H
Haytham Sleem
:: مسافر ::
الخطوة الأولي للسفر لأوروبا⁉
أبدأ ازاي؟ جوازي ابيض ؟ معنديش وظيفة ولا شهادة راتب ؟
✴قاعدة رقم ١
( مشوار الألف ميل يبدأ بخطوة )
دايما فيه (اول مرة ) ، ازاي ورقك يكون قوي ومستحيل يترفض ، لو انت مش موظف في شركة معروفة وراتبك كبير بيتحول علي بنك بانتظام او مسافر تعليم او مسافر معرض خاص بالبزنس بتاعك، بدعوة تجارية )،،، لو انت مش الشريحة دي اقرا الموضوع ده كويس جدا،
نتفق انك محتاج مده من سنة ل سنتين عشان تقدر تدخل اي سفارة وتاخد فيزتها بسهولة، حنعمل ايه في المدة دي ؟
وهنا انا حتكلم عن أول خطوة ممكن تساعدنا نسافر . ونتفادي كل المشاكل اللي بتقابلنا لما بنقدم علي فيزا .
نتفق ان الموضوع محتاج صبر..ووقت وبعض الامكانيات ،
أيوا الموضوع محتاج سنة ل سنتين تقريبا عشان نخلص أول خطوة.. لو انت شايف ان دي مده طويلة . اقولك ان السنتين دول هيعدوا وانت في مكانك . بتخسر وقت بس ..
* تظبيط جواز السفر.
طبيعي عشان تسافر لازم يكون عندك جواز سفر ، وجواز السفر أبيض فلة ..لما بقدم في اي سفارة بيشوفوا ان مفيش اي تاريخ سفريات . مش منطقي ابدا أن اول ما اسافر اروح امريكا يعني او اوربا.
نقدر نقول أن ٨٠ % من سبب رفض الفيزا عشان الجواز أبيض.
الحل:
لازم قبل مقدم علي فيزا أوربا او امريكا يكون عندي فيزّ معقولة علي الجواز ، أسافر بلد فيزتها سهلة او بدون فيزا.
تركيا ، جورجيا، لبنان ، نيبال ، المالديف ، اندونيسيا، ماليزيا .تايلاند .قبرص ( سهلة نسبيا ).
مهم جدا اني اسافر وارجع ، .شوف اي اوفر رخيص .اتصرف ..لو عايز تسافر :
خللي شكل الجواز كويس .
اختارلك اي ٣ بلاد من دول وسافر خلال سنة او اكتر حسب امكانياتك .
كده بنكون حلينا جزء من المشكلة وهي مشكلة الأول مرة و الجواز الابيض. وجمعنا نقاط .ايجابية.
( شايفك ياللي بتقول انك خدت شنجن وأمريكا بجواز ابيض ، وسامعك ياللي بتقول ان السفر ده اساسا مكلف ومحتاج مده طويلة .
الموضوع ده أكيد مش مفيد لكل الناس.مش مفيد لحد معندوش فلوس خالص ، وكمان مش مفيد لحد شغال في شركة كبيرة بمرتب كبير ووضع اجتماعي عالي . ياخد الفيزا بجواز ابيض .عادي .موظف في شركة معروفة وراتبك كبير بيتحول علي بنك بانتظام او مسافر تعليم او مسافر معرض خاص بالبزنس بتاعك، بدعوة تجارية )،،،مليش دعوة بدول . ربنا يسهل لهم.
.............
✴قاعدة رقم ٢
( المقدمات الغلط .تؤدي الي النتائج الغلط).
ختم رفض من سفارة فرنسا سنة 2008.
قلة الخبرة. حجز فندق وطيران مضروب من شركة سياحة.( طبعا مقالش ليا أنه مضروب)
طيب شوف كده ختم الرفض في الصورة اللي بعده ؟
أيوا ده من سفارة بريطانيا. بعده ب ٦ شهور أو اقل ، سبب الرفض . معلومات مش متطابقة بين المستندات وبين الابليكيشن.( بيانات شهادة الراتب ) وطبعا ختم الرفض القديم بتاع فرنسا له عامل. كمان..
..بيطمنهم اوي انك تستاهل الرفض.
ازاي اصلح الغلط ده ب ٢ رفض محترمين ؟
هو انا ينفع اخد.فيزا بعد كده اصلا وكل سفارة بترفض علي ختم اللي قبلها ؟
اعمل اللي انا بنصحك بيه ده . وصدقني حينفع..
...........................................................
✴قاعدة رقم 3
،( أنا لا أكذب ..ولكني أتجمل)
☆عنوان السكن.
