صباح الخير يا شباب سؤال علي السريع. بس ارجوكم...

[Noureldeen Omran]

صباح الخير يا شباب سؤال علي السريع. بس ارجوكم اجابة عن تجربة.
دلوقتي انا عندي اقامة دائمة في بيلاروسيا وان شاء الله نازل مصر اجازة انا وزوجتي وابني وحماتي. هما الثلاثة جنسيتهم بيلاروسي. انا الوحيد اللي مصري.
ارخص طيران حاليا هو التركي
هل في الرجوع علي الطيران التركي هيتطلب مني تصريح امني ولا مش هيتطلب. مع العلم ان الترانزيت في اسطنبول 5 ساعات. ومعنديش شنجن سارية او امريكا سارية علي الباسبور. علشان ظابط الجوازات ميشكش اني اكون واخد الفيزا التركية اون لاين. وجهة الوصول الاخيرة مينسك.
شكرا مقدما للرد

 

[Mahmoud Antar]

هيطلب منك تصريح ليك انت

 

[Mohamed Essam]

لا مش محتاج

 

[Moutaz Mohamed]

لا مش محتاج يا نور متخفش

 

[Mahmoud Antar]

Moutaz Mohamed شوف

 

[Peter Kamal]

مش محتاج متقلقش

 

[Mahmoud Antar]

يبقي انا اللي عندي معلومه غلط يا نور أسف يا كبير

 

[Shady Hamed]

مش محتاجة
اقطع الاتنين بوردينج باس
من مصر لاسطنبول و من اسطنبول لبيلاروسيا

 

[Mohamed Alsayed]

مش محتاج تصربح
وفي طيران دايركت من مينسك للغردقه علي طول اير كايرو

 

[Ahmed Haroon]

مفيش تصريح أمني وانتا راجع

 

[Noureldeen Omran]

يعني كده في اجماع علي اني مش محتاج تصريح امني... متشكر جدا يا جماعة ربنا يبارك لكم

 

[Radwa Alaa Eldin]

سؤال بقي بعيد عن سؤال حضرتك
يدبيلا روسيا دي خلوه؟ايه نظام الحياه فيها؟هل امان؟كده يعني

 

[Mohamed Thabet]

اشترى بوتيفكا على الغردقه وتعالى على الطيران الشارتر من مينسك او من كييف

 

[Noureldeen Omran]

البوتيفكا علي الغردقة. وفنادق زبالة عاملة 3214 دولار. شفت احنا بقينا غاليين ازاي. يعني البلد بتتنشا علي سايح واحنا بنطرد السياح بالاسعار الغبية دي

 

[Noureldeen Omran]

Radwa Alaa Eldin انا هجاوبك علي النقطتين اللي انتي كاتباهم تحديدا. بلد حلوة؟؟ اه بلد رائعة ومنظمة جدا والناس مش عنصرية وامان جدا. بس في نقطتين تانيين مش هيعجبوكي. انها مش بتدي مرتبات عالية الا بقي لو وظيفتك نادرة. ثانيا مبيتكلموش غير روسي وبس يعني ولا بيجيب معاهم انجليزي ولا فرنساوي ولا اي حاجة غير الروسي.

 

[Radwa Alaa Eldin]

الحمد لله

 

[Mohamed Saied]

اهم حاجه تاخد ال 2 بوردينج من هنا . يعنى قاهره اسطنبول و اسطنبول مينسك فى ايدك من القاهره

 

[Ramy Ramzy]

مش هتحتاج مدام معاك بوردنج تاني

 

[Ahmed Haroon]

يا جماعه عشان الناس بس تبقي فاهمه عشان انا شايف ان في ناس كتير مش واخده بالها طالما انتا راجع من بره مصر مش محتاج اَي حاجه غير باسبورك بس ،،،،، التصريح الأمني وشهاده الجيش والكلام ده كلو وانتا خاااااااااارج من مطار القاهره العودة محدش بيسأل عن اَي حااااااااجه خالص

 

[Ali Hussien]

معلش سؤال مهم ..
هو في دول بتطبق موضوع التصريح الامني ده بالنسبه لمواطنيها قبل ما يسافروا و لا ده اختراع مصري خالص ؟