A
Ahmed M Omar
:: مسافر ::
كان فيه أخ كاتب بوست طويل عريض عن امريكا و قد ايه هي وحشه و كوخه و فيها و فيها و فيها. انا مش متعود اجادل أو أحاول اثبت خطأ أي شخص بس حسيت أن الكلام ده مبالغ فيه لدرجه كبيره جدا الي درجه المغالطة المتعمدة.
أولا امريكا دي دولة زي أي دولة و متفرقش عن أي دولة أخرى و الأمريكان كبشر زيهم زي المصريين اينعم شكلهم ممكن يكون احلي شوية بس لحم و دم زينا. الناس دي عايشه بمبادئ و مفاهيم سليمه. معندهمش حد لا بيخرم تعريفه ولا بيدهن الهواء دوكو. الشغل شغل مهما كبرت أو صغرت وظيفتك كلنا في مجتمع واحد و كل واحد له دوره في المجتمع. الكبير أبو وظيفه فخمه بيحترم أصغر واحد و عمرك ما هتسمع كلمه انت عارف انا مين؟ لو حصلت مشكله, الجميع أمام القانون زي بعض لا فيه باشا و لا صعلوق. بل علي العكس الشرطة أو الناس أصحاب الوظائف الحساسة بيحاولوا يلموا الدور قبل ما حد يعرف هو مين حتي لا يقال إنه بيستغل وظيفته للتأثير علي المشكلة لأنه ممكن يخسر وظيفته.
نيجي بقا لموضوع السفر لامريكا. الكلام ده مش هيعجب ناس كتير. انا هنا من 1994 و زمان كان سهل انك تيجي بفيزا سياحة و تكسر و تنام في الدرة و تشتغل و كل الافلام دي. بس ده كان في 1994 و لا كان فيه ال 911 ولا داعش إلا أي من الحواديت دي. الوقت النهاردة اتغير كتير. مش مستحيلة بس صعبه و هتكون زي اللي بيلعب بالنار و كل ما هيكون سنك أكبر كل ما هتكون أصعب عليك و لو متجوز في بلدك انسي الموضوع ده نهاءي. خد بالك الناس هنا بيفترضوا فيك الصدق دوما الي ان يثبت العكس و انت مقدم علي فيزا سياحة يعني واحد متريش جاي يصرف قرشين و يهيص كم يوم و يمشي. انك تيجي تدور على شغل دي غير قانوني مبدئيا كده و أغلب الأحيان اللي هيشغلك هيعصرك لأنه فاهم انك مش هتقدر تتكلم ولا تقول بم.
الطريقة الوحيدة انك تيجي قانوني لأمريكا هى الهجرة العشوائية فقط. اللي لا انا ولا أي حد مهما قال ممكن يساعدك فيها. ممكن تلاقي نصابين كتير تقولك انا اعرف مارك بيه أو ديفيد باشا اللي شغال في ال FBI أو ال NSA أو حتي NASA أو ال WH نفسه. لو ترامب نفسه مش هيعرف يجيبك.
