E
Eman Ragab Askar
:: مسافر ::
بنتي الزئرده اول ماركبنا الطياره قعدت تقول بصوت عالي هما مش هيجيبوا الاكل فين الاكللللل مع ان هى ولا بتاكل ولا بتهبب بس بقى اول ما الطياره اتحركت نامت وكنا في رمضان وبعد الفجر فكل الطياره تقريبا نايمه وهى قلقت كده فلقت وجبتها قدامها فتحتها لاقت كرواسون وباتيه راحت مصحياني بعلو صوتها ماماعاااااا اصحي ماجبوليش كيكه بمبى ياماماعاااا
الطياره كلها صحيت وانا مين دي دي انا ايه اللي جبني هنا
الطياره كلها صحيت وانا مين دي دي انا ايه اللي جبني هنا
R
Rasha Mahran
:: مسافر ::
كنا في مطار بوكيت خلاص راجعين علي بانكوك ومنها عالقاهره وروحنا نشتري لايز اخدت لايز بالملح وبدور علي حاجات تاتي اشتريها فبقول للي بتبيع عاوزة حاحه حلال راحت ساحبه اللي فايدي وقالتلي نوت حلال قولتلها واااي اتز سولت ههههه يعني بالملح قالتلي ان الحلال بيبقي مكتوب فضهره
جدير بالذكر ان اللايز ملح ده عشنا عليه طول الرحله قال يعني عشان بالملح فأضمن
جدير بالذكر ان اللايز ملح ده عشنا عليه طول الرحله قال يعني عشان بالملح فأضمن
A
Amr Elgbaly
:: مسافر ::
كنت فى جورجيا وصورة الباسبور قديمة فالراجل مسك الباسبور قالى فين عمرو قعدت ربع ساعة اقنعه أنى عمرو .. رجعت غيرت الباسبور الشهر اللى فات روحت الصين الراجل فى الجوازات قعد يشبه عليا ربع ساعة وراح جاب مديره وقعد يبص فى فيزا الشنجن فى النور على اساس انها مزورة. كنت عاوز اقوله ياعم احنا شكلنا بيتغير كل يوم مش زيكم من يوم ماببتولد ليوم مابتموت وانت شبه ابن خالتك
S
Sara El-Gammal Adam's Yaya
:: مسافر ::
كنت مسافرة لاختي للبحرين اخر ٨ ... و تقريبا كان موسم المدرسيين .. الطيارة كلها مدرسين راجعين و مش هكلم عن منظر الركاب غير اننا منعرفش حاجة عن النظام و يعني ايه احترام طيارة ... سوق مصري اصيل كرتيين و شنط بلاستك و خرفشة والستات تقعد جنب بعض و خلي جوزي جنب جوزك وهتك يا رغي ... و اتختمت بالاطفال بيلعبوا و بيجروا ورا بعض ما بين الكراسي والممرات تقوم المضيفة عاملة ايه ... تمسك الميكروفون و بصوت كله سرسعة وبعوجة البوق المصرية ..... البت اللي وقفة وراه تقعد يا ماما اقعدي .. ياجماعة اهل البنت يقوللها تقعد ... يا ماااما اقعدي بلاش جري و الولد الي لابس احمر ينزل من علي الكرسي و يقعد ... ضحكوا عليا قالولي هتسافري بطيارة انا كنت مسافرة في اتوبيس شرق الدلتا محصلتش السوبرجيت
M
Mostafa Kamal
:: مسافر ::
أنا مرة حجزت أونلاين ذهاب وعودة على أحدى الخطوط الخليجية الشهيرة وبعد ٣ أسابيع من حجزى التذكرة فوجئت بتحويل من شركة الطيران بنفس المبلغ كلمتهم خفت احسن يكون الحجز اتلغى وقلتلهم الى حصل قالى انت حجزك سأرى والكلام الى بتقوله ده ما حصلش... يا جدعان الله يهديكم خدوا فلوسكم مش عايزين فى الاخر سافرت ورجعت ببلاش ... عذراً للأطالة
A
Ahmed Mohamed Hassan
:: مسافر ::
وانا بقطع التيكت مرة كان واقف جمبي اتنين علي الشباك عريس وعروسة وعرفو اني ليا حد في المطار وواخد تخفيض علي التذكرة وافتكرو اني خاربها سفر مع ان دي كانتت ٣ مرة اركب الطيارة المهم ركبنا الطيارة وهما جمبي وفنص الرحلة حصل كام مطب هوا كدة والواد ومراتة يبصولي وانا بكل ثقة اقولو عادي يا بابا مفيش حاجة مطب هوا عادي يطمن ومفيش شوية والطيارة تتهز جامد انا نفسي اتخضيت اولتلة عادي متخافش فضل كدة كل ما يحصل حاجة لخد ما شميت ريحة شياط جاية من الكابينة لاقيتو بيزعق ويقولي لا بقي كدة مش عادي كدة هنموت مش هلحق اتجوز وبيتكلم جد رشيت علي وشة مية ورزعتة في الكرسي واولتلة اصبر الاجانب نايمين عادي اهو والمضبفة متخركتش من مكانها لو اتخركت والناس صحيو ابقي اتشاهد ومتكلمتيش مخلصتش الكلمة والشياط زاد والطيارة فضلت تتهز جامد والمضيفة جريت من اهر الطيارة للكابتن فعللا الظيارة كان فيها عطل بسيط في الوقت دة فضلت اتشاهد بقب واقري القران الي حافظة كلة الحمد لله
B
Bosy Mawardy
:: مسافر ::