عنوان السكن المذكور في الجواز عامل مهم جدا في أوقات كتير في تقييم الشخص المتقدم ، ازاي يعني ؟ اقولك ازاي ، لو حضرتك ساكن مثلا في منطقة شعبية في حارة مسعود متفرع من شارع النجدة دوران سونيا ، عندك حلين اتنين .
الحل الاول:
نغير العنوان لمكان أفضل ومعروف عند أي قريب مثلا ساكن في مكان أحسن ،يكون العنوان مثلا مصر الجديدة ش الميرغني، اغلب العاملين في السفارات عارفين المناطق الراقية من الشعبية ، وده طبعا لا يقلل ابدا من الشخص ،بس بيكون له تاثير في اوقات .
الحل التاني الاسهل : هو اختصار العنوان يعني مثلا ، ش النجدة رقم 30 , و حلو اوي كده .
المهنة في الجواز:
وحنقف هنا كتير اوي لحد ما رجلينا توجعنا ،،المهنة في جواز السفر يا جماعة موضوع مهم جدا جدا (حاصل علي ) دي مهنة نحاول نشيلها من الجواز ، والموضوع مش صعب ، لو محاسب حر او مهندس حر او موظف في شركة بيكون افضل بكتير،
لو ده صعب ، ومتعب . افتكر انك اودامك سنة بتظبط فيهم ورقك وشكلك . اتعب شوية وغير الجواز بمهنة كويسة ، اي حد من معارفك يا أخي . وادفعله التامينات كل شهر .
اتصرف.
بلاش حاصل علي دي . بتخوف .
* كشف الحساب البنكي :
طيب . نفهم الاول ليه كشف الحساب مهم ؟
عشان يشوفوك غني او فقير
...لأ.
عشان يشوفوا رصيدك كام وتقدر تصرف علي سفرك ؟
؟ مش شرط .ماانت ممكن تستلفهم يومين.
السفارة بتشوف كشف الحساب ٦ شهور عشان ده عنوان الحقيقة ..مراية سعادتك.
انت بتصرف فين؟ بتاكل فين وبتعمل شوبنج منين ؟ بينزلك مرتب منتظم علي بنك . يعني شركة كويسة وكبيرة.يعني مستقر .يعني انت عندك روابط .
روابط .روابط روابط. الكلمة دي مهمة اوي . روابط .والله بيقبلوا ويرفضوا عشانها .
المهنة . حاصل علي، أو طالب . بيزيد الشك ، مفيش روابط .
الروابط ، ببساطة هي الحاجة اللي تخليك ترجع مصر تاني
. ممكن تكون وظيفة كويسة بشركة
، زوجة واطفال( في الحالة دي تاخد صور جوازات الأسرة وفواتير المدرسة .)
ممكن تكون ممتلكات و شهادات بنكية . لو عندنا خدلك من البنك شهادة رصيد .اسمها
Balance certificate.
أي حد شغال في بنك زي حالاتي بيقيم العميل بتاعه من خلال حاجتين .
كشف حساب فيه راتب وايداعات منتظمة . وشهادة راتب من شركة كويسة. ونفس الراتب يتم ذكره في الشهادة هو اللي بيتحول علي البنك بانتظام.
اعتبر نفسك العميل ده والسفارة هي البنك.
حاول تودع مرتبك ..اشتري ببطاقة البنك علي قد متقدر .خللي فيه مشتريات مش سحب وايداع بس.
أرجوك. بلاش تحط مبلغ كبير فجأة في كشف الحساب بدون مبرر.حتترفض.
أرجوك بلاش نزور كشف حساب.انت بتخللي شكل الشباب وحش اوي وبتخليهم يفقدوا الثقة في ناس كويسة مقدمة معاك.
.........
يونيو ٢٠١٦
، واحد من اللي قرا الموضوع واقتنع .. ابتدي من تاني يوم يرتب نفسه.. وابتدا يشتغل علي الورق . فتح حساب في البنك. مضيعش وقت . .
بعدها بشهر..
لسه خارج من شركة ابن عمه وختم الورق بتاع التامينات عشان يغير المهنة في الجواز لمدير مبيعات. برافو عليك. تاني خطوة .
خلال السنة دي فعلا سافر ٣ أماكن جديدة .بلاد.حلوة اوي .كان فاكر انه رايح في مهمة عشان باخد فيزا وخلاص .بس فعلا اتبسط اوي.
وبعد مرور سنة علي بدايته للخطوة الاولي، راح فعلا ووقدم علي فيزا شنجن.
أنا معرفش هو اتوافق عليه ولا اترفض، كل اللي أعرفه انه عمل اللي عليه.