انا عندي جروب ماسكه متعلق بالحياة في أمريكا و العام الماضى كنت مقدم ل 947 شخص علي الهجرة العشوائية كسب منهم 2 فقط. كانت تجربة جديدة عليا و من ردود الفعل بتاع الناس اكتشفت اني سايب مصر من زمان قوي و الناس بقت حاجة تانية. أولا كدة و بوضوح امريكا أو غيرها مش مدينه لأحد منكم بحاجة. مافيش حاجة ببلاش هنا كله نظام حقي و حقك بمعني هتشتغل بقرش هتاخد قرش. مافيش انك تزوغ أو تتذاكي علي الناس. الناس مش هبله. كمان معلش انت جاي بلد جديدة و مجتمع جديد لازم تكون مستعد لها و أبسط شيء انك تكون بتعرف تتكلم انجليزي و تعرف تتعامل مع الناس. للأسف أغلب العرب اللي مش بيعرفوا يتكلموا إنجليزي بيبقوا very rude في التعامل مع الناس و احنا أقل ناس بنقول excuse me, please and thank و بيبقي شكلنا وحش. انا عاصرت ناس جايه جديد البلد هنا و الإنجليزي بتاعهم دايسه القطر و بالتالي الفرص أمامهم محدودة في الحاجات اللي الأخ قالها من حيث المطاعم و عربيات الاكل. و علي فكرة الحاجات دي حصريا علي المصريين و أي واحد معندوش طموح و بيظل محلك سر و مش عاوز يطور من نفسه. هنا مافيش شغل عيب و لا حد عمره بيخجل من شغله. كل واحد حر يعمل اللي يريحه و محدش بينتقص من شغل حد. شهادتك في مصر ولا لها اي لازمة من غير معادلة تتوقف علي نوع مؤهلك. انا شخصيا بكالوريوس تجارة و لا عمرى اشتغلت بيه لا في أمريكا ولا غيره. انا لسنوات كتير كان عندي الشركة الخاصة بي و كان عندي موظفين و مكتب و جراجات و هلمه بس نظرا لمرض امي في آخر أيامها كنت بانزل مصر أسبوعين أو 3 كل شهرين و اضطريت صافي الشركة و امشي الموظفين و حاليا شغال أوبر. و مش حاسس بأي حرج أو عيب. انا قرب الخمسين من العمر و عندي أولويات أهم من مجرد الشغل. عندي اني أقضي وقت مع بناتي و استمتع بحياتي معاهم و أكون موجود معاهم في الأنشطة بتاعتهم أهم من الشغل. لكن في نفس الوقت عندي التزامات مالية لابد من الوفاء بها فلازم اشتغل. انا مسيبتش بلدي و أهلي و ناسي و جيت هنا علشان أعيش علي مساعدات حكومية.
الكلام اللي الأخ قاله ده كلام غير منطقي. انت لو رحت أي Walmart أو home Depot هتشتغل ب 10 أو 11 دولار في الساعة. ولا فيه بهدلة شارع ولا زيت ولا برد قارص. بعدين معلش مافيش حاجة ببلاش و انك متدفعش ضرايب دي انا مش فاهمها. انت مين علشان متدفعش نصيبك من رسوم إدارة المجتمع. هي الشرطة و الإسعاف و المطافي و الطرق دي ببلاش؟ سياسة النصاحة دي مش بتنفع هنا. الناس تاني بتفترض فيك الصدق و لو اتقفشت بتكذب هتتبهدل و جامد كمان هو احنا ليه مش بنمشي عدل و بنحس أن المشي عدل ده عيب أو غلط.
أمريكا مجتمع إي أي مجتمع هتلاقي فيه شحاتين بس أغلبهم بيكونوا مرضي نفسيين لأن الحكومة ملزمة بيهم بس بشروط. لازم يقيم في مكان هما بيوفروه بس هما بيرفضوا علشان مدمنين مخدرات أو كحول و اللي بيروح يطلب المساعدة بياخدها. إنما اللي عاوز يعيش في الشارع برضه هو حر.
الخلاصة امريكا دولة مفتوحة انت و شطارتك انت و قدرتك عاوز تبقي حاجة و عندك المهارة محدش هيظلمك عاوز تعيش علي الهامش زي ما الأخ وصف برضه انت حر بس افتكر أن ده قرارك انت الشخصي فبلاش تلوم المجتمع أو الدولة نفسها.
كلمة أخيرة. أمريكا مش الخليج امريكا دولة و هجرة و جنسية مش عقد عمل. أمريكا محدش بيقيمك بلبسك أو نوع عربيتك أو ماركة تليفونك. بتقييم بشخصك. محدش فى أمريكا يقدر يهضم حقك مهما كان. مافيش مستشفي تقولك ادفع الأول قبل العلاج. مافيش انك تبقي شايل هم بكره يا تري هتعمل ايه. مفيش الخوف من المجهول مافيش ظلم ولا حتي ظلم من الدولة نفسها.
