M
Mohammad Hijażi
:: مسافر ::
☆دهب☆
مدينة دهب-جنوب سيناء اسم علي مسمي فعلا
لو تفتكروا انا كنت مشترك في مسابقه في شهر مارس اللي فات والحمد لله انا فوزت فيها وطلعت المركز الاول وكانت الهديه اني اطلع رحله مع شركه كايرو هايكينج Cairo Hiking احب بس في الاول اني اشكر جدا معتز محمد Moutaz Mohamed على اهتمامه البالغ بالموضوع وطبعا بشكر ثانيا Mikle Azmy و Kerolous Hany المنظمين للشركه ناس قمه الاحترام والذوق نبدا باليوم الاول.
●اليوم الاول:
بعد ما اتجمعنا وصلنا الحمد لله على حوالي الساعه 10 صباحا واستلمنا الغرف في فندق ديارنا كان الاتفاق اننا نتجمع تاني الساعه 11 صباحا علشان نروح الثري بولز 3 pools وصلنا فعلا هناك بعد ما ركبنا عربيات جيب المكان كان جميل بس لسوء الحظ الجو كان شديد شويه وده طبعا اثر على الاستمتاع في السنوركلينج و العوم بس طبعا اللمه الحلوه والصحبه و التنظيم الجيد كان عامل مهم جدا اننا نتبسط الحمدلله جه وقت الغدا كان الساعه 3 عصرا و الوجبه باينة عندكوا في الصوره بعدها بشويه بقى مشينا كده على المغرب رجعنا تاني الفندق وكان الاتفاق اننا نتجمع تاني علشان نطلع في حفله عشاء في الجبل كانت جميله جدا خاصه انها على اضواء القمر مع رائحه الفراخ المشويه كان مزيج رائع الصراحه خلصنا الحفله ورجعنا بقي على الفندق مبسوطين الحمدلله ومتحمسين لليوم التاني اللي مخطط له يبقي كله مغامرة .
●اليوم التاني:
اليوم الثاني بقى صحينا بدري الساعه سبعه الصبح فطرنا في المطعم بتاع الفندق وركبنا بردو العربيات الجيب طلعنا بيها علي البلو هول وصلنا هناك وروحنا راكبين مراكب سريعه طلعنا بيها على محميه راس ابو جالوم اول ما وصلنا بعد طبعا المتعه الفظيعه في البحر في ركوب الامواج باللنش كانت الصراحه مغامره تحفه اول ماوصلنا ركبنا بقى عربيات نص نقل روحنا بيها ل منطقه البلو لاجون منظر بقي ايه ما اقولكوش تحفة سبحان الخالق الميه كانت هناك منتهى الروعه بعد كم ساعه كده خلصنا قعدتنا وروحنا راجعين تاني علي محمية راس ابو جالوم عالم فريد من الشعب المرجانية ونقاء المياه تحفة تحفة بعدها رجعنا علي البلو هووول وكانت بقي المفاجأة بعد ما اتغدينا مكرونة وبطاطس محمرة وفراخ مشوية وكفتة وسلطة قررنا ننزل بقي نعمل سنوركلينج مش عارف اقول ايه الصراحة انا عن نفسي ياما نزلت البحر الاحمر بس عمري ما شوفت جمال زي جمال البلوو هوول منكرش انها لها رهبة خاصا انك مش بتشوف الارض خالص عمقها خيالي 130 متر تحت سطح البحر وديه اعمق نقطة طبعا وبردو رهبة انك تبقي عارف انها ليها ضحايا كتير غرقوا اثناء الغطس فيها هتلاقوا صورة بردو بس علي مين احنا توكلنا علي الله ونزلنا واستمتعنا جدا والصراحة مقدرش انكر مساعدة ومساندة كيرو
للناس اللي كانت سباحتها علي قدها خلصنا ورجعنا وكان يوم جميل كله مغامرات وكانت الفترة المسائية free جولة حره بقي استمتعنا فيها بالتجول علي البحر وفي السوق السياحي ، في ناس مننا كانت هتعمل سفاري تاني يوم بس انا مكونتش معاهم علشان انا كنت بخطط للغوص ههههههههه هما بيقولوا انهم اتبسطوا اوي وانا كمان الصراحة غطست الحمدلله في منطقة الlight house واستمتعت جدا خلصنا واتجمعنا 1 ونص ظهرا علي التحرك يبقي علي 2 الظهر عائدين للاسف للقاهرة بعد رحلة ومغامرة جميلة وممتعة وصلنا الحمدلله علي حوالي 10 مساءا .
