اهم حاجه عايزة اقولهامن رحلتى القصيرة دى حبوا...

[سهير مصطفى]

اهم حاجه عايزة اقولهامن رحلتى القصيرة دى
حبوا بلدكم واحترموها واتكلموا عنها بكل خير
مفيش حد قولتله انا من مصر الا وقالى بلد جميلة او نفسي اروحها وواحد قالى بلد البرنسيسات القطط قصدة على الاله القطه اللى كان بيعبده الفراعنه
وواحد قالى رحت مصر واجمل بلد رحتها
واللى قالى حاططها ضمن خططى ان اروحها
واللى رايحها ف اجازته الجايه
الخلاصة: العالم بيحب مصر وفى بردو ناس متعرفهاش فانقلوا لهم فكرة كويسه عنها

 

[Amin Mohamed]

والله احنا بنحبها بس هي اللي مابتحبناش

 

[محمد مصطفى محمود شحاته]

المفروض الناس كلها عارفه معاليكي كنتي فين
ستظلين هبلة
هههههههههههههههه سهير مصطفى
يعني مسفرك ع حسابي عشان تغيري جو وتعدلي مخك واللي فيكي فيكي

 

[Mohamed Fathy]

 

[Heba Kandil]

فعلا انا عايشه بره مصر و دايما بسمع كلام جميل عن مصر من الأجانب . وبفتخر بمصريتي أكتر واكتر

 

[Kesho Rizk]

انا برضو وانا فى ماليزيا كان جمبى ناس سياح برضو
بقولهم انا من مصر
وعملت البدع وريتهم الاهرامات وابو الهول واسوان وكل حاجة ومعرفوهاش اقسم بالله

 

[Kone Tome]

يا جماعه ما هما عشان ميعرفوهاش بيقولوا كده لكن اسمعوا اراءهم بعد ما يغادروا بالسلامه اذا خرجوا يعنى بسلام منها

 

[Mostafa Nageh]

يارب اغور منها واحبها من بعيد زيهم كدة واوعدك هقول كلام جميل ومتزوق اكتر من ده كمان.

 

[Mostafa El Talawy]

بيحبها سياحه. .. يجى يعيش فيها كدا

 

[Ahmed Beste]

الوقت اللي الناس دي جت فيه مصر وحبتها خلاص راح وراحت معاه مصر الجميلة
مش احنا اللي بنسوء صورتها بالعكس اغلب اللي بيسافر برا بيكون خير من يمثل مصر وبيفخر ببلده قدام الكل
مصر بقت بلد ظلم بلد جهل بلد اللي ماسكها بيبيع فيها حتة حتة
واللي هيجي من الناس اللي قولتي عليهم دول ويشوف وضعها دلوقت هيسيبها وهو ناوي ميرجعلهاش تاني

 

[Mostafa Nageh]

والاهتمام مابيطلبش

 

[Mohamed Nassar]

و لما هي حلوه كده سبتيها ليه

 

[Moe Refaat]

والقطنة مبتدكبش

 

[Samia Abozaid]

انا فى تركيا حاليا بجد مصر جميلة بردوا احنا اللى بتبوظها فعلا افتخر بمصر اخويا كان فى ماليزيا كل اللى يعرف انه من مصر يقوله ياه بلد الازهر هما شايفينا بطريقة حلوة

 

[Mohamed Nassar]

الفساد و الرشوه و المخدرات و التحرش و الواسطه و الجهل و التخلف و البلطجة كل دي حاجات حلوه
اه نسيت خطف الأطفال و تجارة الأعضاء
خرا على دي بلد مجلسها رفض تقنين إعدام خاطفي الأطفال عشان يخص مصالح ناس كبار
لبئس المولى و لبئس العشير

 

[Islam Ghanim]

هو حضرتك كنتي في موزمبيق وسمعتي الكلام الحلو عن مصر !!!!
ياريت تقولي حضرتك كنتي في اي بلد علشان انا سافرت كتير وفي ناس متعرفش مصر بتقع فين اصلا

 

[إسراء فاروق]

جدا جدا والله اما كان حد يعرف اننا من مصر يحبو يساعدونا اوى وبيتكلمو عنها بقلبهم اوى ياريت نحبها بجد احنا مش عارفين قيمتها كفايه اننا لينا وطن

 

[Eman El-Sawalhy]

للأسف كنت في مكة في الحرم وهناك تقابل كل الملل واحدة مصرية لقيتها بتكلم ناس من المغرب عن قد ايه مصر قذرة ومقرفة وما يتعاش فيها ...بجد نزلت قوي من نظري ...وما فيش غير حسبي الله ونعم الوكيل
الواحد يقول ايه في الناس البشعة دي هي الي بتنشر صورة قذرة عن البلد واهلها وفاكرين نفسهم منزهين ما هي لو البلد قذرة فأنت جزء من القذارة دي!! مش شطارة منك تقول للغريب صورة بشعة عن بلدك او بمعنى أصح البلد الي بتكرهها
وقعدت مع ناس تانية من كل الحنسيات مجرد ما اقول إني من مصر الاقي قصايد شعر نازلة منهم قد ايه نفسهم يزروها ويشوفوها ويشوفوا شرم والغردقة
كان نفسي قوي ارد على الأخت المصرية واقولها انت في الحرم فلتقل خيرا او لتصمت يا شيخة

 

[Nermin Elnmer]

مش هتفرح انك مصري اللا لما تشوف الناس بره بيقدروا مصر ازاى

 

[Omar Mahmoud]

ناس صحابي سعوديين سافرو مصر و قطر و الكويت و حتى الامارات .. بيقولو احنا بنغير كل سنه بلد جنب مصر انما الاسبوعين بتوع مصر ثابتين كل سنه لازم نيجي و هي اجمل بلد روحناها فى اللى روحناهم كلهم .. عجبناهم عن الامارات ياخوانا