معلش طولت عليكم اللي عاوز يسأل في أي حاجة انا تحت أمركم بس ممكن اتاخر في الرد مش اكتر
أولا امريكا دي دولة زي أي دولة و متفرقش عن أي دولة أخرى و الأمريكان كبشر زيهم زي المصريين اينعم شكلهم ممكن يكون احلي شوية بس لحم و دم زينا. الناس دي عايشه بمبادئ و مفاهيم سليمه. معندهمش حد لا بيخرم تعريفه ولا بيدهن الهواء دوكو. الشغل شغل مهما كبرت أو صغرت وظيفتك كلنا في مجتمع واحد و كل واحد له دوره في المجتمع. الكبير أبو وظيفه فخمه بيحترم أصغر واحد و عمرك ما هتسمع كلمه انت عارف انا مين؟ لو حصلت مشكله, الجميع أمام القانون زي بعض لا فيه باشا و لا صعلوق. بل علي العكس الشرطة أو الناس أصحاب الوظائف الحساسة بيحاولوا يلموا الدور قبل ما حد يعرف هو مين حتي لا يقال إنه بيستغل وظيفته للتأثير علي المشكلة لأنه ممكن يخسر وظيفته.
نيجي بقا لموضوع السفر لامريكا. الكلام ده مش هيعجب ناس كتير. انا هنا من 1994 و زمان كان سهل انك تيجي بفيزا سياحة و تكسر و تنام في الدرة و تشتغل و كل الافلام دي. بس ده كان في 1994 و لا كان فيه ال 911 ولا داعش إلا أي من الحواديت دي. الوقت النهاردة اتغير كتير. مش مستحيلة بس صعبه و هتكون زي اللي بيلعب بالنار و كل ما هيكون سنك أكبر كل ما هتكون أصعب عليك و لو متجوز في بلدك انسي الموضوع ده نهاءي. خد بالك الناس هنا بيفترضوا فيك الصدق دوما الي ان يثبت العكس و انت مقدم علي فيزا سياحة يعني واحد متريش جاي يصرف قرشين و يهيص كم يوم و يمشي. انك تيجي تدور على شغل دي غير قانوني مبدئيا كده و أغلب الأحيان اللي هيشغلك هيعصرك لأنه فاهم انك مش هتقدر تتكلم ولا تقول بم.
الطريقة الوحيدة انك تيجي قانوني لأمريكا هى الهجرة العشوائية فقط. اللي لا انا ولا أي حد مهما قال ممكن يساعدك فيها. ممكن تلاقي نصابين كتير تقولك انا اعرف مارك بيه أو ديفيد باشا اللي شغال في ال FBI أو ال NSA أو حتي NASA أو ال WH نفسه. لو ترامب نفسه مش هيعرف يجيبك.
