W
Waleed Hamad
:: مسافر ::
لماروحت كييف في ٢٠٠٨ كان قليل في المطاعم والمحلات الي بيتكلموا إنجليزي خلاف أوديسا الي كان المعظم بيعرف إنجليزي وده كان بسبب ان أوديسا علي البحر ففيها سياحة بس كان اغلب السياحة من دول بتكلم روسي اعتقد الوضع اختلف وابتديت اوكرانيا تتحط علي الوجهات السياحية نادي سبورتنج في اسكندرية عامل رحلة السنة دي لأول مرة لأوكرانيا
W
Waleed Hamad
:: مسافر ::
بالنسبة لموضوع الأمان انا كنت واخد شقة ايجار في شارع كرشيتك في كييف وده اهم شارع في كييف عامل زي ممشي سياحي المهم الي لاحظته انك معظم العمارات علشان تدخل شقتك بتعدي علي اكتر من باب الاول باب العمارة وده باب حديد برقم سري وبعدها تطلع الدور تلاقي باب في الدور وبعدها باب الشقة عبارة عن بابين باب حديد ورآه باب خشب قلقت من المنظر وقلت اكيد البلد مَش أمان بس الصراحة كان معانا بنات وكنا بننزل ونرجع ٣ الصبح و٤ الصبح عادي من غير قلق بس يمكن لان اقامتي وتحركاتي كلها في إطار شوارع سياحية لكن اعتقد قلق انك تتحرك بميكروباص مثلا وتروح مناطق ومدن غير سياحية
W
Waleed Hamad
:: مسافر ::
احلي وقت كان للزيارة قبل تعويم الجنيه كان الدولار ب ٨ جنيه وفِي نفس الوقت الوقت ب ٢٨ جرفنا اخويا وصحابي كتير راحوا في الوقت ده وادلعوا وانبسطوا جدا لكن برضه بعد التعويم لسه مناسبة بسبب انخفاض عملتهم وانا شايفها أمان وانصح بيها عن تركيا بس تفضل في الأماكن السياحية الرئيسية