بما ان الفيزا السنجل دي الدخول بيبقي مرة واحده وواحد واخدها ٦ شهور سنجل مثلا هل لو عايز يروح اكتر من مرة خلال الست شهور هل بياخد تاشيرة تانيه وله ايه اللي بيحصل لان التاشيرة لازلت ساريه

 

[Nemo Mohamed]

F

 

[Mohammed Said]

F

 

[غريب في بلادي]

طب لو الرفض من فرنسا ينفع عادي جدا اقدم علي المجر

 

[Mohamed Ibrahim]

انا متأكد ان بكرا هيجى واحد يسألك لو اخدت رفض من السفارة وغيرت الباسبور هيعرفو ولا مش هيعرفو

 

[Sherif Farouk]

المشكله ان محدش بيرضى من السفاره يقول أسباب الرفض لتجنبه ممكن أكون ناقص ورقه في حاجه مش اخد بالي منه اي حاجه لكن منغير سبب و من غير اجابه

 

[Zeina El Sayed]

Eslam Gamal Mostafa

 

[Ahmed Shousha]

Hend Salem سؤال بعد اذنك انا كنت حاجز من (booking) وبعدين وانا بسلم في tls لسفارة المانيا لقيت اسمي مش مكتوب في الحجز اصلا وكتبولي ان missing accommodation

 

[Adham Mohamed]

البوست اتسرق /Zum Anzeigen anmelden oder registrieren

 

[Hend Salem]

 

[Mohamed Salah Eldin]

كلامك مظبوط مليون فى المية وشغل النطاعة والفهلوة ده معدش ينفع فى زمن تكنولوجيا المعلومات اللى احنا عايشين فيه

 

[Samer Shawky Nosseir]

كلام حلو...ان شاء الله اشارك معاكو بوست قريب لو تسمحوا ...الشنجن مش فن فن،،،،الشنجن عن عن
و ازيد علي حضرتك النصيحة الذهبية الواحد ياخد كل التأشيرات الاونلاين و يملى الباسبور تأشيرات عشان قنصل اي سفارة شنجن يدوخ و يستسلم و يعطي التأشيرة و هو مغمض

 

[Mamdouh Elsayed]

السؤال ده بسمعه من اكتر من 10 سنين، ولااسف كل اللي بيكذب بيخبط الحيط علشان نصاحته.