أبدأ ازاي؟ جوازي ابيض ؟ معنديش وظيفة ولا شهادة راتب ؟
✴قاعدة رقم ١
( مشوار الألف ميل يبدأ بخطوة )
دايما فيه (اول مرة ) ، ازاي ورقك يكون قوي ومستحيل يترفض ، لو انت مش موظف في شركة معروفة وراتبك كبير بيتحول علي بنك بانتظام او مسافر تعليم او مسافر معرض خاص بالبزنس بتاعك، بدعوة تجارية )،،، لو انت مش الشريحة دي اقرا الموضوع ده كويس جدا،
نتفق انك محتاج مده من سنة ل سنتين عشان تقدر تدخل اي سفارة وتاخد فيزتها بسهولة، حنعمل ايه في المدة دي ؟
وهنا انا حتكلم عن أول خطوة ممكن تساعدنا نسافر . ونتفادي كل المشاكل اللي بتقابلنا لما بنقدم علي فيزا .
نتفق ان الموضوع محتاج صبر..ووقت وبعض الامكانيات ،
أيوا الموضوع محتاج سنة ل سنتين تقريبا عشان نخلص أول خطوة.. لو انت شايف ان دي مده طويلة . اقولك ان السنتين دول هيعدوا وانت في مكانك . بتخسر وقت بس ..
* تظبيط جواز السفر.
طبيعي عشان تسافر لازم يكون عندك جواز سفر ، وجواز السفر أبيض فلة ..لما بقدم في اي سفارة بيشوفوا ان مفيش اي تاريخ سفريات . مش منطقي ابدا أن اول ما اسافر اروح امريكا يعني او اوربا.
نقدر نقول أن ٨٠ % من سبب رفض الفيزا عشان الجواز أبيض.
الحل:
لازم قبل مقدم علي فيزا أوربا او امريكا يكون عندي فيزّ معقولة علي الجواز ، أسافر بلد فيزتها سهلة او بدون فيزا.
تركيا ، جورجيا، لبنان ، نيبال ، المالديف ، اندونيسيا، ماليزيا .تايلاند .قبرص ( سهلة نسبيا ).
مهم جدا اني اسافر وارجع ، .شوف اي اوفر رخيص .اتصرف ..لو عايز تسافر :
خللي شكل الجواز كويس .
اختارلك اي ٣ بلاد من دول وسافر خلال سنة او اكتر حسب امكانياتك .
كده بنكون حلينا جزء من المشكلة وهي مشكلة الأول مرة و الجواز الابيض. وجمعنا نقاط .ايجابية.
( شايفك ياللي بتقول انك خدت شنجن وأمريكا بجواز ابيض ، وسامعك ياللي بتقول ان السفر ده اساسا مكلف ومحتاج مده طويلة .
الموضوع ده أكيد مش مفيد لكل الناس.مش مفيد لحد معندوش فلوس خالص ، وكمان مش مفيد لحد شغال في شركة كبيرة بمرتب كبير ووضع اجتماعي عالي . ياخد الفيزا بجواز ابيض .عادي .موظف في شركة معروفة وراتبك كبير بيتحول علي بنك بانتظام او مسافر تعليم او مسافر معرض خاص بالبزنس بتاعك، بدعوة تجارية )،،،مليش دعوة بدول . ربنا يسهل لهم.
.............
✴قاعدة رقم ٢
( المقدمات الغلط .تؤدي الي النتائج الغلط).
ختم رفض من سفارة فرنسا سنة 2008.
قلة الخبرة. حجز فندق وطيران مضروب من شركة سياحة.( طبعا مقالش ليا أنه مضروب)
طيب شوف كده ختم الرفض في الصورة اللي بعده ؟
أيوا ده من سفارة بريطانيا. بعده ب ٦ شهور أو اقل ، سبب الرفض . معلومات مش متطابقة بين المستندات وبين الابليكيشن.( بيانات شهادة الراتب ) وطبعا ختم الرفض القديم بتاع فرنسا له عامل. كمان..
..بيطمنهم اوي انك تستاهل الرفض.
ازاي اصلح الغلط ده ب ٢ رفض محترمين ؟
هو انا ينفع اخد.فيزا بعد كده اصلا وكل سفارة بترفض علي ختم اللي قبلها ؟
اعمل اللي انا بنصحك بيه ده . وصدقني حينفع..
...........................................................
✴قاعدة رقم 3
،( أنا لا أكذب ..ولكني أتجمل)
☆عنوان السكن.
