في إيه يا جماعة هو الواحد كل ما يكتب بوست ولا...

[جهاد الشعراوي]

في إيه يا جماعة هو الواحد كل ما يكتب بوست ولا يعمل كومنت يلاقي ناس داخله انبوكس تتظارف وتستخف فدمها .. اعتقد احنا كبرنا ع الهري الفارغ دا بقي !!

 

[Khaled Badry]

انا مش هلوم غير حضرتك عشان مش بتبلغي الأدمن ...

 

[Nivoo Saber]

فعلا والله
والواحد بطل يعلق في اي جروب مصري

 

[El Marshall Ahmed]

معلش

 

[Ahmed Badrul Radzi]

وليه تبلغ الادمن ولا اي حاجه ،، بس ماتعملش accept للرسايل و خلاص

 

[Marwa Gaafar]

مفيش جروب كل الي فيه عاقلين يا جهاد .. تجاهلي الي ميعجبكيش وخلاص

 

[Tamer Mohamed]

دى حالات فرديه يا جماعه واشخاص تافهه معلش اى حاجه فيها الكويس وفيها الوحش ومش فكرة جروب مصرى او جروب هندى للعلم الفكره فكرة اخلاق وتربيه وفكر مش اكتر ملوش دخل هوه منين ... شكرا

 

[Muhammed Elkashway]

صح بدل الهرى إلى ف الفاضى ده بلغى الادمن علطول

 

[Helal Helal]

فين السؤال

 

[Ahmed Abdel Rahman]

حضرتك الجروب ١٠٦ الف ... طبيعي هيبقي فيه كده و كده ، و الموضوع في الاول و الاخر في ايد حضرتك

 

[ابوعمرالدين عبدالحافظ]

بلوك وريحي راسك ولا تعصبي حالك

 

[Akram Essam Mohamed]

دى حالات فرديه و اعتقد ان الفايس بوك عامل الحق ان تقبلى المسج او ترفضيها او تعملى بلوك و الادمن هنا مش مدير مدرسه عشان يفضّل يقول لكل عضو عيب متبعتش ...بوست مش فى محله إطلاقا !

 

[Mahmoud Samir Bedair]

ده انا شخصيا بيجيلي معاكسات ربنا يكون في عونك

 

[Khaled Suleyman]

تحرش إليكترونى يا جوجو

 

[Amin Amr Al Khodary]

حضرتك مرتبطه

 

[Fawaz AlZahlof]

اكيد كراش من دبي كلنا بيجلنا رسايل

 

[Rhonda Torayah]

يابنتي امبارح منزلة بوست اسأل على فيزا شنجن.. واخدة بالك؟ بسأل على الفيزا يقوم بني آدم ظريف داخل يبعتلي هو فيزا شنجن سهلة!!! يعني يا أخي خليك منطقي.. وعلى فكره سألت لو حد يعرف الادمن يعمله منشن علشان ابلغه محدش عمله.. احنا ممكن نعمل سكرين شوت ونفضحهم وننزلهم عالجروب

 

[Alaaeldin Ahmed]

اسكرين شوت وخلينا نتفرج هيضفضحوا ومحدش هيفكر يعمل كده تاني

 

[Ashraf Awad]

امال احنا لما بنزل بوست مش بيحصل كدة ليه
ع العموم الأفضل ف الحالات دي التجاهل
متقبلوش رسايل من حد مش ف الفريند عندكم وخلاص
وكمان نظرية البلوك المتين
وكمان ممكن سكرين شووت وللادمنز ع طول يحذفهم ويطهر الجروب

 

[ياسر المصري]

والله بجد ناس عايشه في دور مش دوره وناس شايفه نفسه علي الفاضي
بلا قرف