لو سمحت ياباشا انا مسافر السودان والفيزا وصلت...

[Mahmoud Magdy]

لو سمحت ياباشا انا مسافر السودان والفيزا وصلت وكله تمام جيت اعمل تصريح الأمن لقيت الموظف اللي في المجمع بيقولي الفيزا زياره ولازم السفاره المصريه اللي في السودان تبعتلك افاده انك هتزور السودان وتكون الورقه الأصل وبعد كده توثقها من الخارجيه بعد كده تيجي تعمل بيها تصريح الأمن اللي هيعد أسبوعين فحاسس أن ده هري افيدونا افادكم الله

 

[Saleh Marwa]

السودان بقت بفيزا .استغفر الله العظم

 

[On Mody]

لا كده مظبوط اللي انت رايح له زياره بيروح السفاره المصريه هناك ويعملك افاده موثقه ويبعتهالك انت توثقها ف الخارجيه هنا برسوم بسيطه وبعد كده تقدم ع التصريح

 

[Mahmoud Magdy]

طيب موضوع التصريح ده بياخد وقت قد ايه ويفضل صالح معايا لوقت قد ايه وهل ليه رسوم التصريح ولا لا وهل في منه أي قلق ولا مجرد إجراء

 

[Mohammed Atef]

معلش سؤال فضولي لولبي..انت ليه رايح السودان؟!

 

[Mohamad Elshafey]

المعامله بالمثل هما كمان بيخشوا بفيزا

 

[Mohamed Elasuty]

وساخه احنا بقينا بسجن

 

[Abu Faris]

حصل معاى نفس اللى قلته بالظبط

 

[Mohamed Ahmed]

لسا صاحبي مسافر الاسبوع اللي فات ، عمل الاتي : سافر من مصر الي دبي و من دبي الي السودان من غير اي تصاريح طبعا

 

[Mohamed Elasuty]

روح الأردن بلا فيزا خبى الفيزا و التذكره بتاعه السودان و من هناك على السودان و ريح بالك

 

[Mohamed Torky]

منك لله يا الي وصلتنا للمرحلة القذرة دي

 

[Ramy Eman]

حال البلد بقا في الحضيض

 

[Ahmed Abd Al Aziz]

الواحد جاله احساس ان هيحصل حرب عالميه بس بين المسلمين و بعضهم وبقيه العالم هيتفرج علينا كل دوله عامله خمسين حاجز بينها و بين جيرانها ده غير التحالفات و المؤامرات و العنصريه بين الدول الاسلاميه انا بتكلم في المجمل مش مقصود بيه دوله معينه

 

[عبدالله محمد]

ياعم روح دبي او اي بلد ومن هناك اطلع ع السودان

 

[Mostafa Nageh]

حتى السودان!!
الواحد حاسس انه بعد كدة هيدخل المعادي بفيزا وتصريح امني وكشف حساب وكشف طبي ودعوة.

 

[Mahmoud Magdy]

ياشباب أنا عارف ان في شوية قلق بينا وبين الدول بس سؤالي كان واضح ومكنش في نيتي أي حاجه سياسيه انا بسأل علي الإجراءات ايه وربنا يلطف بينا وبيكم

 

[Ahmed Adrynoo]

اصلا اللي رايح عشان يهرب ولا ينضم لكذا او يعمل مصيبه اكيد هيسافر بلد عاديه ويطلع منها ع بلد ف الاصل بتصريح امني يعني انا شايف حوار تصريح ده فاكس

 

[Youssef Mordi]

اطلع علي دبي ومن هناك بقه

 

[Youssef Mordi]

 

[محمد العطار]

يا Mahmoud Magdy بعد اذنك ممكن تقول لي اجراءات الفيزا و التصريح انا نفس وضعك