عنوان السكن المذكور في الجواز عامل مهم جدا في أوقات كتير في تقييم الشخص المتقدم ، ازاي يعني ؟ اقولك ازاي ، لو حضرتك ساكن مثلا في منطقة شعبية في حارة مسعود متفرع من شارع النجدة دوران سونيا ، عندك حلين اتنين .
الحل الاول:
نغير العنوان لمكان أفضل ومعروف عند أي قريب مثلا ساكن في مكان أحسن ،يكون العنوان مثلا مصر الجديدة ش الميرغني، اغلب العاملين في السفارات عارفين المناطق الراقية من الشعبية ، وده طبعا لا يقلل ابدا من الشخص ،بس بيكون له تاثير في اوقات .
الحل التاني الاسهل : هو اختصار العنوان يعني مثلا ، ش النجدة رقم 30 , و حلو اوي كده .
المهنة في الجواز:
وحنقف هنا كتير اوي لحد ما رجلينا توجعنا ،،المهنة في جواز السفر يا جماعة موضوع مهم جدا جدا (حاصل علي ) دي مهنة نحاول نشيلها من الجواز ، والموضوع مش صعب ، لو محاسب حر او مهندس حر او موظف في شركة بيكون افضل بكتير،
لو ده صعب ، ومتعب . افتكر انك اودامك سنة بتظبط فيهم ورقك وشكلك . اتعب شوية وغير الجواز بمهنة كويسة ، اي حد من معارفك يا أخي . وادفعله التامينات كل شهر .
اتصرف.
بلاش حاصل علي دي . بتخوف .
* كشف الحساب البنكي :
طيب . نفهم الاول ليه كشف الحساب مهم ؟
عشان يشوفوك غني او فقير
...لأ.
عشان يشوفوا رصيدك كام وتقدر تصرف علي سفرك ؟
؟ مش شرط .ماانت ممكن تستلفهم يومين.
السفارة بتشوف كشف الحساب ٦ شهور عشان ده عنوان الحقيقة ..مراية سعادتك.
انت بتصرف فين؟ بتاكل فين وبتعمل شوبنج منين ؟ بينزلك مرتب منتظم علي بنك . يعني شركة كويسة وكبيرة.يعني مستقر .يعني انت عندك روابط .
روابط .روابط روابط. الكلمة دي مهمة اوي . روابط .والله بيقبلوا ويرفضوا عشانها .
المهنة . حاصل علي، أو طالب . بيزيد الشك ، مفيش روابط .
الروابط ، ببساطة هي الحاجة اللي تخليك ترجع مصر تاني
. ممكن تكون وظيفة كويسة بشركة
، زوجة واطفال( في الحالة دي تاخد صور جوازات الأسرة وفواتير المدرسة .)
ممكن تكون ممتلكات و شهادات بنكية . لو عندنا خدلك من البنك شهادة رصيد .اسمها
Balance certificate.
أي حد شغال في بنك زي حالاتي بيقيم العميل بتاعه من خلال حاجتين .
كشف حساب فيه راتب وايداعات منتظمة . وشهادة راتب من شركة كويسة. ونفس الراتب يتم ذكره في الشهادة هو اللي بيتحول علي البنك بانتظام.
اعتبر نفسك العميل ده والسفارة هي البنك.
حاول تودع مرتبك ..اشتري ببطاقة البنك علي قد متقدر .خللي فيه مشتريات مش سحب وايداع بس.
أرجوك. بلاش تحط مبلغ كبير فجأة في كشف الحساب بدون مبرر.حتترفض.
أرجوك بلاش نزور كشف حساب.انت بتخللي شكل الشباب وحش اوي وبتخليهم يفقدوا الثقة في ناس كويسة مقدمة معاك.
.........
يونيو ٢٠١٦
، واحد من اللي قرا الموضوع واقتنع .. ابتدي من تاني يوم يرتب نفسه.. وابتدا يشتغل علي الورق . فتح حساب في البنك. مضيعش وقت . .
بعدها بشهر..
لسه خارج من شركة ابن عمه وختم الورق بتاع التامينات عشان يغير المهنة في الجواز لمدير مبيعات. برافو عليك. تاني خطوة .
خلال السنة دي فعلا سافر ٣ أماكن جديدة .بلاد.حلوة اوي .كان فاكر انه رايح في مهمة عشان باخد فيزا وخلاص .بس فعلا اتبسط اوي.
وبعد مرور سنة علي بدايته للخطوة الاولي، راح فعلا ووقدم علي فيزا شنجن.
أنا معرفش هو اتوافق عليه ولا اترفض، كل اللي أعرفه انه عمل اللي عليه.