انا عندي جروب ماسكه متعلق بالحياة في أمريكا و العام الماضى كنت مقدم ل 947 شخص علي الهجرة العشوائية كسب منهم 2 فقط. كانت تجربة جديدة عليا و من ردود الفعل بتاع الناس اكتشفت اني سايب مصر من زمان قوي و الناس بقت حاجة تانية. أولا كدة و بوضوح امريكا أو غيرها مش مدينه لأحد منكم بحاجة. مافيش حاجة ببلاش هنا كله نظام حقي و حقك بمعني هتشتغل بقرش هتاخد قرش. مافيش انك تزوغ أو تتذاكي علي الناس. الناس مش هبله. كمان معلش انت جاي بلد جديدة و مجتمع جديد لازم تكون مستعد لها و أبسط شيء انك تكون بتعرف تتكلم انجليزي و تعرف تتعامل مع الناس. للأسف أغلب العرب اللي مش بيعرفوا يتكلموا إنجليزي بيبقوا very rude في التعامل مع الناس و احنا أقل ناس بنقول excuse me, please and thank و بيبقي شكلنا وحش. انا عاصرت ناس جايه جديد البلد هنا و الإنجليزي بتاعهم دايسه القطر و بالتالي الفرص أمامهم محدودة في الحاجات اللي الأخ قالها من حيث المطاعم و عربيات الاكل. و علي فكرة الحاجات دي حصريا علي المصريين و أي واحد معندوش طموح و بيظل محلك سر و مش عاوز يطور من نفسه. هنا مافيش شغل عيب و لا حد عمره بيخجل من شغله. كل واحد حر يعمل اللي يريحه و محدش بينتقص من شغل حد. شهادتك في مصر ولا لها اي لازمة من غير معادلة تتوقف علي نوع مؤهلك. انا شخصيا بكالوريوس تجارة و لا عمرى اشتغلت بيه لا في أمريكا ولا غيره. انا لسنوات كتير كان عندي الشركة الخاصة بي و كان عندي موظفين و مكتب و جراجات و هلمه بس نظرا لمرض امي في آخر أيامها كنت بانزل مصر أسبوعين أو 3 كل شهرين و اضطريت صافي الشركة و امشي الموظفين و حاليا شغال أوبر. و مش حاسس بأي حرج أو عيب. انا قرب الخمسين من العمر و عندي أولويات أهم من مجرد الشغل. عندي اني أقضي وقت مع بناتي و استمتع بحياتي معاهم و أكون موجود معاهم في الأنشطة بتاعتهم أهم من الشغل. لكن في نفس الوقت عندي التزامات مالية لابد من الوفاء بها فلازم اشتغل. انا مسيبتش بلدي و أهلي و ناسي و جيت هنا علشان أعيش علي مساعدات حكومية.
الكلام اللي الأخ قاله ده كلام غير منطقي. انت لو رحت أي Walmart أو home Depot هتشتغل ب 10 أو 11 دولار في الساعة. ولا فيه بهدلة شارع ولا زيت ولا برد قارص. بعدين معلش مافيش حاجة ببلاش و انك متدفعش ضرايب دي انا مش فاهمها. انت مين علشان متدفعش نصيبك من رسوم إدارة المجتمع. هي الشرطة و الإسعاف و المطافي و الطرق دي ببلاش؟ سياسة النصاحة دي مش بتنفع هنا. الناس تاني بتفترض فيك الصدق و لو اتقفشت بتكذب هتتبهدل و جامد كمان هو احنا ليه مش بنمشي عدل و بنحس أن المشي عدل ده عيب أو غلط.
أمريكا مجتمع إي أي مجتمع هتلاقي فيه شحاتين بس أغلبهم بيكونوا مرضي نفسيين لأن الحكومة ملزمة بيهم بس بشروط. لازم يقيم في مكان هما بيوفروه بس هما بيرفضوا علشان مدمنين مخدرات أو كحول و اللي بيروح يطلب المساعدة بياخدها. إنما اللي عاوز يعيش في الشارع برضه هو حر.
الخلاصة امريكا دولة مفتوحة انت و شطارتك انت و قدرتك عاوز تبقي حاجة و عندك المهارة محدش هيظلمك عاوز تعيش علي الهامش زي ما الأخ وصف برضه انت حر بس افتكر أن ده قرارك انت الشخصي فبلاش تلوم المجتمع أو الدولة نفسها.
كلمة أخيرة. أمريكا مش الخليج امريكا دولة و هجرة و جنسية مش عقد عمل. أمريكا محدش بيقيمك بلبسك أو نوع عربيتك أو ماركة تليفونك. بتقييم بشخصك. محدش فى أمريكا يقدر يهضم حقك مهما كان. مافيش مستشفي تقولك ادفع الأول قبل العلاج. مافيش انك تبقي شايل هم بكره يا تري هتعمل ايه. مفيش الخوف من المجهول مافيش ظلم ولا حتي ظلم من الدولة نفسها.
معلش طولت عليكم اللي عاوز يسأل في أي حاجة انا تحت أمركم بس ممكن اتاخر في الرد مش اكتر
