B
Bahaa Aldeen Farouk
:: مسافر ::
الموضوع كبير جدا و محتاج تفاصيل كتير , هل الرحله دي شهر عسل و لا شباب و لا عائله ؟ هل محددين ميزانيه معينه ؟ هل الرحله هدفها شوبنج فقط ؟ هل عاوزين استجمام و طبيعه و لا تنطيط و رحلات و مغامرات و جزر ؟
هيا دي شغلتي أني أنظم رحلات خاصة لشرق أسيا و علشان الرحله تطلع صح 100% لازم نعرف احنا مسافرين لسه
هيا دي شغلتي أني أنظم رحلات خاصة لشرق أسيا و علشان الرحله تطلع صح 100% لازم نعرف احنا مسافرين لسه
A
Ahmad Abdelwanis
:: مسافر ::
الموضوع كدة كبير اوي هحاول اجاوب علي اد ما اقدر
اولا الاماكن: الرحلة التقليدية بتبقي بوكيت وبانجوك
بوكيت جميلة جدا وشواطئها روعة ، بانجوك عاصمة زحمة جدا فيها اماكن كتير حلوة لكن الزحمة هتضايقك فالتقسيمة الطبيعية للرحلة بتبقي التلتين بوكيت والتلت بانجوك
يعني لو طالعة ١٠ ايام يبقي ٧ بوكيت و٣ ايام او ٤ بالكتير اوي
الشوبنج في تايلاند رخيص جدا والاسعار رخيصة جدا لكن خدي بالك لأن تايلاند هي سوق البضاعة المضروبة والتقليد الاولي في العالم
فاصلي علي اد ما تقدري وانتي بتشتري اي حاجة ، لو البياع قالك ٧٠٠ قوليله ٢٠٠ وفي الاخر هتشتريها ب٣٥٠ بالكتير
الخروجات والفسح في تايلاند عايزالها بوست لوحده لان تفاصيلها كتير اوي
لو اي سؤال تحت امرك
اولا الاماكن: الرحلة التقليدية بتبقي بوكيت وبانجوك
بوكيت جميلة جدا وشواطئها روعة ، بانجوك عاصمة زحمة جدا فيها اماكن كتير حلوة لكن الزحمة هتضايقك فالتقسيمة الطبيعية للرحلة بتبقي التلتين بوكيت والتلت بانجوك
يعني لو طالعة ١٠ ايام يبقي ٧ بوكيت و٣ ايام او ٤ بالكتير اوي
الشوبنج في تايلاند رخيص جدا والاسعار رخيصة جدا لكن خدي بالك لأن تايلاند هي سوق البضاعة المضروبة والتقليد الاولي في العالم
فاصلي علي اد ما تقدري وانتي بتشتري اي حاجة ، لو البياع قالك ٧٠٠ قوليله ٢٠٠ وفي الاخر هتشتريها ب٣٥٠ بالكتير
الخروجات والفسح في تايلاند عايزالها بوست لوحده لان تفاصيلها كتير اوي
لو اي سؤال تحت امرك
M
Mohamed Fathi
:: مسافر ::
بصي انا طلعت في 2013 شهر عسل حجزت مع نفسي كل حاجة الفندق والطيران و خليت شركة سياحة اعرفها ف المعادى جابت لي التأشيرة .. الليلة دي كلها وقفت عليا وقتها ب 11000 ج تقريبا و اخدت معايا ونا رايح 1000 دولار بس ماصرفتهمش كلهم صرفت حوالي 500 بس .. روحت الأول علي بوكيت و طلعت منها بعد كده علي بانكوك طبعا طيران داخلى الفندق بتاع بوكيت كان جامد جداا لكن بتاع بانكوك كان زبالة اوي ندمت اني حجزت فيه
طلبات التأشيرة جواب عمل بمفردات المرتب و باسبوى سارى عالاقل 6 شهور و كشف حساب من البنك يكون updated لأن اللي وديته ف الاول كان بقاله فترة فا السفارة رفضته و خلتني عملت واحد تاني وطبعا ترجمت و ثيقة الزواج ف مكتب ترجمة
لو احتجتي اي تفاصيل اي حاجة قولى لى ونا ان شاء الله اساعدك فيها
طلبات التأشيرة جواب عمل بمفردات المرتب و باسبوى سارى عالاقل 6 شهور و كشف حساب من البنك يكون updated لأن اللي وديته ف الاول كان بقاله فترة فا السفارة رفضته و خلتني عملت واحد تاني وطبعا ترجمت و ثيقة الزواج ف مكتب ترجمة
لو احتجتي اي تفاصيل اي حاجة قولى لى ونا ان شاء الله اساعدك فيها
W
Walaa Omran
:: مسافر ::
تايلاند موجود فيها سوق اسمه سوق الأحد وده يوم واحد فقط بالأسبوع اللي هو الأحد هههه وده فيه كل حاجه ممكن ان تتخيلوها وبسعر الجمله ، ومليان ماركات سواء في الملابس والشنط ، وكمان فيه السوق الصيني وكل حاجاته جمله ، ده غير أسواق شعبيه ومولات رخيصه موجوده ، كل ده في بانكوك ، أنا سافرتها ورحت كل الأماكن دي ، ، وللفسح موجود المعابد والسوق العائم والغابات ، وده برده كله موجود في العاصمه بانكوك ، الأكل هناك طبعا ريحته غريبه شويه بس مميز للي بيحبوا يجربوا الأكلات المختلفة ، وفِي كل الشوارع هتلاقوا أكل ، لكن يفضّل تاكلوا أسماك لإن اللحوم بكل أنواعها مش حلال ،، حتي كنتاكي وماكدونالدز مش حلال ،، وممكن جدا تروح بتايا ودي شاطيء جميل وقريب من العاصمه مش بعيد