شكرا cairo hiking
مدينة دهب-جنوب سيناء اسم علي مسمي فعلا
لو تفتكروا انا كنت مشترك في مسابقه في شهر مارس اللي فات والحمد لله انا فوزت فيها وطلعت المركز الاول وكانت الهديه اني اطلع رحله مع شركه كايرو هايكينج Cairo Hiking احب بس في الاول اني اشكر جدا معتز محمد Moutaz Mohamed على اهتمامه البالغ بالموضوع وطبعا بشكر ثانيا Mikle Azmy و Kerolous Hany المنظمين للشركه ناس قمه الاحترام والذوق نبدا باليوم الاول.
●اليوم الاول:
بعد ما اتجمعنا وصلنا الحمد لله على حوالي الساعه 10 صباحا واستلمنا الغرف في فندق ديارنا كان الاتفاق اننا نتجمع تاني الساعه 11 صباحا علشان نروح الثري بولز 3 pools وصلنا فعلا هناك بعد ما ركبنا عربيات جيب المكان كان جميل بس لسوء الحظ الجو كان شديد شويه وده طبعا اثر على الاستمتاع في السنوركلينج و العوم بس طبعا اللمه الحلوه والصحبه و التنظيم الجيد كان عامل مهم جدا اننا نتبسط الحمدلله جه وقت الغدا كان الساعه 3 عصرا و الوجبه باينة عندكوا في الصوره بعدها بشويه بقى مشينا كده على المغرب رجعنا تاني الفندق وكان الاتفاق اننا نتجمع تاني علشان نطلع في حفله عشاء في الجبل كانت جميله جدا خاصه انها على اضواء القمر مع رائحه الفراخ المشويه كان مزيج رائع الصراحه خلصنا الحفله ورجعنا بقي على الفندق مبسوطين الحمدلله ومتحمسين لليوم التاني اللي مخطط له يبقي كله مغامرة .
●اليوم التاني:
اليوم الثاني بقى صحينا بدري الساعه سبعه الصبح فطرنا في المطعم بتاع الفندق وركبنا بردو العربيات الجيب طلعنا بيها علي البلو هول وصلنا هناك وروحنا راكبين مراكب سريعه طلعنا بيها على محميه راس ابو جالوم اول ما وصلنا بعد طبعا المتعه الفظيعه في البحر في ركوب الامواج باللنش كانت الصراحه مغامره تحفه اول ماوصلنا ركبنا بقى عربيات نص نقل روحنا بيها ل منطقه البلو لاجون منظر بقي ايه ما اقولكوش تحفة سبحان الخالق الميه كانت هناك منتهى الروعه بعد كم ساعه كده خلصنا قعدتنا وروحنا راجعين تاني علي محمية راس ابو جالوم عالم فريد من الشعب المرجانية ونقاء المياه تحفة تحفة بعدها رجعنا علي البلو هووول وكانت بقي المفاجأة بعد ما اتغدينا مكرونة وبطاطس محمرة وفراخ مشوية وكفتة وسلطة قررنا ننزل بقي نعمل سنوركلينج مش عارف اقول ايه الصراحة انا عن نفسي ياما نزلت البحر الاحمر بس عمري ما شوفت جمال زي جمال البلوو هوول منكرش انها لها رهبة خاصا انك مش بتشوف الارض خالص عمقها خيالي 130 متر تحت سطح البحر وديه اعمق نقطة طبعا وبردو رهبة انك تبقي عارف انها ليها ضحايا كتير غرقوا اثناء الغطس فيها هتلاقوا صورة بردو بس علي مين احنا توكلنا علي الله ونزلنا واستمتعنا جدا والصراحة مقدرش انكر مساعدة ومساندة كيرو
للناس اللي كانت سباحتها علي قدها خلصنا ورجعنا وكان يوم جميل كله مغامرات وكانت الفترة المسائية free جولة حره بقي استمتعنا فيها بالتجول علي البحر وفي السوق السياحي ، في ناس مننا كانت هتعمل سفاري تاني يوم بس انا مكونتش معاهم علشان انا كنت بخطط للغوص ههههههههه هما بيقولوا انهم اتبسطوا اوي وانا كمان الصراحة غطست الحمدلله في منطقة الlight house واستمتعت جدا خلصنا واتجمعنا 1 ونص ظهرا علي التحرك يبقي علي 2 الظهر عائدين للاسف للقاهرة بعد رحلة ومغامرة جميلة وممتعة وصلنا الحمدلله علي حوالي 10 مساءا .
شكرا cairo hiking